بنات كيف اتعامل مع زوجي المتزوج

[شموخ ممطير]

بنات انا مليت من الوحد اليل والنهار جالسه بروحي زوجي دوامه باليوم 12ساعه اذا كان يومي مايجيني الا ساعتين وبعدها ينام ويصحى ويروح لدوام وانا ماعندي الا ولد ومانعني اني اطلع وروح وجي حتى اهلي مايبيني اروح لهم ولا جاراتي ولا احد واليوم الي يكون عندها مايجيني ابد عكس زوجته يخليها تروح وتجي على كيفها ومايخليها تجلس لحالها في البيت مايبيها تطفش بنات والله كل شوي ابي انتحر ومن غير الكلام الجارح الي يسمعنياه يوميا واذا ماكان عندي يسمعنياه في التلفون مليت من الوحد تعبت وربي

 

[جادل سبيع]

الله يهديه وايفرج همك..

 

[r0007]

يعني انتي الزوجه الثانيه
والله انا اشوف تحطين حد مع زوجج
ولا تطلقي وشوفي نفسج مع غيره

 

[فوفو22]

حياتي

السعاده موجوده بينا وعندنا وحولينا

وحنا نقول لها تعالي

وحنا نقولها ما نبيج

اذا انتي متزوجه متزوج

عارفه انه الوقت متناصف بينج وبين غيرج

واذا هو مانعك عن مواضيع معينه

اتسلي باشيا ثانية

النت

مساعده خلق الله بمشاكلهم

تنميه مواهبك

الاهتمام اكثر بابنك

والزوج المتزوج ثنتين يبحث عن الراحه النفسيه في وحده فيهم

يحتاج زوجه

ما تتكلم عن الاخرى وتدخل في سكك المقارنه وتطفشه

تعلمي اداره الحوار السليم

فوفو

 

[روح مغليهاM]

الله يسخره لك ويحنن قلبه عليييييك

 

[Gifts&Occaions]

الله يعينج

 

[قموشه21]

ولا تطلقي وشوفي نفسج مع غيره

اصصلحي ولاتخربين بيتهــآآآ

حبيبتـي عادي الوضع طبيعي بما انه متزوج هذا نظامهم حتي لو ريال وعنده مرة وحده زين تحصلينه..

انتي جددي بحياتج .. غيري بداركم .. بتقولين سويت وحطيت لا حاولي اذا يالج لاتعاتبينه .. جنه ماصار ششي دلعيه سوي له مسًَاج .. خل يحس بالامان والراحه عندج..

وبما انه متزوج فالله يعينج وان شاء الله يتبدل الوضضع .. من حآآأل الـي حـآآآل..

ولاتنسين لج رب ويشششششوف

 

[البسمه العذبه]

الله يعينج كلميه صارحيه وكل شي يبدا كبير يرجع صغير وخلي املج بالي ماتنام عينه ​

 

[قلب طفـــله]

شاللي حادج تقعدين عنده وتحرقين اعصابج اهو شكله مرتاح وايد مع الأولى وانتي عندج ولد الحمدالله خير ونعمه الله يخليه لج كبريه واهتمي فيه محد راح ينفعج غيره كلمي ريلج وتفاهمي معاه ولااشتري راحتج وروحي عند اهلج خليه يجيج هناك اذا يقدر ولا مايشوف شر

 

[ام كوثر2007]

مثل ما قالت اختنا فوفو .. شغلي نفسج بأشياء ثانيه

يمكن عشان توكم متزوجين مانعج من الطلعه وهالامور

ما فيها شي لا قعدتي معاه بطريقه حلوه واسلوب هادي واتفقتي انه اليوم اللى مايكون عندج هذا لج . يعني تاخذين ولدج اطلعين اتسيرين .. اعتقد انه من حقج هالشي .

وعسى الله يسخره ويهديه لج يا رب .

 

[الزين أبوها]

انا مع كلام الاخت فوفو اشغلي نفسج بامور وهوايات انتي تحبينها واهتمي بولدج وبيتج

وعندي لج نصيحه كانت تقولها لي جدتي الله يرحمها اذا كان الريال عندج لا تجيبين طاري زوجته الثانيه بخير او شر ولا تقارنين

بينج وبينها ولا تذكرين اسمها وطاريها عنده واذا طلب منج شي وانتي ما تبين تسوينه لا تقولين له روح للثانيه واطلب منها الطلب

هذا لا اعتبري انج الوحيده في حياة زوجج

الله يسخر لج زوجج ويحفظ لج ولدج ويطرح فيه البركه

 

[جذابه بنت ذيابه]

الله يعينج يالغلا ..



حاولي قد ما تقدرين اذا صار يومج وجا عندج

يكون بيتج مرتب ومبخر و لابسه ومتعطره وخليه على كيفه لا تعاتبينه وابتسمي بوجهه ..



واذا كان يومها اشغلي نفسسج بترتيب البيت و تغير الغرف



الله يصبر قلبج .. ولا تنسين تدعين بصلاتج ان ربي يسخره لج و يحنن قلبه عليج

 

[om MaRyooM]

من كلامج باين انج الثانية


حبيبتي دام كان هذا قرارج لازم تتحملين كل شي

شنو متوقعة من زوج متزوج

بيكون فاظيلج 24 ساعه؟؟؟


حاولي تشغلين نفسج باي شي

بالمنتدى .. بالقراية كتب او مجلات .. اي شي تحبينه


واقنعيه انج تطلعين هذي ابسط حقوقج
عالاقل لو تشتركين بنادي

 

[نور ونوير]

الله يعيينج

 

[&هند&]

حبيبتي حاولي تشغلين نفسج بشي مفيد وتعوذي من ابليس ،،،،

 

[sosowaty]

ااااااب

 

[ماني من الناس]

هذا اختيارج حبيبتي والزواج مو غصب


انتي داخله عالزواج وعارفه انه رجل واحد فقط يشتغل له دوامه له وقت نومه وله زوجتين وله طلعاته اكيد يعني اكيد حسبتيها قبل الزواج ان اكثر من ساعتين مالج وانج بتحصلين ربع ربع اهتمامه وهالشي واضح


فهذا خيارج وتكيفي مع الوضع اللي مو طبيعي انه مايخليج تطلعين ولا يطلعلج ولا تشوفين الدنيا والكبت يولد الانفجار


قعدي معاه ساعتين جلسة مصارحه ذكريه ببقيه حقوقج اللي هاملنها

 

[دلوعة صلوح]

الله يهدى لج يارب

 

[منو انت]

اذا ولدج كبير ليش ماتحملين وتجيبين له اخو يمكن لو صار عندج اكثر من طفل تنشغلين اكثر

وترى ماله شغل ان عنده زوجه ثانيه حتى لو كنتي بس انتي بحياته الحين صارت حياه اغلب المتزوجين دوام والظهر نوم وبعد المغرب الدوانيه مايردون الا وقت النوم ولا يدري عن شي عسى الله يعين بس


عاد انتي حاولي تشغلين نفسج بشغلات انتي تحبينها ولا يصير اهو شغلج الشاغل الحمدالله دام عندج طفل احسن من الوحدده

 

[رتو الكيوت]

لاتلومين نفسج انج خذتي متزوج وتحسفيت حتى العزوبي جذي وضعه

خلي انه مشغول على جنب بس على قولج الكلام السم ويسمعجياه بالتلفون

شالله حاده تزوج عليها ؟

والولد منه ولا من زوج غيره ؟

كلميه وخليج قويه وياه وطلعي حقوقج من بين عيونه