بنات كل وحده تعرف عن السونار الرباعي تدخل

[كتكوته ورديه]

هلا بنات من تعرف السونار الرباعي في اي شهر يسونه
وهل له الاضرار اذا سويته وانا لي اربعه
الاني مخربطه بحساب الحمل يعني ما اعرف اي شهر انا فيه مره اول بخامس مرات اقول لا انا برابع
الله يخليكم الي تعرف ترد بسرعه
وعنده اي دكتور ومستشفي
منو يعرف دكتوره نجيبه القطان
ياليت ساعدوني الله يجزها خير الي تعلمني

 

[SoOoNa@aHReEeY]

هلا حبيبتي ...انا حاليا بالشهر الثامن و سويت السونار الرباعي اللي اهو الملون بالشهر الخامس اخر الخامس تقريبا ...
صراحه انا سالت قبل لا اسوي و عرفت ان احسن شي تسوينه بالشهر السادس عشان تبين ملامح البيبي
وتشوفين ملامحه عدل ... و السابع و الثامن والتاسع ما يمدحونه لان يكون البيبي حجمه كبير و ملامحه ما تبين عدل راح تكون كبيره يعني كلش مو واضح ..
انا سويته عند مستشفى العرف بالجهرا و السعر 50 دينار اول ما تروحين هناك ما يحتاج لا فتح ملف و لا شي علي طول قولي للاستقبال ابي اسوي سونار و راح يقولون لج بالسرداب و تروحين لهم و تسوين السونار و يعطونج سي دي فيه صور للبيبي و شريط فيديو تصوير البيبي يوم سويتي السونار و راح يطبعون لج صوره للبيبي احسن صوره .. كله ب50 دينار .. وفي اكثر من مستشفى تسوي بس انا قلت لج عن تجربتي الخاصه و ان شاء الله مافيه اضرار لانه مثل السونار العادي الغير ملون بس هذا السونار يبين لج تفاصيل البيبي من تشوهات بعيد الشر و من جنس البيبي ...​

 

[لهفة المشتاقه]

هلا حبيبتي انا سويت رباعي الابعاد بالشهر السابع اول اسبوع بالسابع كانت ملامحه واضح حيل حيل مكتمله ماشالله
بطيبه كلينك ب45 منو قال فيه ضرر بالعكس تطمنين على البيبي من التشوهات

 

[q8 knosha]

رد : بنات كل وحده تعرف عن السونار الرباعي تدخل

انا سويت الرباعي بدايه الشهر السادس كان البيبي مبين حيل وعادي ما يأثر لان نفس السونار العادي بس هذا يطلع الملامح اوضح وسويته عند دكتوره فوزيه القطان بعيادتها ب50 مع شريط الفيديو والصور طبعا

 

[كتكوته ورديه]

تسلمون اخواتي الله لا يحرمك الاجر

 

[جوزائيه مغروره]

انا مسويته واينن بصراحه

سويته بطيبه كلينيك ب 45

مع فيديو وصور

ومافيه اضرار الحمدلله

والدكتوره قالت لي باول السابع لي 10 ايام وما اتاخر اكثر ولا اجدم

 

[احلا السمر]

ويعني توووه الناس يبيلي 10 اسابيع بعد

سؤال بس لا تضحكون علي

يبين لون البشرة سمرة والا بيضة

عشان الاحزاب بالبيت
؟؟؟؟

 

[noo7a]

انا لي الحين ما سويته
بس انشالله خلال شهر بسويه
واكثر شي سامعه المدح حق طيبه كلينك يعطونج سيدي صور و فيديو

و بالنسبه حق سؤال احلى السمر

لا مايبين لون البشره
لان اخت مرت اخوي بيضه و ريلها اسمر
فمابين لون البيبي معاها الا لمن ولدت البنت

 

[нάγoηά cнεмίsтяγ]

اصلا حتى بالولادة ما يكون لون البشرة مضمون سبحان الله يالله بعد جم يوم يبين اللون الاصلي

و احسن اسبوع 26 - 27

 

[نور الدنيا 88]

واي متشوقة اسويه
عندي مراجعة نهاية الشهر و راح اكون نهاية السادس
على حسب الدكتورة اذا تسويلي و الا لا
لان انا سألتها من اول ماحملت هههه قالت بالسابع
فبروح و اشوف
اييي و سألتها له اضرار قالتلي مرة وحدة بنسوية مو كل يوم
ودي اسويه مرتين ودي اسوي عند اشرف
حق اللعب هههه

 

[ice-moon]

خوش موضوع

كنت اسال عنه

الله يتمم علينا ٩ شهور بصحه وعافيه

واهم شي الصحه والعافيه

 

[ملح الدنيا فيني]

سويت السونار الرباعى

قطيعه تقطعها بعياده تمدح نفسها فاهيه ما اعرفت شتغبر بعمرها

ولا عرفت تطلع لى لا صور ولا فيديو تخيلو وكله تقلبه سونار عادى اقولها ليش

تقول ميخالف عشان اصيد اللقطه وقعدنا فوق الساعه على ما ميش

ولو تشوفون الاعلانات بالجرايد تمدح بنفسها

ما اقول الا حسبى الله ونعم الوكيل عليها زقوم بحلجها هالفلوس اللى اخذتها ولا بردت قلبي

فنصيحه لحد يسوى الرباعى الا عند

اميره بهبهانى عطوا الخبز خبازه صج ماهره فيه وتبرد قلبج وتفصص البيبي تفصص وتوريج كل شى اما التجاريات

خلهم يستريحون مدري استشاريه على شنو ؟؟

عالطل

 

[нάγoηά cнεмίsтяγ]

واي ملح الدنيا ضيقتي خلقي،، بصراحة مو شي تروحين متحمسه وترجعين احباط



انا خايفه هذا اللي يصير فيني ،،، انتي مجربة من قبل عند اميره بهبهاني؟ بجم تسويه ؟ واروح لها باسبوع 26 - 27 ؟

و منو هذي الغشيمه اللي رحتيلها !!

سوري ع الاسئلة كثرت عليج​

 

[احلا السمر]

انا لي الحين ما سويته
بس انشالله خلال شهر بسويه
واكثر شي سامعه المدح حق طيبه كلينك يعطونج سيدي صور و فيديو

و بالنسبه حق سؤال احلى السمر

لا مايبين لون البشره
لان اخت مرت اخوي بيضه و ريلها اسمر
فمابين لون البيبي معاها الا لمن ولدت البنت

فديييتج مشكوووورة

:yaaaaaarb:

 

[احلا السمر]

اصلا حتى بالولادة ما يكون لون البشرة مضمون سبحان الله يالله بعد جم يوم يبين اللون الاصلي

و احسن اسبوع 26 - 27

ايييييييييييييييه صح
عندي صوري اول ما انولدت

الظاهر امي نستني بالشمس وتحمشت :eh_s(2):

 

[انجبر قلبي]

ملح الدنيا

الله يعوضج فلوسج ما استفدتي شي عيل!

عند منو سويتيه ؟

 

[توتي فروتـي]

والسونار التفصيلي متى ينصح فيه؟