بنات كلية التربية - جامعة الكويت .. استفسار

[hawraa]

السلام عليكم ,,

بنات انا بحول كلية التربية ,, وودي أتخصص عربي متوسط - ثانوي

شنو شروط التخصص ؟؟

وموادكم شلون صايره؟ من حيث السهولة والصعوبة ؟

والدكاترة ."؟

وبس :>

 

[غلا دنيتي جابر]

حبيبتي انا مثلج ناويه احول التربيه ورحت وسألت الرشاد والتوجيه بالتربيهوقالولي انه مافي مواد معينه لازم تجتازينهم
بس لازم يكون عدد وحداتج ما بين 30-45 وحده
ووبس هذا الي اعرفه
وسامحيني على الإقصور

 

[hawraa]

حبيبتي مشكوورة وماقصرتي :>

,,

لمن أحول اتخصص بنفسس الوقت؟؟

 

[#الخشف#]

انا تخصصي عربي متوسط/ثانوي ....مافي اي شروط حق التخصص بس اللهم يكون معدلج نقطتين فأكثر...ومن ناحية المواد انا بالنسبة لي حيل صعبة وراح احول لابتدائي بس يمكن انتي تكونين اشظر مني فيها وتمشين عااااااااااادي .....والدكاترة ع مااعتقد معروفين دكاترة العربي حيل التزاميين وما يساعدونج كلش.........اتمنى اني افدتج...دعواتج لي بالتيسير في تحويل التخصص ؛(

 

[hawraa]

لوول

صدميني اكثر :\

عاد قريت المواد حلوه ومو حلوه ,,

دسمة ,,

عسى الله يوفقج ياارب

ويسر لج دربج

 

[كلن له الله]

وعليكم السلام
وبالنسبة للتخصص تراه حلو ويهبلللل للي يحبه <<<مثلي اعشقه بكل حالاته
امممم الشروط ماكو شروط بس يكون معدلج فوق النقطتين
والمواد حلوة فيها السهل وفيها الصعب مثل اي تخصص بس ترا عادي تمشي
والدكاترة هم نفس الشي فيهم الطيب والزين وفي العكس ما اقدر اقولج كلهم زينين والا كلهم لااا
وانا عن نفسي مروا علي دكاترة بهالقسم رؤؤؤعه ينحطون عالراس مثل
الدكتور محمد نشمي .....يكرف كرف مو طبيعي وعلى ذم البنات له فديييييييييييتوووووووو مظلوم
د.تركي المغيض ....نفس الشي ذموووه حييييل بس عسسسسسسسسسسسسل دوعن
د.صلاح الناجم .... اموووت فيييييه طيييييب لابعد الحدوود واااااااااي اموت فيه
د.عبدالله الكندري ... اهو يجننن بس لا تاخذين عندو نحو لانو بصراحة ما يأسس عدل ويحذف شغلات واجد انا خذت عندو نحو1 وتوهقت
بنحو2
امممممم وفيه غيرهم بعد بس هذول التوب
ونصيحتي لج اذا تحبين العربي تخصصي واذا لا حولي لشي ثاني عشان تبدعين فيه وماتتعبين

 

[طالبة1990]

التخصص هذا مافيه شروط ابد

بس عشان تحولين للتربية لازم يكون معدلج نقطتين وتجتازين 30 وحده

التخصص يقولون صعب والذمة ع الراوي

وهو تخصص نادر يعني فيه مكافاة تخصص نادر كل كورس


وانتي استخيري والله يوفقج ان شاء الله