بنات قلبي مو متطمن ليش ما قاعد يصير الحمل ؟

[سرقت النوم]

السلام عليكم بنات اشلونكم وخباركم انا ياطويلات العمر صارلي سنتين اخذ حبوب مانع مارفلون بوصفة دكتورتي بالهادي
المهم ان انا صارلي شهرين من وقفت الحبوب و ما حملت
رحت راجعت كذا دكتوره و سويت تحاليل و ما فيني اي شي يمنع الحمل ؟

تهقون شنو السبب سبحان الله ؟
يعني انا عندي بنتين و ابي احمل بولد
و رحت دكتوره ناهده العلي و د معصومه مخصيد و كلهم قالولي ما فيج اي شي يمنع الحمل و في تبويض و سويت اختبار التبويض مرتين ومع ذلك ماحملت
والله قاعده احاتي وين اروح شنو اسوي ؟

ابي احمل باقرب فرصه ممكنه

و الله احاتي الحمل ألحين انا باليوم ال 19 من نزول الدوره
و احس بعوار بظهري ..

خايفه تجيني الدوره مابقى عليها غير اسبوع تقريبا

يارب
ادعولي بنات احمل هالشهر ..
والله متحطمه ...

 

[نداااوي]

الله يعطيكي يلي في بالك يارب

وتحملي هالشهر ياكريم

لاتتحطمي ولاعلى بالك

يمكن الحبوب سوت تأخير

إن شاء الله مافي إلا كل خير

أنا بصراحة ما بحب الحبوب بستخدم مانع طبيعي >>> بره

وعندي متلك بنتين وصارو كبار 9 و 5 سنين

يارب يارب يارب تحملي

طمنينا عليكي حبيبتي

 

[عــود كمــبودي]

الله يرزقج يااااارب

 

[دلوعت مودها]

الله يرزقج بس انطري جم شهر لان هذا تاثير الحبوب توج هادتهم
الله يرزقج,,,ويرزقنا وكل محروم يارب,,,

 

[رووحي لغاليها]

رد : بنات قلبي مو متطمن ليش ما قاعد يصير الحمل ؟

الله يرزقج يارررب

 

[صخر جلمود]

الله يكتب لج اللي فيه الخييير

 

[قلب مغليك]

رد : بنات قلبي مو متطمن ليش ما قاعد يصير الحمل ؟

الله يرزقج انا اسمع ان الحبوب تعطي مانع 4 الي 6 شهور

 

[شوقني ياشوق]

ياقلبي
نص الحريم يصير معاهم جذي
منهم خواتي وحريم اخواني
حبوب المانع اذا تركتيها تعطيج مانع طبيعي لمده 3شهور اقل شي
مدام كل شي طبيعي لا تحاتين ربي بيرزقج ان شاءالله

 

[مواصله]

رد : بنات قلبي مو متطمن ليش ما قاعد يصير الحمل ؟

طبيعي اختي لاتحاتين طول استخدام المانع يسبب كسل بشغل المبايض تطمني

 

[سرقت النوم]

الله يسمع منكم بنات ما قصرتو ...

 

[مي الحلوة]

رد : بنات قلبي مو متطمن ليش ما قاعد يصير الحمل ؟

هلا حبيبتى انا بعد كنت اكل حبوب منع حمل مدة سنتين..وصارلي سنة ونص تاركة الحبوب والحمد الله كل تحاليلي سليمة
وهرموناتي مضبوطة..تقول الدكتورة مناعة من الحبوب..والحمد الله ما دام كل شيء سليم ان شاء الله الموضوع مسألة وقت..
وانتى لاتحاتين حاولي تنسين موضوع الحمل..

 

[نكهةالبرتقال]

حبيبتي ،،، أنا صار لي أنطر الحمل من سنتين و نص ،،، ثلاثين شهر ،،، شهر ينطح شهر

تقريبا كل شهرين أسوي تحليل أتوقع حامل


و بعدين تنزل الدورة


و الحمد لله سليمين أنا و زوجي


بس هذا تقدير رب العالمين


اذا سويتي كل الفحوصات و من ضمتها الهرمونات و اشعة الصبغة و طلعتي سليمة


فأقول ما لك إلا الصبر


((( و بشر الصابرين )))


الله يرزقك و يرزقني بالولد الصالح البار اللي يبيض الويه ،،، و يعوض صبرنا خير

 

[مناوووي]

الله يررررررررررزقج

 

[lovemyself]

اختى تصبرى الحمل مو بالكيف ولا كلنا نبى نحمل على كيفنا ومتى ما نبى
خلى بالج طويل وتصبرى انشالله مسالة وقت وتحملين
وترى الحبوب تسوى مانع
الله يرزقج