بنات قطوتي ولدت

[hello1]

قطوتي ولدت وصارلها يومين ياله ولدت وبعدها بس 2 وواحد مات بعد


شسوي حق القطوه تحتاج بيطري ولا لا ؟ وليش ؟

 

[عود ومسك]

ايه تحتاج
لازم الصبح باجر تودينها البيطري
عشان يعطيها ابرتين
وحده حق هرمون الحليب والثانيه حق باقي الوصخ اللي في بطنها
وماتدرين يمكن في بطنها واحد بعد
والحين اهم شي المكان اللي ولدت فيه تدفينه لين باجر الصبح عشان تودينها

 

[hello1]

ايه تحتاج
لازم الصبح باجر تودينها البيطري
عشان يعطيها ابرتين
وحده حق هرمون الحليب والثانيه حق باقي الوصخ اللي في بطنها
وماتدرين يمكن في بطنها واحد بعد
والحين اهم شي المكان اللي ولدت فيه تدفينه لين باجر الصبح عشان تودينها

اخاف عليها من الابر بروحها تعبانه من الولاده

 

[Janna-q8]

اول مره تولد قطوتج؟؟

ترى تجربه حلوة و مفيده ^^

راح تشوفين شلون تكبر او يكبر القطو الصغيرونووو.. طبعا اول شي ما يشوف لمدة اسبوعين و تكون لون عيونه زرقه بعدين
شوي شوي يقدر يشوف و يطلع لون عيونه الصجي

 

[مشتطـه]

أمنيتي عندي قطة بس وين اللي يطاوعني


بس ويع الله يعينج على منظر القطو الي توه مولود يلوع الجبد


أموت بالقطاوة اللي جذي بهالحجم

 

[بحيرةالبجع]

الحمد الله على سلامتها

لازم حبوبه تودينها الطبيب على شان يفحصها

ويعطيها ابره للحليب وابره ثانيه علشان اى بقايا فى بطنها ينزل ​

 

[عود ومسك]

اخاف عليها من الابر بروحها تعبانه من الولاده

ياقلبي انتي اذا تخافين عليها لازم تودينها الطبيب لازم تاخذ الابره
لان سبحان الله ممكن حلماتها ماتدر حليب عشان جذي واحد مات
والابره تخليها تدر حليب والثانيه تنظف بطنها واصلا ماراح تحس بالابر
لازم من تولد القطوه تودينها وقطوتج صارلها يومين
كل قطاوتي يكونون تعبانين حيل من الولاده خصوصا اللي تولد اول مره
اخر قطوه من عقب ما ولدت بساعتين وديتها وطلع في بطنها 2 بعد وعقب ما ردينا بساعه ولدت ال2 الحمدلله

 

[عنكوشة]

الله يعينج حرام مسكينه تعذبت انا قطوتي اول ولاده لها جذي حراام يمكن عشان ولدت واهيا صغيره الحين ثاني ولاده لها الحمد لله كلهم انولدو وصحنهم زينه ما دري انا انصحج تودينها بيطيري مثل ما قالو

 

[بطبط نوسا]

اذا ليلحين قاعد تنزف دم عطيها ابرة تنظيف رحم
واذا وقفت ومافي دم نصيحا لا تعطينها ابرة ..
وان شاء الله ماكو الا العافيه وديها يفحصون عليها
علاقل بس خل ترتاح جم يوم عشان لا تنزعج

 

[hello1]

اذا ليلحين قاعد تنزف دم عطيها ابرة تنظيف رحم
واذا وقفت ومافي دم نصيحا لا تعطينها ابرة ..
وان شاء الله ماكو الا العافيه وديها يفحصون عليها
علاقل بس خل ترتاح جم يوم عشان لا تنزعج

لا ما فيها دم والبيبي يرضع عندها حليب

 

[رتبه دبلوماسيه]

اب اب

 

[hello1]

اول مره تولد قطوتج؟؟

ترى تجربه حلوة و مفيده ^^

راح تشوفين شلون تكبر او يكبر القطو الصغيرونووو.. طبعا اول شي ما يشوف لمدة اسبوعين و تكون لون عيونه زرقه بعدين
شوي شوي يقدر يشوف و يطلع لون عيونه الصجي

ما يشوف اسبوعين وايد

 

[r0007]

خخخخخخ
توني دريت انو يعطونها ابر بعد الولاده
انا قطاوتي بلا ابر بلا شي عايشين طبيعيا

 

[hello1]

بنات عيال القطو ه يطلعون على الام او الاب

اقصد الوانهم ؟

 

[عود ومسك]

عاللي جيناته اقوا
مو شرط عادي ممكن ياخذون الاثنين
قطوه من قطاوتي جابت 2 عالابو و2 عليها هههههه

 

[بطبط نوسا]

دامها تدر حليب و ما يطلع دم ليلحين
ماكو لزوم تحاتين عيل اهما طلعو من بطنها واهما مو مكتملين الله والعالم
ف ارتاحي اهيا طبيعيه يمكن العيال ماكانو طبيعين و ربج خذا امانهم
وهالشي طبيعي دام مو مكتمل او شي ناقصه ..
بس هم اذا انتي تحاتين وديه بيطري فحص والله كريم

 

[hello1]

دامها تدر حليب و ما يطلع دم ليلحين
ماكو لزوم تحاتين عيل اهما طلعو من بطنها واهما مو مكتملين الله والعالم
ف ارتاحي اهيا طبيعيه يمكن العيال ماكانو طبيعين و ربج خذا امانهم
وهالشي طبيعي دام مو مكتمل او شي ناقصه ..
بس هم اذا انتي تحاتين وديه بيطري فحص والله كريم

واحد مات وواحد عايش