بنات قطر تعالوا أبيكم بخدمه {المكياج و العطور الفناتق}

[Mac Barbie]

حبيباتي إن شاء الله ناوية اسافر العيد قطر و حابة تقولولي عن ماركات المكياج هناك و محلات العطور و الفناتك الي مو عندنا بالكويت

مشكورين مقدما :blueSmCLR::blueSmCLR::blueSmCLR:​

 

[سعادة الوزيرة]

رد: بنات قطر تعالوا أبيكم بخدمه

مرحبا .... انا من قطر وانشالله اقدر افيدج ... عندج محل فت ول عند دوار الاذاعه والتلفزيون والجزيرة ...وعندج مؤسسة الشاهين ... وعندج بعد باريس غاليري فيه عطورات وميك اب

 

[رهيبة قطر]

رد: بنات قطر تعالوا أبيكم بخدمه

حبووبه في محل في سوق واقف اسمه محل سليم

الله يسلمج يبيع العطور بس باقل من نص سعرها فـ المحلات الثانيه

 

[الأمل الوقاد]

رد: بنات قطر تعالوا أبيكم بخدمه

انصحج بالستي سنتر على طريق الكورنيش، محل هناك جدام كارفور لماركة مكياج ايطالية اسمها بوتيجا فيردي الوانها حلوة وشغلات طبيعية.وروحي اللاند مارك وبعد فيلاجيو واغلب ماركات الشنط والماركات الكبيرة عموما موجودة في فيلاجيو.عندج التسوق في جزيرة اللؤلؤة مالت الفردان قريبة من االابراج اللي يم الكورنيش، طرازها على شكل مدينة فينيسيا في ايطاليا و فيهاالكافيهات والمطاعم.وروحي سوق واقف يجنن ، كل شئ بتلاقينه هناك، غير المطاعم الموجودة فيه ، والاكلات الشعبية، واي استفسار انا حاضرة.