بنات قررت استقيل و اعتزل مهنتي ......... بغيت نصيحتكم

[حنان العيون]

بنااااااات طبعا انا قررت








و بعد تفكير






وجهد و ارهاق





اني اعتزل مهنة التدريس

اللي سوت فيني احباط مو طبيعي

لدرجة اني بديت اطلع حرتي بعيالي

و خايفة عليهم مني

المهم طلبي هو اني بستقيل و يقدم على وزارة ثانية

ابيكم تنصحوني اي وزارة اقدم

و جم بكون معاشي اهناك

للعلم انا شهادتي بكالوريوس تربية رياضيات

 

[الدوريف]

حتى لو تستقيلين يرد يرشحج الديوان للتربية مدام شهادتك تربية هذا الي اعرفه

 

[حنان العيون]

رد : بنات قررت استقيل و اعتزل مهنتي ......... بغيت نصيحتكم

لا سألت الديوان قالوا عادي يصير اتوظف بمكان ثاني

 

[وضح النقى]

رد : بنات قررت استقيل و اعتزل مهنتي ......... بغيت نصيحتكم

حولي ادارية دام التدريس مو عاجبج

 

[حنان العيون]

رد : بنات قررت استقيل و اعتزل مهنتي ......... بغيت نصيحتكم

وزارة التربية بكبرها ما بيها

طلقتها بالثلاث

يعني من له خلق حنت الناظرة و الوكيلة

 

[حنان العيون]

رد : بنات قررت استقيل و اعتزل مهنتي ......... بغيت نصيحتكم

مازلت بالانتظار

 

[Nokia N95]

ماعندي فكرة
بس اللي اعرفه انج ماتقدرين تقدمين عالديوان بعد الاستقالة على طول
اعتقد تنطرين سنة او سنتين بعدين تقدرين تقدمين

 

[ana cute]

ماعندي فكرة
بس اللي اعرفه انج ماتقدرين تقدمين عالديوان بعد الاستقالة على طول
اعتقد تنطرين سنة او سنتين بعدين تقدرين تقدمين

لا حبيبتي عادي ماتنطر لا سنه ولا سنتين

على طول تسجل


وموفقه اختي

 

[مضيعة برقعها]

وزارة الاوقاااااف وانتي مغمضه

 

[حنان العيون]

رد : بنات قررت استقيل و اعتزل مهنتي ......... بغيت نصيحتكم

سالت الديوان قالوا ما تنطرين

و الاوقاف بحطها ببالي

و بعد وين الباجي

 

[دنيا جديده]

انا بالاوقااااف وابي اطلع منها ومنو يقول مافي شغل يستريح بس لوووعة فوق هذا كله العصر محرومه من الطلعات والونااسه وكل خميس رحله اودي الجهال اونسهم وحارقه اعصااابي .. انا ابي الاشغااال شلووون

 

[amoonh80]

رد : بنات قررت استقيل و اعتزل مهنتي ......... بغيت نصيحتكم

اختي من قالج ان تقدرين تطلعين من التربيه شوفي شروطهم الجديده اول بعدين قرري

مافي طلعه من التربيه الا بعد خدمه جم سنه

 

[بعد الصبر]

رد : بنات قررت استقيل و اعتزل مهنتي ......... بغيت نصيحتكم

حبيبتي ... مافي فكه من التربية إلا بواااااااااااااااااااااااااااااااسطه قويه جدا
كلام الديوان حجي بتستقيلين ووهقونج
إختي استقالت من التربيه وقالولها نفس الكلام الي تقولينه الديوان
وقدمت 3 مرات تقدم ويردون يقبونها بالتربيه
لما قالولها صريحه مالج غير التربيه
وقعدت 3 سنوات بالبيت ماخلت مكان ما قدمت حتى القطاع الخاص
وكلمتهم وحده دام شهادتج تربيه اسمحيلنا
لين ما حصلت على واسطه قويه خلتها تشتغل بمكان

فاختي لا تعتمدين على الديوان ... لو جذي أنا أول وحده اترك التدريس واقدم ولا غيرنا قدم
دوريلج على مكان وواسطه تالي استقيلي

وربي يوفقج

 

[ام فوااز]

صعبه انج تطلعين من التربية مالج شغل بالديوان
التربية الي يدشها مايطلع منها الا بوااسطة قوية حييل شهادتج نفس شهادتي بكالريوس تربية ماينزل ترشيحنا الا بالتربية
حولي ادارية افضل لج وايد مدرسات حولوا ادارياات ارتاحووا حيييل

 

[أليين]

اشفيكم خرعتوا البنيه انا كنت مدرسه واستقلت وحطونى بوزارة غير التربيه ورفضتها ليش افلام الرعب كل موظف من حقه يقدم استقالته محد له شغل حق يكفله له القانون

 

[أليين]

الرب واحد والعمر واحد حبايبى اللى مو مرتاحه باى وظيفه مو شرط التدريس تقدر تنقل او تستقيل وتقدم من يديد

 

[smilmoon]

رد : بنات قررت استقيل و اعتزل مهنتي ......... بغيت نصيحتكم

اليين ...ممكن اعرف جم الوقت اللي قعدتيه بين الاستقاله والترشيح للوضيفه اللي رفضتيها؟

 

[nice word]

رد : بنات قررت استقيل و اعتزل مهنتي ......... بغيت نصيحتكم

جربي بنوك معاشاتهم حلوة ولهم مميزات

 

[حبيبي مالكني]

رد : بنات قررت استقيل و اعتزل مهنتي ......... بغيت نصيحتكم

شوفيلج وظيفة قبل ما تستقيلين احسن لج

 

[فراشة المندى]

انا كنت مدرسة وما حبيت التريس نهائيا عوار راس وحنه وطلبات وايده ما تخلص ، بعد خدمه اربع سنين رحت لخدمة المواطن بوزارة التربية وقدمت طلب تحويل الى ادارية ، وانا الحين صار لي خمس سنين والحمدلله وايد مرتاحة صج الراتب اقل بس تكفي راحة البال .
فنصيحتي للي ما تحب وظيفتها تصرفي وغيري ترى التغيير حلو والعمر واحد وما يسوى اعيش حياتي بهم وغم التدريس .