بنات في وحدة معاها تكيس بالمبايض وحملت؟ حيل خايفه ما أحمل

[NaturaL.GurL]

السلام عليكم

بنات شلونكم حبيت اسأل عن تكيس المبايض هل اهوه يمنع الحمل والا ممكن يكون فيه فرصة لحدوث الحمل او الفرضه اتكون ضعيفه .. والتكيس هل اهوه انواع يعني فيه تكيس صغير ومتوسط وكبير والا عادي كل التكيسات نفس التأثير
طمنوني
ابي اسوي تحليل حمل وخايفه ما اطلع حامل ويكون السبب التكيس

....

 

[الأميرة جوري]

رد : بنات في وحدة معاها تكيس بالمبايض وحملت؟ حيل خايفه ما أحمل

اذا بسيط مايمنع الحمل

 

[فرفشه منعنشه]

رد : بنات في وحدة معاها تكيس بالمبايض وحملت؟ حيل خايفه ما أحمل

حبيبتي انا صاير فيني الحين وما ابي احبطج من شهر 7 اللي فات وموراضي يصير معاي حمل وانا بطبيعتي بسرعه احمل
والدكتورة قالتلي التكييس ياخر الحمل بس ما يمنعه وفي ناس تحمل عادي ويارب يرزقج ويرزقني
والاحجام التكيس اكيد له احجام اذا كان كبير او صغير الدكتورة بالسونار الداخلي تشوف وتقرر
وماتشوفين شر حبيبتي

 

[NaturaL.GurL]

مشكورين حبيباتي انا اذكر يوم سويت سونار اول ما تزوجت قاللي الدكتور فيه تكيس عندج وهذا اللي يأخر الدورة ويسبب ظهور الشعر بالجسم بس قالي لا تخافين فهمت من كلامه ان اللي عندي بسيط لأن كان يطمني وكلما اييب الموضوع يقولي عادي بس ما سألته عن الحمل اخاف مايخليني احمل بس انا خايفه يكبر

 

[cute cat q8 ack]

السلام عليكم حبيبتي لا تحاتين انا نفسج بالضبط قبل لا اتزوج دورتي مو منتظمه من شهرين لي 3 تتأخر علي . قاالولي تكيس مبايض وهرمونات ملخبطه وكاني ماشالله من تزوجت حملت

 

[محتاره بدنيتي]

حبيبتي تدرين ان احسن حل حق اختفاء تكيس المبايض اهوا الحمل
انا خالتي متزوجه من 7 سنوات ومن قبل لاتتزوج كان عندها تكيسات على الرحم وسوت عمليه 3 او مرتين شالتهم بس ردو
والحين الدكاتره اقولونلها تحمل علشان الحمل احسن حل حق التكيسات بس اهيا ماتقد تحمل لان اصلا معتدها تعبانه وتخاف البيبي يطلع تعبان بس كل شي قسمه ونصيب والحمدلله على كل حال ولاتخافين ولاتحاتين اللي كاتبا رب العالمين اهوا اللي بصير
وان شاءالله مافيج اللا العافيه وتحملين

 

[chanel N22]

الله يرزقج لاتحاتين

 

[عذآب إلـ أنآ]

آعرف وحده فيها تكيس مبايض يمنع الحمل سوت عملية منظآر وكآهي عندهآ 5 عيال ماشاءالله

 

[NaturaL.GurL]

يعطيكم العافيه على ردودك
طمنتوني شوي و الله يستر

 

[ملك14]

رد : بنات في وحدة معاها تكيس بالمبايض وحملت؟ حيل خايفه ما أحمل

انا قبل احمل كان فيني تكيس والحمدلله بفضله تشافيت منه بس كنت اشرب مراميه ومرقدوش يوميا والحمدلله حملت والله يتمم حملي ويرزقج بالحمل السليم ويرزق كل محرومه ياااارب

 

[BiiShOoO]

انا كان فيني و حملت

 

[Winter Q8]

ربع الحريم فيهم تكيس و يحملون و مايدرون ان فيهم تكيس ..
أعرف وحده كان فيها تكيس و كبير و ارتفاع هرمون الحليب ..
نزلت هرمون الحليب و حملت الحمدلله و ماشاءالله الحين عندها 3 طبيعي بدون علاج..

توكلي على الله و خلي معنوياتج عالية و ان شاءالله تبشرينا بحملج ..

 

[كوكي العسل]

لا تخافين وايد حملوا ومعاهم تكيس اذا عندج وزن زايد نزليه اهم شي

والله يرزقج يارب

 

[لمسة انثي]

:eh_s(7):هلا عمري انا كان معاي تكيس وعلاجته وعلاجه بسيييييط اهو خففي اكلج و وزنج وشربي علي ريج كوب منقوع فيه رشاااد مدة خمس ايااام وقفي ثلاث اياام بعدين عاودي الكره وراح تشوفين شي ينزل منج لونه ابيض وعلي حسب التكيس اللي فيج كانه بيضه صغيييييييييييييييييييييره حيل انا سويته لما قالتي ام عبدالله اللي بالمنقف تعالج الحريم وسويته من 4 يوم نزل معاي شي كانه بيضه يوم رحت الحمام وانتم بالكرامه والثاااانيه المبيض ثاني بعد 14 يوم نزل والحمدالله وشهر الثاني حملت بس كثري من شرب مااااااااااااااااي للقاااح البحريني الاصلي... ودعيلي تكفين اوكككي ... وان شاءلله تبشريني بحملج


:yaaaaaarb:

 

[نونو جين]

الحمل بيد رب العالمين انا قبل قالو لازم عمليه لان الاكياس كبييييره واول شهر حملت ماشالله هالشي بيد ربج مو بيدهم
انصحج بدكتوره مهجه البدر مره عوووووووده وفاهمه بهالموضوع وارد اقولج هذا بيد الله

 

[NaturaL.GurL]

بعد عمري كلكم ونستوني

بس انشالله خير

اليوم انشالله بشتري تحليل المنزلي

و باجر الصبح اول ما اقعد من النوم بسويه واشوف

بإذن الله

 

[&رعبوووبه&]

الله يرزقج حبيبتي انا كان فيني وسنتين اكل حبوب جلوكوفاج والحمد لله حملت

 

[_Pure_]

لازم تسوين رجيم و رياضة صدقيني
و ارتاحي نفسيا و لاتفكرين التوتر مو زين للهرمونات

والله يرزقج يا رب

 

[NaturaL.GurL]

مشكورين حبيباتي انا مو متينه بالعكس ضعيفة بس مادري ليش هالتكيس

 

[nadoo]

مثل حالتي ان شاء الله هذا الشهر انا وانتي حوامل