بنات ..في فرق بين الألياف والتكيس ؟

[WaChoCha]

مرحبا بنات

بقيت اعرف في فرق بين الأياف والتكيس ....لان الدكتورة قالت لي ان فيني الياف صغيرة يوم سويت سونار ثاني يوم الدورة وعطتني حبوب منع الحمل .. وانا من طبعي كله ابحث بالنت عن اي متعلق بتاخر الانجاب واسبابه وعلاجه وعرفت ان حبوب منع الحمل تنوصف حق اللي عندهم تكيس ..عاد انا شكيت لان ما عندي اعراض التكيس ..فقلت اسال اشوف في فرق بين التكيس والالياف

 

[m e m e]

شوفي انا بقولج اللي اعرفه بس مو متأكده ١٠٠٪

الأليااف تكون بالرحم مو عالمبايض و اذاحجمهه كبير تكون مثل مانع طبيعي

اما التكيس فا يكون عالمبيض بس مايمنع الحمل مع العلاج او حتى بدون علاج في حريم يحملون عالتكيس

انا قريت اب موضوع الصباح ان قايلييلج صغير لاتحاتين انشاء الله ماكو الا العافيه

 

[WaChoCha]

ميمي الله يطمنج ...انا مشلكتي كل ما قالو لي بنسوي لج شي او فيج شي رحت سويت له بحث بالانترنت ..علشان جذي تلخبطت
عاد انا عندي سونار الماي يوم الخميس يكشف الرحم اذا سليم ان شاء الله راح ابدي عملية الحقن المجهري

 

[m e m e]

لا انشاء الله سلييم لاتحاتين انا اختي تعرف وحده طلع عندهه تليف كبيير بس بين وياها اب اشعة الصبغه.
و بس شالته حملت طبيعي
بس انتي قالولج صفير و لاتحاتين انشاء الله مايأثر

انشاء الله ماكو الا العافيه

 

[m e m e]

ههههههههههههههههه امبييه انتي نفسي من اسمع كلمه سييده احوس بالنت و اقرااا خخخخخخخخخ ترى محد يايبلنا الوسواااس غير هالنت

 

[WaChoCha]

تصدقين عاد فعلا محد ياب لنا الوسواس غير النت ..والله صرت خبيرة من كثر ما قريت حتى اشعة الصبغة ما سويتها الا لما شفتها بالنت ومن شفتها اخترعت بدال ما اسويها بالصباح رحت الخاص .. لوووووووول مو بس انا اللي احوس بالنت

 

[Coffee-Girl]

ماقصرتي ميمي كلامج عدل

WaChoCha
لاتحاتين ماكو الا العافيه بس تابعي علاجج ولا تهملين نفسج

 

[m e m e]

تصدقين عاد فعلا محد ياب لنا الوسواس غير النت ..والله صرت خبيرة من كثر ما قريت حتى اشعة الصبغة ما سويتها الا لما شفتها بالنت ومن شفتها اخترعت بدال ما اسويها بالصباح رحت الخاص .. لوووووووول مو بس انا اللي احوس بالنت

ههههههههههههههههههه لالا موبس انتي انا قمت اناشب الدكتوووره لارحتلهه واطالع نتجة تحاليلي قبلهه
المفرووض نحصل شهادة صرنا احسن من الدكاترo
:dddds:

 

[WaChoCha]

Coffee -Girl
مشكورة حبيبتي على الرد ...ان شاء الله ماني هاملة نفسي وباكمل واشوف وباذن الله يكون الرحم سليم علشان يبدون معاي العلاج

ميمي اي والله صرنا دكاترة اي خطو اسويها اكون عارفة اهي ليش واشحقة ...تدرين العلم نور