بنات فيني تكلس بالمشيمة منو صار فيها جذي؟

[Vanish_q8]

السلام عليكم
أنا اليوم رحت مراجعتي ولا الدكتورة تقولي انه المشيمة فيها تكلس وقالتلي اسوي سونار تشخيصي ، رحت سويت وطلع صح في تكلس والدكتورة خائفة عالبيبي لانه التكلس ما يخلي الدم يوصل البيبي ، بس بنات أنا للحين بالأسبوع 33 الدكتورة ما تبي تولدني الحين تقول على الاقل ننطر بداية التاسع لانه البيبي توه صغير والرئة للحين ما اكتملت وانا محتارة ومادري شسوي ، أقولها تولدني يعني وولدي يحطونة بالشيشةولا انطر بداية التاسع ؟؟؟؟!!!!
عفية بنات منو صار فيها جذي وشنو سويني؟ والله وايد احاتي

 

[tbola]

ان شاء الله الله يكتب لج الي في الخير وان شالله البنات يفيدونج اب اب اب

 

[عضـــــوه]

الله يقومج بالسلامه اول مره اسمع بهالشي

ان شاء الله بنات يفيدونج

لا تحاتين وتفائلي بالخير وكثري الاستغقار

 

[نور الدنيا 88]

والله ماعندي خبرة ان شاء الله البنات يطمنونج و ماعليج شر

 

[ام سليمان 2008]

الله يقومج بالسلامة انتي والبيبي يارب:yaaaaaarb:

 

[مشغوله و محتاسه]

اذا في مجال تنتظرين للتاسع .... انتظري

لان مشاكل الولاده بالثامن مو مسألة شيشه او وزن و بس

لا تصير للبيبي اسمله عليكم مشاكل بالرئه و ممكن يصير عنده التهاب بالرئة ما يروح الا عقب السنتين

المفروض ان في ابره للرئه تمنع هالشغله سالي الدكتوره عنها


التكلس هذا يصير اذا الوحده طافت موعدها بعشر ايام او اكثر ..

انتي صاير عندج مبجر حيل

الله يعينج

شوفي الدكتوره شتقول و نفذي كلامها و الله يقومج بالسلامة

و اذا تستشيرين اكثر من دكتور افضل

روحي للصباح جيكي ترا شطار دكاترتهم حسب ما اسمع

 

[يا عيون سمي]

انزين ماتقدر توصفلج ابر عشان توصل للبيبي الدم وتغذي او حبوب بيبي اسبرين
وفي ابر بعد اساليها
والله يهون عليج وتولدين طفل معافي مشافي يارب

 

[@ام يوسف@]

الله يتمم عليج وتولدين بالسلامه واختي بالشهر السابع توقف المشيمه ما اتغذي الجاهل وتولد ولاده مبكره في كل عيالها

 

[فرفشه منعنشه]

فانش حبيبتي صارت معاي بولدي الحمل الثالث بس انا كانت مشاكل حملي فيه من اول شهر وبالسابع فتح رحمي بغيت اولد وتكلست المشيمة وولدوني بالثامن لان البيبي ماقام يتحرك بالصدفه لما رحت مراجعتي سولي سونار ولا الحركة مو طبيعية وحطوني على التخطيط نفس الشي وقررولي ثاني يوم الولاده لان الوضع خطر على البيبي ما ابي اخرعج ولكن لازم متابعه سونار وتخطيط كل 3 ايام لحد ما يقررلج دكتورج اذا اوكي الوضع او لا سمح الله تدخلين ولاده وربي يسهل عليج ويطمن قلبج

 

[*ماي الورد*]

قوليلها تعطيج ابرة الرئة احتياط

 

[*ماي الورد*]

قوليلها تعطيج ابرة الرئة احتياط

 

[engnera]

انا جذي وبس وصلت التاسع ولدتني عادي

 

[حرمه المصون]

الله يهون عليج وتولدين بالسلامه اهم شي ابرة الرية

 

[(أم نونو)]

انا عندي بنت خالتي جذي ولدوها اول التاسع والحمدلله ولدها عمره سنه مافيه شي ان شالله مافي الا الخير بس راجعي دكتورتج

واخذي ابرة الرئه افضل

 

[N0oNa]

حبيبتي انا صار لي نفسج
كنت اراجع بدار الشفا
عقب التكلس يمكن الماي يقل
انصحج روحي غزي ابره الرئه عشان ما ينحط الياهل بالشيشه لان انا حطوه ما غزيتها
و اخذي بيبي سبرين يمكن تلحقين على شي بالمشيمه
انا صارت معاي كان باقيلي سبوع و ادش التاسع
الحمدلله البيبي طلع مافيه شي غير ان الرئه مو مكتمله بس كل شي 2 اوكي
لا يخرعونج و يقولولج لو بالسابع احسن غلط لان بالثامن مكتمل اكثر من السابع
الله يقومج بالسلامه انشالله انتي و البيبي

 

[ريمية مزيونه]

منو دكتورتج
انا بعد اخر الثامن قالولي دار الشفا ان المشيمه متكلسه وماي البيبي ناقص
خليتهم ورحت لدكتورتي قالتلي عادي والتكلس فيه بناتويصيرلهم من الثامن شنو يعني انولدهم والماي اهم شي يكون من ٢سانتي
واذا حركت البيبي زينه الامور طيبه

 

[Vanish_q8]

منو دكتورتج
انا بعد اخر الثامن قالولي دار الشفا ان المشيمه متكلسه وماي البيبي ناقص
خليتهم ورحت لدكتورتي قالتلي عادي والتكلس فيه بناتويصيرلهم من الثامن شنو يعني انولدهم والماي اهم شي يكون من 2سانتي
واذا حركت البيبي زينه الامور طيبه

انا اراجع بطيبة عند دكتورة منى وقالتلي انه ما دام الماي زين الحمدلله و حركة البيبي زينة وطبيعية يعني نقدر ننطر عالاقل بداية التاسع وتولدني بس لازم كل جم يوم اسوي سونار تشخيصي عشان تحدد اشكثر اقدر اطول

 

[N0oNa]

الحمدلله بس مو تهملين السونار لان خطر على البيبي
و انشالله تقومين بالسلامه يارب

 

[جديده 1]

مادري بس اذا الوضع خطر جذي لازم يومياً تخطيط للبيبي و تراقبين عدل حركه الياهل