بنات فيدوني من زوجها عنده ضعف حركه

[شيخه و طيبه]

السلام عليكم و رحمة الله و بركاته

بنات ابسألكم و اللي ما تعرف ترفع الموضوع بدعوه عسى ربي يرزقكم ابأضعاف دعواتكم

أنا زوجي الحركه عنده من الدرجه الثالثه و الرابعه يعني صفر اللهم لك الحمد
و أنا عندي مخزون البويضات ضعيف جدا يعني أنا بالعشرينات و مبايضي مبايض وحده بالأربعين اللهم لك الحمد و كل الدكاتره قالولي لحقي على عمرج

السؤال هني من زوجها أكل علاج للحركه و حملت طبيعي ؟؟
و من زوجها في ضعف بالحركه و سوت تلقيح صناعي و نجح ؟؟ لأني خايفه من الأنابيب و قلت ربي يرزقني من السهل اللي اهوا التلقيح

و جزاكم الله خير يارب

 

[عطررالحرووف]

جربو الحجامه مره ممتازه للحركه يعملها 3شهور وياكل فيتامينات والعسل بالحبه السوداء وان شاءالله تتغير الحركه وعليك بالدعاء والاستغفاروالله يرزقك ويرزقنا وبنات المسلمين الذريه الصالحه امين

 

[noor الدنيا]

هلا حبيبتي , انا زوجي عنده ضعف بالحركة و سويت انابيب , و تلقيح صناعي و و حملت مرتين , بس سقطت ,, الحمد لله على كل حال ... توكلي على الله وسوي انابيب ,, و اللي كاتبه ربي بيصير,,,

 

[تميميه]

اختي توكلي على الله اولا واخرا
واكثري من الاستغفار والدعاء والصدقة
وابشري ضعف الحركة لها علاج انا زوجي مثلة والحمدلله اسوي تلقيح بس ادعي الله انة ينجح سويت وفشل لم تثبت الاجنة
الله يرزقنا ويرزق كل محروم قولي اميين

 

[So MuCh PaIn]

خلي ريلج يدوام على بروكسيد بلس وفيتامين e و عسل الرجل للضعف وانشالله اتحسن حالته وعسى ربي يرزقكم بالذرية الصالحة

 

[ام مراسيل]

حبيبتي ما احب اجاملج
او اطيب بخاطرج
انا ريالي عندة ضعف بالحركة
فعلا لحقي علي عمرج
وعندك مخزون المبيض ضعيف
لا تطيعين عمرج ووقتج
وتوكلي علي الله
وسوين العملية
ومافي حل غير الحقن المجهرى

 

[بغمزة اطيح خمسة]

حبيبتي
سوي انابيب وتوكلي على الله تدرين يعني شنو مخزونج ضعيف يعني الدورة تنقطع عندج مبجر ومافي علاج يطلع بويضات لمن يخلص المحزون والانابيب ما تضرج اذا ما انفعتج انا ثالث مرة اسويها لا تخافين وتوكلي عل الله واقري سورة البقرة يوميا والاستغفار والصدقة والله يرزقج بالحمل يارب

 

[lady like]

up up up