بنات فهموني ليه الوحده تلجأ لعمليات التنحيف وشنو الفرق بينهم ؟؟

[يااسمينه]

السلام عليكم
بنات اسمع كثيير عن عمليات التنحيف .. الي منها التحوير والتكميم والتدبيس اعتقد
شنو الفرق بينهم ؟ وليه الوحده تلجأ لهم ؟ ممكن بالرجيم الوحده تضعف .. مثلا هدى حسين مسويه عمليه تنحيف بس مادري اي نوع مع ان جسمها مايستحق تسوي عمليه مجرد امتلاء ممكن تنحف بالرجيم والرياضه ..
وهل ممكن الوحده الي تحب الاكل تعمل عمليه وتنحف وهي تاكل ؟؟ واذا غير كذا اجل شنو فايدتها ؟؟

 

[نـــــورة]

وش الفرق بينهم مو انا اللي اجاوبك

بس ليه تلجا لها؟
اذا انتي سمينة مرررة مررررة ولا قادر لارجيم ولارياضة ينحفك ونظامك بالاكل ماتقدرين تسيطرين عليه
تبدين الحالي على الفاكهه
وتبدين الدسم على الخضار
وتبدين الرز على السلطة وماتقدرين تتحكمين بنفسك

وكل مالك وزنك يزيد

فلازم يجي حل جراحي يخليك غصبن عنك صحية وتاكلي اكل صحي وتصيرين تحبين الاكل الصحي اصلا وتنحفين بس المشكلة انج راح تترهلين وهذي ضريبة السمنة


موفقه يارب

 

[يااسمينه]

الف شكر حبيبتي .. السمينه اكيد تحب الاكل .. واذا تحب الاكل اذا سوت عمليه تنحيف بتظل تحب الاكل فكيف شهيتها للاكل تتغير ؟؟ مادري فهمتوا علي ؟ يعني انا مثلا احب الحلى واحب بعض انواع من الاكل لو اسوي عمليه بظل مثل ما انا مابغيرون طبعي .. الا اذا لي نيه وعزيمه ومعناته اقدر من غير عمليه ..
هل فيه عمليات ممكن الوحده تاكل ولا تسمن ؟

 

[ii DareeN ii]

رد : بنات فهموني ليه الوحده تلجأ لعمليات التنحيف وشنو الفرق بينهم ؟؟

محد يروح ويدش غرفه عمليات الا وصلت حالتة النفسيه والصحيه مرحله صعبه والي يحس ان يقدر على الرجيم لايقدم على العملية وماكو عمليه الواحد ياكل ويستمر رشيق لازم المحافظة واهي عامل مساعد واذا انتي مشاء الله قادره على هالشي لاتسوين عملية وخري عنها وللعلم الحلقه والتدبيس والتكميم مايصلحون للي ياكلون حلو بس التحوير الي تصلح لهم