بنات فكرة الطـــــلاق تراودني .. وهالمرة بقوة

[^^دموع الكويت^^]

تعوذي من ابليس حبيبتي
ونصيحة كثري من الاستغفار وقيام الليل والله مفعولها مثل مفعول السحر
والله يوفقج ويرزقج بالذرية الصالحة ويخليكم لبعض

 

[الريشة]

أهم شيء أن زوجك مستمر في العلاج ، أو أنه يجرب ياكل عسل العويد أو عسل المرشد ... يقولون وايد زين
و حاولي تخلين نفسيتك حلوة معاه و تضحكين و ترفعين معنوياته عشان ما يضيق خلقه..
و صبري و ادعي ربك و اقري قرآن و تصدقوا وايد...
اذا كنتي تحبينه و اهو يعاملك زين ، لا تتطلقين منه ، صبري شوي و ان شاءالله الله يعوض صبركم خير.
تصدقين بنت خالي صار لها 6 سنين متزوجة بس ما حملت و المشكلة بزوجها ، والحين توها تطلقت ، و تقول انه فيه اسباب ثانية خلتها تتطلق منها: انه ما يصرف عليها و كل ما قالت له شيء قال لها : اذا مو عاجبك روحي بيت أهلك.
يعني معاملته مو زينة حقها عشان شذيه انفصلت ،
و على طاري الحلم: ترى الزواج حق اللي متزوج معناه..راح يصير تغيير في حياتك....
ان شاء الله خير

 

[شيهانه كويتيه]

قعدت من النوم .... بس قعدتي من النوم كانت مو عاديه لأني كنت حلمانه حلم غريب نوعا ما .... حلمت جني متزوجة واحد ثاني مو ريلي وعلى أمل إني أحمل ...... والفرحة كبيره كبيره وحسيت الهم الي فقلبي في الواقع

راح مع حلمي هذا ...... قعدت من النوم وقمت أفكر ساعه.... وأنا أفكر .... طبعا لكل الي ما تدري عن مشكلتي في الحمال ..... أنا مشكلتي زوجي .... نقص الحركة والعدد ..... عالجنا وايد وما الله كتب لنا .........


قمت أتخيل اشلون حياتي بعد الطلاق ..... وشبح العنوسه الي راح يعيش معاي .... وسألت نفسي أيهو أقوى في التأثير شبح العنوسه .... ولا شبح اني أعيش بدون عيال ........ آآآآآآآآآآه يارب موقف صعب .........

زوجي ريال زين ويحبني ..... وهمن أنا أحبه ... بس في شي ناقص كبيير بحياتنا .... بدى الملل يتخلل حياتنا .... والروتين .... حتى الحب انقلب صداقة أكثر ..... ما عااد يهتم فيني من ناحية اني حبيبته ...!! ومو صديقته !!

ثلاث سنوات من .... التجربة .... والحب ... والتضحية من طرفي ... لكن أحس اني تعبت ... وخصوصا أهلي دااايما يحثوني على الطلاق ويشوفون انه الي سواه غلط .... خذاني واهوا يدري انه فيه المشكلة ولا قالي ...؟؟؟ ظلمني معااااه ..... وأنا عايشة قصة الظلم .....

ما ألومه يبي يتزوج حاله حال الناس .... بس كنت أنا الاختيار ... أنا الضحية .....


احلم بياهل ..... أحلم بيهاااااااااااال ...... كنت أتمنى أشوفهم حوالي ......


تعبت تعبت تعبت ......... ​

مافي طلااااق هنااااااااااااااااااك حل مظمون باذن الله وارجوكم لاتستهينون بهالشي المذهل **************************************************************************************************************************اقري موضوعي عن:eh_s(15): علاج مذهل لضعف المراة والرجل صدقوني عجيب

)

 

[بسمة البحرين]

الله يرزقج حبيبتي ويرزق كل وحده تبي يهال آمين يا رب العالمين

 

[moors]

حبيبتي اليهال مو كل شيئ اتصدقيني تعب وشقا
تخيلي اضيعين شبابج عشان اتربينهم ويكبرون وبعدين يتزوجون و بالنهايه لما يتزوجون منو يبقالج زوجج بس شفتي اشلون ادور امج مردها حق أبوج كل الامهات يربونا نتزوج ومردهم لبعض

و الله اهم شيئ زوجج مادام يحبج وشاريج هذا اهم شيئ لانه اهو اللي بيدوملج واي احد يقولج شيئ ثاني ما يحب مصلحتج