بنات عيد زوجي بعد اسبوع

[السليلة]

السلام حبايب
شخباركم
عيد زوجي بعد اسبوع وانا الحين حامل ابي افكار شتقولن اصبغ شعري و قص وشنؤ اسوي بالغرفه وابي هديه شئ يديد

 

[الجوهرا]

مي تو انا بعد جم يوم عيد زواجي وادري شسوي
ياليت تفيدونا بافكار سبيشل

 

[عادي من قلبي أشيلك]

عيد ميلاده كان قبل اسبوووع ههههههههه

لا تغيرين من شكلج لانج تقولين حامل خلي تغيير شكلج عقب النفاس

 

[um meshoooo]

بنات انا بعد معاكم عيد زواجي الاسبوع اليااي وهم ابي افكار بس مافي احجز فندق ماقدر اخلي عيالي بالبيت بروحهم اقترحو علي شسوي وابي افكار

 

[لمى الهاجري]

بوكيه ورد مع شوية زينة انتي حامل سوي شي خفيف وعقب النفاس سوي شي ثاني

 

[دلوعة صلوح]

ااااااااااااااااااااااااب

 

[Gifts&Occaions]

سويله ليلة رومانسية

 

[السليلة]

حبايب وينكم

 

[زوجة عزيز]

up up up

 

[~ام خالد~]

الله يتمم عليكم بالفرح يا رب وتولدين بالسلامه

انا من راي البنات دامج حامل خلوها شي خفيف ولاتغيرين ببنفسج وايد
او ممكن تقضون اليوم كله بره البيت مثلاً

والهديه انا اخر مره
شريت حق زوجي خامات دشاديش
وسويتله مسباح اللي على اسمه وااااااايد عجبه

 

[السجينة]

يقال ان صبغ الشعر مو زين للحامل لانه كله مواد. مضرة وشعرج محتاج فيتامينات لان بالحمال الشعر يطيح وايد فما بالج بعد تحطين صبغ

والافكار :
اشتري شموع صغار وكتبي فيهم كلمه حب وشبيهم وطفي الليتات
حطي بالونات وزينه واغنيه عن العيد ميلاد اول ما يدش فيتفاجئ
شموع على الكيكة اللي تشب شرارات نار يونسون
حطي ورد منثور على فراشج على شكل قلب وحطي عالطاولة اللي بتحطين الكيكة عليها
ولبسي تنورة قصيرة ضيجة وتي شيرت حلو او نفنوف ضيج قصير مع شعرج ومكياجج يعني مو قميص نوم وعقب الحفلة بالليل روحي بدلي ولبسي قميص نوم
سويله مساج
حطي صورتين وحده لملجتج والثانية لعرسكم .. او اذا عندج له صورة واهو صغير حطيها ببرواز وكتبي ابي عيالي يصيرون نسخه من ابوهم علشان لا طلع من البيت اشوفك فيهم وما تغيب عن عيني لحظة
لزقي عالطوفة اوراق فيها كلام حب او لعبيه لعبه الكنز .. حطي هديته تحت السرير مثلا واول ما يدش الغرفه عطيه ورقه تدله على طرف الخيط للكنز ومكتوب عليها بطل الكبت الفلاني تلقى الكنز ولما يروح يلقى ورقة مكتوب حظا اوفر او اختار القميص النوم اللي يعجبك وحط نيشان عليه وعقبها دور الكنز ورا الستارة وورا الستارة كتبي سؤال خاص وحطيله قلم مثلا شنو يعجبك بشكلي وعقبها دور الكنز تحت السرير
بس لاتطولينها وايد معاه علشان ما يمل واهو يدور

لزقي ورقة داخل بوكه مثلا لا تتأخر على عروستك .. او ثاني يوم عقب يوم ميلاده كتبيلي احبك فراح ينصدم لما يفتح البوك واهو بالدوام ويستانس واكيد بدق عليج


حاليا هذي الافكار اللي عندي او سامعه فيهم واذا طرا ببالي شي ييت وقلتلكم

 

[السجينة]

اذا تبين اجواء رومانسية روحي مطعم هادي وقوليلهم يجهزون لج طاوله فيها ورد وسوالف .. قبل فترة شفت وحدة محتفله مع زوجها بمطعم التسيمو ببرج النصار بشرق والمطعم بالدور ٣٤ اعتقد وهادي

الهدايا ممكن تكون :
بوك - قلم - ساعة - مسباح - غترة - خامات دشاديش - بلوفرات وتي شيرتات وتريننقات - عطر - نظارات شمسية او نظارة طبية اذا يلبس وعندج نظارته القديمة علشان تعرفين نظره - اجهزة الكترونية ( موبايل - جالاكسي نوت توه يديد - اي باد - لاب توب - شاحن ايفون وايباد وايبود اللي يشحن الجهاز 5 مرات - بروجكتر اذا يحب الافلام - كاميرا ) عاد الرياييل يحبون الاجهزة وايد - تكرمون جوتي ماركة - ميداليه - تذكرة سفر - فندق - مساج - اذا يدخن اشتريله ولاعة ماركة - او اشتريله الزقارة الالكترونيه علشان يقطع تدخين - سجليه بنادي رياضه واشتريله ملابس رياضية - كوبون مشتريات من محل معين - بطاقة بترونت للبنزين - اشتري اي شي بخاطره حاليا حتى لو رخيص حيل وما يسوى بنظرج كهديه بس بنظره انها احلى هدية لانه محتاجها بالوقت الحالي او مثلا شي ضاع منه واخترب اشتريله بداله يديد

 

[om MaRyooM]

الله يهون عليج ولادتج حبيبتي

وثانيا لاتغيرين وايد حلات النيولوك والتغيير بعد النفاس

اشتريلج شي بسيط نفنوف ولا قميص نوم وشعرج ستريت احلا شي
وييبي كيكة صغيرونة وبالنسبة للهدية حلو انج تحجزيله جلسه مساج في سبا تايم بالمهلب
انا سويتها لزوجي من فترة وايد استانس عليها للحين يذكرني فيها

 

[GofiSho]

البنات ماقصروووا

الله يتمم عليك حملك و يسعدكم ..

اهم شي مو تصبغين ولا تسوين شي نيو بشكلك .
سوي اشياء نعومة . فستان حلو و مكياج حلو و كذا

و الاشياء الثانية بعد النفاس

 

[السليلة]

مشكورين فديتكم

 

[سبسيال]

الله يخليكم حق بعض ويهنيكم
بس حبيبتي مايجوز هذي الاعياد لانها بدعه وحتئ اعياد الميلاد بدعه ماتجوز الله يسعدج
وآسفه حبيبتي اذا ضايقتج

 

[منال $]

الله يقومك بالسلامة
بما انة عيد زواجكم وانتي حامل الله يتم عليكي ويقومك بالسلامة يارب
اشتري قميص جديد وشعرك سشورية ومكياج بسيط غير عن العادة وهدية بسيطة