بنات عندي 3 استفسارات(أبرة الحساسيه+عملية الخشم+عملية الفك)

[سبائك]

السلام عليكم

شلووووووونكم شخباركم

بنات راح أبتدي وياكم بأسئلتي الثلاثه:

السؤال الاول.......

أمس راجعت دكتوره فاتن بمستشفى الراشد(دكتورة انف وأذن وحنجره) وشكيت لها من الحساسيه الي مأذيتني هالأيام حيل

قالت لي شرايج اعطيج أبره كرتزون تريحج الصيف كله من الحساسيه؟؟

آنا بصراحه كعيت بريك.....خفت كالعاده اشتغل الوسواس وما حبيت آخذ الابره قبل لا استفسر عنها

أحد منكم جربها من قبل؟؟؟

السؤال الثاني.....

نفس الدكتوره قالت لي ان فيني انحراف بالانف اهو الي قاعد يضغط على الجيوب (وهالكلام قايل لي اياه من قبل استشاري بمستشفى السلام) ومجرد ما اسوي عمليه تعديل الأعوجاج راح تتحسن حالتي وايد

منو فيكم سوت هالعمليه من قبل؟؟ومن عنده تنصحوني اسويها؟؟


السؤال الثالث.....

ولدي الله يشافيه عنده بروز بالفك(الفك السفلي متقدم لي جدام)
ووديته حق 5 استشاريين منهم خاص ومنهم حكومه
الخاص قالولي تبدين معاه هالصيف(يركبون له تقويم)
والحكومه قالولي ما نستقبله قبل 13 سنه!!!!!

الحين انا محتاره حيل

نصحوني بدكتور يريح قلبي ويعطيني القرار النهائي ؟؟؟؟؟؟؟

وسمعت ان الحين قاموا يسوون تقويم بالليزر .......منو سمعت عنه؟؟ ووين يسوونه؟؟


مشكورين بنات وسامحوني على الاطاله اذيتكم:tek:

 

[قرقاشة]

سبائك شلونج ؟؟

انا عندي نفس المشكلة بخشمي والحمدلله سويت العملية وصح تحسن التنفس وحتى الشكل تحسن
سويتعا عند دكتور عبالمحسن جعفر .. الصراحة دكتور ممتاز انصحج تسوين عنده وهم انا نفسج كنت اراجع دكتور بالسلام اسمه عبدالعزيز عطية بس ما ارتحتله لانه مصري وقعد يتفلسف يبي يطلع فناتق على خشمي فهديته ورحت حق دكتوري

بالنسبة للفك هم عندي نفس المسكلة ورحت عيادة الميدان سوولي قالب قبل التقويم عشان يريحون الاعصاب اللي بالفك قبل التقويم بس ماداومت عليه لاني غيرت العيادة ورحت حق دكتور عادل اشكناني خوووش دكتور عيادته بالبحر سنتر بس ليلحين مابديت بالعلاج انشالله الشهر الياي

 

[سبائك]

الحمدلله طيبه طاب حالج حبيبتي

مشكوووووووووره بصراحه معلوماتج وايد وايد مفيده بسجل اسامي الاطبه الحين ما قصرتي

 

[قرقاشة]

العفو حبيبتي حياج الله

 

[بنت الدلال]

اهلين سبائــك


خالتي كانت تاخذه هالابره بس يقول لازم تاخذينها قبل فتره الحساسيه ب اسبوعين وتريحــج وايــد مادري عن اضرارها بس الي اعرفه انه تريح جسمها وتروح الحساسيه




في بنات بالمنتدى مسوين العمليه حق نفس السبب بس بغيت اسـألج شنو مظاهرات الانحراف (( لاتسـأليني شنو يعني مظاهرات طلعت بروحها يعني شلون اعرف انه فيني )) واايد انقمت وخصوصا لمه انام ودايمـا اسوي شمممم بخشمي هههه طوول الوقت جني منشوله



وثالث سؤال :


انا سمعت من دكتوره رفيجتنا وحده سـألتها عن نفس الموضوع وقالت لها الفك الامامي يكبر ويوصل حق درجه معينه بسن 13 فبعد هالسن اهمه يسوون التقويم فنطري عليه شوي وسـألي اكثر بالموضوع

 

[سبائك]

مرحبتين دلوله حبيبتي حياج الله ومشكوره

الله يسلمج مظاهرات الانحراف(هههههههه) تبين بالفحص الداخلي للخشم.......يعني سألي الدكتور الي يفحصج فيني انحراف ولا لأ احسن لج

 

[يابختي]

بجاوب على السؤال الثالث... لان الاول والثاني ما عندي خبرة.. بس اذا تبين طبيب انف واذن وحنجرة..جربي جمال الحربي..بس للاسف يقولون مشغول هاليومين.. جربي بداله خالد الصبيح ...


السؤال الثالت روحي عيادة دنتل ايت اللي بالبحر نفس ماقالت وحدة من الخوات.. عندهم اطبا ممتازين...

 

[سبائك]

مشكووووووووووره يا بختي ماقصرتي

الدكتور خالد الصبيح عنده عياده خاصه؟؟

 

[هدولهـ]

بالنسبة لولدج

سويتي اشعه لفكة على طرف؟

فكة متطابق ولا مو متطابق؟؟

 

[يابختي]

مشكووووووووووره يا بختي ماقصرتي

الدكتور خالد الصبيح عنده عياده خاصه؟؟

ايه عنده..بس للاسف ما اعرف الرقم

 

[يابختي]

عندي رقم دنتل ايت.. ينفع؟؟
رقمهم 827626

 

[سبائك]

هدوله تصدقين على كثر ما وديته حق اطبه ولا واحد فيهم سواله أشعه

بس أهمه عندهم طريقه يعرفون فيها اذا متطابق ولا لأ ان يقولون له سكر اسنانك على بعض

واهو مسكين يجدم فك على فك ما يتطابقون

يابختي مشكووووووووره حبيبتي لاعدمناج

 

[om al ghaleen]

أول شي الله يعطيج الصحه والعافيه ونشووفج بأحسن حال

بالنسبه للحساسيه ماعندي خبره فيها بس ماانصحج تدمنين ع الكورتزون

بالنسبه للانحراف نصيحه لوجه الله اذا بتسوين لاتروحين غير دكتور جمال الحربي

دكتور متمكن ماشا ءالله عليه من ناحيه العلاج والتجميل

اهو غير مكانه كان بحولي ان شاء الله اذا حصلت رقمه احطه لج

وماتشوفين شر

\\

 

[سبائك]

الله يسلم عمرج عبير ماقصرتي

 

[نووووونا]

كان ودى افيدج سبوجه بس ما عندى فكره,, ما حبيت ادش بدون مااسلم @@

 

[سبائك]

الله يسلمج من كل شر نجد

 

[هدولهـ]

نصيحة اخذيها مني

لا تخلينهم يتعبثون فيه بدون اشعه

خليهم يسوون له اشعه ضروري

ولا روحي حق اسنان الاميري عند الدكتور اشرف عيادة رقم 6
اهوا يعرف لحالات التطابق بالفك لانه متخصص بالتقويم الجراحي

وشوفي شنو يقول لج

وماتشوفون شر يارب

 

[سبائك]

مشكوره هدوله ماقصرتي حبيبتي

 

[صاحية بخبال]

حبيبتي بنتي عنها نفس مشكلة ولدج الفك السفلي متقدم مع بروز في الاسنان واراحع عند العدان من كان عمرها 12 وفي كل مره يسوون اشعه للفك وياجلونه سنه لان عظام الفك ما اكتمل نموه بس اخر مره عطاني موعد لشهر 6 تركب تقويم لمدة 6 اشهر وبعدها يسوون عملية الفك وترى عمر بنتي الحين قريب 16ادعيلها بان تنتهي هالشغله بالنجاح

 

[سبائك]

عسى الله يشافي بنيتج ويعافيها يارب وتقوم بالسلامه ان شاءالله