بنات عندي استفسار عن تكيسات المبايض

[om-bassma]

حبايبي بغيت اعرف منو فيها تكيسات بالمبايض و شنو اثرها على الحمل تأخرتي و لا لأ لأن فيني تكيسات بالمبايض و ودي احمل الحين و شنو علاجه و منو كانت دكتورتج بالعلاج​

 

[om-bassma]

بنات ولي يعافيكم ابي احد يجاوبني لان اليوم سويت تحليل التبويض و اليوم صار خطين و انا باليوم 20 من الدوره

 

[بدوره 22]

انا فيني تكيس حبيبتي وحملت عليه .. بس انا عالجت وهديت العلاج وعقبه حملت ..

راجعي عند د. احمد الانصاري .. ممتاز

هذا رقم العياده 25658888

 

[mama21]

حياتى التكيس من اسبابه الغذاء المهرمن يعنى اللى يحطو فيه هرمونات من بيض ودجاج ولبن واجبان

اتجنيى هالاكل وعليكى بجرب البردقوش مغلى

والمشي وتخفيف الوزن ربى يشافيكى ويرزقك بالذرية الصالحة

 

[miss_lymoona]

هلا حبيبتي حتى انا فيني تكيس الشهر اللي طاف رحت دار الشفا الدكتوره عطتني حبوب وشربت معاها مرميه نزلت الدوره
وباجر موعد دورتي اليايه مايندرى راح تنزل ولا لا
اذا نزلت يعني راح التكيس
بس علاج التكيس ماعرف شنو علاجه ياليت احد يفيدنا

 

[اختكم بالله]

بنات اللي فيها تكيس ماتنزل الدوره عليها ؟؟؟؟؟؟؟؟؟

الله يرزقنا يارب

 

[jomana]

انا اليوم رحت الدكتوره وقالتلي عندج تكيس بس عطتني كلوميد
انا اراجع عند دكتوره ليلى اشكناني
بس التكيس ما يمنع الحمل هو يسبب ضعف تبويض بس ممكن تحملين عادي
شربي ميراميه ترى وايد زينه
الله يرزقنا بالحمل انشالله

 

[اختكم بالله]

الميراميه تضعف المبايض

 

[نبضي المشتاق]

حبيبتي انا عندي تكيسات بالمبيض ومن خمس سنوات متزوجه ولى سنه اتعالج وما صار حمل الله يرزقنى واياك وكل محرومه والتكيسات تسبب لخبطة بالدوره وضعف تبويض انا الدكتور قرر يسويلى عملية كي المبيض بالمنظار بس انا محتاره لان اعرف كثير عندهم تكيسات وحملوا بدون العمليه بس اعتقد لازم المنشطات

 

[q8nina]

مابقيت ادخل ولا ارد ..
وماعندي فكرة لسؤالج

 

[حمرة الورد]

الله يرزقكم الذريه الصالحه

 

[~: ام طلول :~]

حبيبتي انا عندي تكيس مبايض متعدد يعني على المبيضين

قالي الدكتور اول شي حاولي تنزلين اشوي من وزنج مع اني مو متينه وايد فيني زياده حبتين

وعطاني كلوميد وقالي استخدمه في اليوم الخامس من الدوه وهو محفز على التبويض وعطاني جلوكوفاج

وقالي آخذه لمدة شهر وصارلي من بديت العلاج خمسة ايام وزني نزل اشوي وعندي موعد مع الدكتور بتاريخ 23/2/2009

عشان يشوف مدى التبويض مدري شنو بيصير

والله كريم يزقنا بالذريه الصالحه

 

[نواااال]

مادري تمنع الحمل ولا لا في ناس تقوول الي عندها تكيس ماتحمل
وناس لا عندها تكيس وحملت موعارفه​

 

[om-bassma]

حبايبي مشكورين على المشاركه انا اليوم رحت موعدي عند ليلى اشكناني و قالت لي في تبويض و حجم البويضه 14 مو فاهمه بس في تكيسات و تبي تعطيني ابره تفجير البويضه يوم الخميس علشان يساعدني على الحمال بس انا دورتي منتظمه يعني التكيسات مو مأثره على الدوره و قالت لي الدكتوره ان التكيسات الي فيني مثل الضغط و السكري يعني ماتروح خلاص بس اتخف على العلاجج و علاجه يا اني احمل او اخذ حبوب منع الحمل في احد منكم الدكتور قالكم جذي و لا في علاج ان يعالج التكيسات مو انه يخففه

 

[q6aiwa]

والله ماعندي ماعندي فكره

بس انا امس رحت لموعدي عند الدكتور وقالي التكيسات مو مرض اعراض امراض ومايروح
وهو عباره عن بويضات صغيره جدا ماتكبر تشبه عقد اللولو بجنب بعض تكون متواجه على جدار المبيض (وجدار المبيض يكون سميك جدا في حاله التكيس) وهو الذي لايسمح للبويضه بالتلقيح


انا لما رحت طلب لي فحوصات 3 مهمه جدا على كلامه من بعدها يقدر يحدد العلاج
تحليل واحد بس غللي فهمته منهم وهو قياس هرمون الحليب.. لان اذا كان هرمون الحليب مرتفع مستحيل انج تحملين (كإنج بالنفاس) لان الغده النخاميه تفرز هرمون للمخ تبلغه بعدم التلقيح (كإنج مرأه كانت حامل و ولدت وقاعده ترضع ) والمرضعه طول ما هرمون الحليب مرتفع بصدرها ماتحمل الا لما تقطع الرضاعه.....(الكلام للدكتور )

اتمنى اني اكون افدتج ونقلت لج كلام الدكتور

اتمنى لج الشفاء

 

[mngo67]

شلونكم بنات...انا فحصت اول ما تزوجت وقالي الكتور عندي تكيس واقدر احمل(من سنة)
ومن نفسي سويت تحليل خامس الدورة وطلع هرمون الحليب عالي
ياليت البنات يفيدوني أقدر أروح حق منو؟؟؟؟
ومنو د.ليلي أشكناني...؟؟

 

[om-bassma]

د. ليلى اشكناني اهي قبل تشتغل في مستشفى الولاده طول عمرها يعني عندها خبره كبيره و يوم تقاعدت فتحت لها عياده بحولي فوق سنتر بوينت مجمع زخرف و الصراحه الحمدالله ارتحت لها اليوم احسها تعطي العلاج من القلب و تهديج اذا كنت قلقه يعني اسلوبها حلو مع المريضه و الحامل بعد ورقم عيادتها 22633311
بس انا ابي احمل و انشالله احمل و عندي بنتين الله يخليهم لي عادي كنت و حمالي سريع و الحين صار فيني تكيسات مبايض فخايفه و ابي احمل و بحدد نوع الجنس بعد ابيه يكون اذا الله اراد ولد فما ادري يأثر و لا لا الثكيسات