بنات عمره....وعروس.........وكل العايله..يبينا باص؟

[يا واد يا تئيل]

السلام عليكم.........انا بنت عمتي عروس لها شهرين.........عسي الله يتمم عليها بالخير...........

المهم دقت علي مضايقه ........قلتلها خير ان شاءالله جان تقول نيتنا انا وزوجي بنروح عمره..... قلتلها

يازين مااخترتوا.....شنو المشكله؟؟؟ والا تقولي خالتي ام زوجي من جم يوم نازله عندها والا تقول اي والله

بنروح وياكم العمره اهيا وبناتها ثنتين مو متزوجات ....قلتلها اي خالتي الساعه المباركه...والله اهيا تقول عادي

اهما اهله مافيها شي بس تقول يعني انا بعدني عروس واهيا عندها 3 حريم حما كلهم توهم رادين من السفر

اللي توها راده من باريس واللي تركيا والثالثه الامارات .... تقولي اهنا راحوا وردوا محد لزق فيهم شمعني انا

وتقولي لا بعد.... اليوم وصلني خبر من زوجي ان خالته بتروح بعد وياهم....عاد تقول هذا بيت الله ولنا اجر فيه

بس اهيا تقول انا انحرج منهم للحين ماخذيت عليهم...بعدين تخاف يتعودون وكل مره يلزقون فيهم...

تقول شكلي بتحجج بالاختبارات....وماني رايحه واخلي زوجي يودي اهله.....ها بنات شرايكم؟؟؟؟شالدبره:yaaaaaarb:

 

[Heaven Light]

صح مو حلوة .. بس نصيحة خل تروح وياه حتى ما يتعود يسافر بدونها ..

خصوصا ان السفرة ما بتطول اكثر من اسبوع ..

والله يعينها ..


​

 

[مطيرية والعزليه]

رد : بنات عمره....وعروس.........وكل العايله..يبينا باص؟

والله اهي معاها حق

بس قوليلها تاخذ اجرهم واهي نالها شغل فيهم بس من ترد من العمرة قوليلها خل تروح اهي وزوجها لاي ديرة واذا علقوا فيها هالمرة يطلعون صج مايستحون واهني تكلم زوجها

 

[الاء حسين]

رد : بنات عمره....وعروس.........وكل العايله..يبينا باص؟

لا خليها تروح

بعدين زوجها يتعود على عدم روحتها


وتكسب اجرهم بس بعدين ترتب مع زوجها انها تبغى تاخد راحتها

وبصراحة شوية صعب هي يادوب اتعودت على زوجها يجيوا الاقارب كلهم

بس قولي ليها تمشي الهرجة عشان مايشيلوا بخاطرهم عليها

يعني تتوكل على الله وتروح معاهم

وهي عمرة وان شاءالله الجايات اكتر وراح تنبسط مع زوجها بالايام الجاية​

 

[عشق الطنايا]

عادي حبيبتي مافيها شئ الساعه المباركه على قولتج وهذا بيت الله

نصيييييييييييحه لاتشيل بخاطرها ولاتبين شئ لاتخلي الشينه تطلع منها خل تروح عادي ولاجنه شئ صار وتوسع صدرها بعدها تقوله خل نسافر انا وياك سفره رومانسيه يعني بروحنا وان شاءالله يفهمها

وموفقه حبوبه

وتقبل الله منا ومنها صالح الاعمال

 

[مناير البيت]

خل تروووح بعد هذي عمرة وفيها اجر والله رووحي لو يرووح معاج الفريج كله

لي شهرين اتمنى العمرة لو نص يوم

ادعولي الله يرزقني الحج او العمرة قريبا

 

[ضايعة بدنيتي]

رد : بنات عمره....وعروس.........وكل العايله..يبينا باص؟

من صججججججججججججججججججججها؟؟؟؟؟؟؟؟؟

اتجيها فرصة لمكانها بشوفة بيت الله وتقول بتعذر ؟؟؟؟؟ حرام عليها والله

قولي لها تروح الله العالم ربي بيكتب لها مرة ثانية ولا لا. لا تضيع الفرصة من يدها .

وقولي لها اهل زوجها بيكونون لاهيين بروحهم وبعدين هي رايحة العمرة مافيها شي لا راحوا وياهم

ولما قالت حريم حموانها الي جاية من تركيا ومادري وين . هم مو جايين من بيت الله

توها لها شهرين والحياة جدامهم ان شاء الله ولاحقة عالروحة والردة مع زوجها.

خليها تصفي النية وتروح لعبادة ربها وشوفة بيته ... وماعليها من اي احد ثاني .

الله يهنيها ويهديها

 

[يّ ضميرِكّ]

رد : بنات عمره....وعروس.........وكل العايله..يبينا باص؟

شدعوه عليها

رايحه لبيت الله .. وهاذي خالتهـا والبنات حمواتها

يعني هي صارت وحده منهـم

وهو ماودا الا امه وخواته

البنت لاتزوجت لا تظن انها بتملك الرجال لها بروحها

هو له اهل لازم تقدرهـم وتكون مرنه بالعيشه معاهـم

وسالفه يتعودون يلزقون فيهـآ ، ماظن بيخاشرونكم بالسفر الا للعمره

المهـم قوليلها المسأله ماتحتاج كل هالتأزيم

خل تنوي وتتوكل على الله

 

[$حبيبة عبودي$]

ويه لزقه

 

[ملوكـه]

روحي اعتمري
وبيني بينج ..
الواحد لااعتمر ماله خلق حتى رومنسيات
كله تعب بتعـب
من كثر المشي
لوووول

وبعدين روحو سفره ثانيه

 

[زوجة عزيز]

رد : بنات عمره....وعروس.........وكل العايله..يبينا باص؟

هالمره خل اتروح معاهم بس لا نوت تسافر سفره غير وقالو بيروحون حلها تتصرف

 

[قلبي سلومي]

خل تروح هذا بيت الله

بس اذا دولة ثانية ذيك الساعة عارضي على كيفج

 

[ريتااجي]

خل تروح معاهم هالمرة

عشان بيت الله

بس المرة الجاية إذا قرروا يسافروا تحاول معاه

إن ماحد يدري إلا بيوم السفرة​

 

[ننوشــآ]

رد : بنات عمره....وعروس.........وكل العايله..يبينا باص؟

اففف ناس ماتستحي مثل حالتي عروس ماصارلي شهر والعايله كلها راحت معاي:eh_s(14): والحين صارلي ثمان شهور متزوجه وللحين لازقين فيني كل سفر وهم معاي:eh_s(16): وبيتهم متروس عيال .. حبيبتي لاتخلينهم يتعودون يتلزقون فيهاااا نصيحححححه:eh_s(4): قوليلها خليه يودي اهله وبعدين اهي تروح مره ثانيه لحالهم وعذرها انها تستحي:eh_s(22): عشان ماياخذ فكره انها ماتبي اهله وعشان اهله يفهمونها انها تبي تاخذ راحتها .. اخخ ندمانه قد شعر راسي ليه اخليهم من اول مره يروحون معاي:eh_s(11): ..
ناس ماتستحي:eh_s(4): ... ونصيحه خليها تستحي عند اهله تحاول تسوي حالها تستحي هذي صديقتي كذا عندها اولاد وتسوي حالها للحينها تستحي من اهله ولاتختلط معهم حييييل رسميه معهم وعايشه بسسسسسسسلام..:eh_s(15)::eh_s(9)::ggdw:

 

[ورد]

لو كان مكان غير بيت الله كان قلت المفروض يكون لها موقف ثاني وتحط حدود من البداية

بس هذا بيت الله ما يتقارن بباريس وتركيا

تروح وتكسب الاجر بروحتهم ،، بس السفرات الثانية تحط حدودها

 

[روحي زوجي]

رفيجتج هذي شكلها ماراح تستمر بالزواج

دام نيتها من الحين مو صافيه لاهل زوجها

خليها تصفي النيه علشان الله يبارك لها

 

[أم عايض]

رد : بنات عمره....وعروس.........وكل العايله..يبينا باص؟

اكيد تروح معهـــــــم ......
هذا بيت الله احد يعوفه......

 

[شيخه_البيض]

شوفي حبيبتي

أنآ وأعوذ بالله من كلمة أنآ


حمولتي مآتوقع في نفسهآ بهآلزمن

ينحطون ع الجرح يبرى وخآلتي مامنهآ 2

بس من تزوجت لي يومج هذآ إذآ قررنآ نسآفر أنآ وريلي مآنقول لأي أحد إلآ قبل السفرة بجم يوم

والله مو على شان عين لأن كل النآس يسآفرون ولاتقولون نحآسه لأن مو تربيتي بس أنآ أحب جذي مآحب أعشم نفسي بشيء وتآلي مآيصير فأحب لمن أتأكد أقول

قلت قصه حيآتي

فأهيآ خليهآ تسوي جذي مو كل مآتبي تروح مكآن قبلهآ بشهر تقولهم لآ قبلهآ بيومين 3

منهآ تضمن محد رآح يتليقف وإيي معآهآ وخل تقولهم إن ريلهآ مسويلهآ مفآجأة

والله يوفقهآ

 

[*لذيذة حدي*]

يمكن ما راحت مع عيالها الثانيين لان ما تبي تروح باريس و مادري وين
يمكن خالتها ودها بالعمرة و مرة وحده دام بيروحون قالت تروح معاهم .. اهيا يمكن الحركة مو حلوة لان توهم معاريس بس شعليهم .. من يوصلون كل واحد بغرفه و كل واحد يطلع بروحه .. و اذا كلش بيكسب فيهم اجر .. و ان شاء الله تروح سفره ثانية مع ريلها و يعوضها

شكرا
​

 

[Adorable]

انا اقول خل تروح معاهم و تقول حق ريلها انها تبي سفره ثانيه بالصيف جم يوم يغيرون جو اهي وياه و لا يقولون قبلها بفتره يخشون الموضوع لين قبلها بيومين