بنات علوم اجتماعيه وعلوم اداريه دشوو عندي لكم جم سؤال ..؟

[totally-sweet]

اول شي : بناات انا مستجده وهالكورس بيكون ثاني كورس لي محتاااره الصراحه انا بعلوم اجتماعية وودي احول اداريه بس متردده انا ما احب الرياضيات وكنت ادبي بس سألت اللي بالاداريه قالولي عادي وايد بنات كانو ادبي ودشو اداريه ومشو فيها عادي بالنسبه لامتحان القدرات انا ناجحه بالرياضيات يبت فيه 55% والانجلش 61% يعني ما يحتاج اخذ رياضيات تمهيدي بس انجلش , بس والله الحين انا صج صج محتاره هل اتم بالعلوم الاجتماعيه واتخصص علوم سياسيه واخذ مساند اداره عامه او احول علوم اداريه ؟
انا بعد سألت بنات العلوم الاداريه طبعا قالولي التخصصين الاكثر شي مطلوبين بالعلوم الاداريه اهما المحاسبه والتمويل بس وايد صعبين يبيلهم دراسه ومجابل ويبيلهم احد يفهم بالرياضيات !!؟ وانا كلش ماحب رياضيات فأنصحوني يا ادش اداره عامه يا تسويق لأن ما فيهم رياضيات بس اول شي اخذ مقدمه من كل ماده وبعدين امشي عادي..
بنااااات والله ساعدوني انتو شرايكم ؟؟
بالنسبه للمستقبل والوظايف شنو احسن واسهل بنفس الوقت ؟؟
لان علوم اجتماعيه سهله وتتخرجين منها اب 4 سنين بس اما اداريه لأ لازم تنضغطين ومواد وايد ولوووويه !!!
وبالنسبه للتحويل من كليه لي كليه شنو اللي لازم تحتاجينه يعني انا علوم اجتماعيه بحول اداريه شنو احتاج عشان احول بلييز بنات اللي تعرف خل تفيدني حدي ضايعه !!؟؟
ثاني شي : بسألكم عن جم دكتووور توني مسجله مواد عندهم :
*مدخل رعايه اجتماعيه : دكتور احمد جميل المري
*ثقافه اسلاميه : عبدالرزاق الشايجي
*مهارات اتصال لغويه : عدنان غزالي

والمواد اللي ما سجلت فيهم بس بسأل عنهم وعن الدكاتره :
*مقدمة اداره : منو احسن دكتووور ؟
*حكومة : هيله المكيمي مدحولي اياها شرايكم فيها ؟
تاريخ حضاره : منو احسن دكتور ؟

 

[أم منيـرة]

انا كنت علمي ..

من خبـآلي الزايد وقت التسجيـل للفصل الأول حطيت الرغبه الأولى علوم إجتماعيه وانقبلت عندهم ..
بس طبعا ما عجبني الوضع كلللش !

لان انا علمي والي يدرسونه أدبي بحت !

المهم انه مو طموحي ..

ف قررت اني انسحب ، وفعلا انسحبت وقدمت ع الجامعه الكورس الثاني ،

وقبلوني الإداريه ..

انا ما فكرت بالإنسحاب الا بعد ما قررت ، الإجتماعيه سهله بس المستقبل مادري شلون ! مو طموحي ..
وآخر شي أخصائيه .. والمعاش مو شي :/

،

اما الإداريه تتوظفين بكل مكان " ديوان المحاسبه ، وزارة العدل ، وزارة الماليه ، التأمينات الإجتماعيه ..إلخ "
وغير الشركات مثل " شركة البترول وغيرها .. "

يعني شفت الفرق بين مستقبل هالكليه وهالكليه ..

والأقرب لي كانت الإداريه ..

انتي شوفي شنو طموحج وشنو الأقرب لج وشنو ودج تكونين بعد كم سنه .. وقرري ..

وماله شغل أدبي وعلمي .. الي يشد حيله ، يلاقي الي بيـسره

،

وع المـواد الي تآخذينها عشان التحويل ،

روحي للتوجيه والأرشاد تبع كلية العلوم الإداريه وأسأليهم وقوليلهم انج تبين تحولين ..
وعقب فهميهم عدل وضعج شنو موآدج واي دفعه وكل شي .. إلخ
وهم بيفهمونج خطة التحويل لج عدل مدل ..

وفالج التـوفيق يارب

 

[Miss.6Mo7]

مثل مآ قآلت حبيبة قلبي أم منور .. ويكون بعلمج كل تخصصآت العلوم الادآريه مرغوب فيهآ .. ممكن تكون الافضليه للبعض منهآ , لكن بشكل عآم كلهم مرغوب فيهم .. وأنا كنت علمي وإحتمال أتخصص إدآره !! , مع إني شآطره بآلمآث ؟ .. بس كل إنسآن وقنآعآته ويشوف أهو شنو حآب ..

فـ هالشي محد يقدر يحدده ويتخذ هالقرآر غيرج إنتي ! .. قعدي مع نفسج .. ويبيي ورقه وقلم وقسميهآ بالنص وكتبي اداريه وإجتماعيه وكل وحده الايجابيات والسلبيات .. وشوفي السلبيات تقدرين تتغلبين عليها سوآء بـ هالكليه أو الثآنيه .. وأهم شي تكونين صآدقه مع نفسج عشآن القرار يريحج إن شآءالله ..


أما بالنسبه للدكآتره ..

مدخل رعايه اجتماعيه : دكتور احمد جميل المري .. مآعرفه للأسف
*ثقافه اسلاميه : عبدالرزاق الشايجي .. مهمآ كآن الدكتور لا تحاتين لان المآده سهلــه حيل .. وبتييبين الـ a إن شآءالله
*مهارات اتصال لغويه : عدنان غزالي .. خوش دكتور .. هم لآ تحاتين

والمواد اللي ما سجلت فيهم بس بسأل عنهم وعن الدكاتره :
*مقدمة اداره : منو احسن دكتووور ؟ .. أحمد مآهر .. عبدالله العويهآن كيرفه قوي
*حكومة : هيله المكيمي مدحولي اياها شرايكم فيها ؟ .. مآعرفهآ للأسف ..
تاريخ حضاره : منو احسن دكتور ؟ .. جمآل الزنكي يمدحونه وآيد

موفقه يارب

 

[totally-sweet]

ام منيره ومس طموووح تسلموون ما قصرتو والله شكلي بروح التوجيه والارشاد وبحول