بنات علاج ب احرام الحج

[انثى استثناء]

بنات و الله انا ما ادري بس سمعت من بعض الناس انو في حريم صار عندهم تاخر انجاب و سووا

هالطيقه و احملوا اهي .............................................


ان الوحده تسبح ب احرام حج يعني احد من قرايبج راح حج تسبحين فيه على نية الانجاب طبعا بعد التوكل على الله


انا سالت و قالولي ان ما فيه شي ضار او حرام ليش لا


انا ما ادري شتقولون انتوا فيه شي

 

[@قطعه سكر@]

هلا حبيبتي.... كثير مانسمع مثل هذي الشغلات وانا ماايدها لان الرزق من الرازق وربي يرزقج ويرزق جميع المحرومات واوصيج بماء زمزم لان له منافع عجيبة وله احاديث تنص بذلك

 

[نيبال الايمان]

اول شى يا عمرى يا عسى الله يرزق كل محروم ومحرومه منهم وكل من يتمناهم منوة امين يارب


ياعمرى والله ما ادرى انا هم فعلا اسمع عن شغلات من هالنوعية 000

بس حتى لو صج هالموضوع ولا غيره حطى ببالج انها كلها اسباب 00 يعنى جايز الله حط سببج مثلا على هالشى وكله بامر الله طبعا

ما ادرى هذا رايي الشخصى والله يرزق الجميع ان شاء الله

وعسى الله يرزقج ويرزقنى ويرزق كل محروم ومحرومه منهم امين يارب

 

[دمثة]

اول مرة اسمع


صرنا ندور اي شي ونبي نسويه عشان الحمل

صبرك يارب

 

[ام مسااعد]

ليش تسوين شي مشبوه ومقرف!!

اسمحيلي اختي بس شنو اتسبح باحرام كلة عرق وبلاوي !!

وحتى لو قسلوه شالفايدة!!

احلى شي واضمن شي التوكل على الله ومافي بينا وبين الله واسطة عشان نحمل اهوا واسطتنا ورجائنا

ادعية بقيام الليل واستغفرية طووول ما انتي قاعدة وابذلي الاسباب وبيرزقج ان شاء الله

ونصيحتي لج لاتنجرفين ورا هالامور الدنيوية وكلام الحريم اللي لايودي ولا اييب خلونا لعبة الله يسامحهم


وعلى طاري هالسالفة انا مرة اقترحت علي وحدة اني اتسبح بماي وحدة ميتة يعني عقب ماغسلوها للقبر !!

تخيلي لي وين وصلت فيهم المعتقدات!!

الله لايواخذنا

وتقبلي هالكلام من اخت تحبج ف الله

 

[هداوي المطيري]

لا حبيبتي لا تسووين هالشغلات توكلي ع الله وخلي هالسوالف الرزق عند الله ....

 

[روعة خيال]

لا يجوووووووووووووز بنات حرااااااااااااااااااااااام

انتي جذي جنج تقولين دام ربي مارزقني اكيد هالطريقة بتخليني احمل

يعني بمعنى ادق يأستي من رحمة ربج

تبين الحمال و بطريقة مضموووونة

الاستغفااااااااااااااااااار الاستغفااااااااااااااااااااار الاستغفااااااااااااااااااار و الله العظيم عجيب

 

[تاجي أخلاقي]

استغفر الله العلي العظيم و أتوب إليه


الله المستعان ... وصلنا للقرن الواحد و العشرين ولسى الخرافات والخزعبلات موجودة؟؟!!!!!:0bee2e8d89:


يالغالية .. الله عز وجل يقول في كتابه الكريم (فقلت استغفروا ربكم إنه كان غفار يرسل السماء عليكم مدرارا ويمددكم بأموال وبنين ..)

ما قال اخذي احرام حاج كله عرق وميكروبات وامراض واتغسلي فيه وبيرزقج !!!! سبحان الله

وزي ما قالت اختي الخنساء ..قياااام الليل ... وربي فيها رااااحة ما بعدها راااحة .. كيف لا .. وانتي تطلبين من بيده ملكوت كل شيء من قادر ان يهبك الذرية الطيبة .. واخر حملج عشان يسمع مناجاتج سبحانه ..

رزقنا الله جميعا الذرية الطيبة الطاهرة الصالحة ... اللهم آمين

 

[انثى استثناء]

بنات و الله ما ندري بس اكيد على قولتكم ان التوكل على الله اهم شي

بس ماي الميت طبعا لا لان ماي نجس

و الله اشياء وايد نسمع فيها