بنات عفيه يصير ادخل ولدي اولي ابتدائي بالمدرسه الباكستانيه؟

[chelabteen]

السلام عليكم

شخباركم خواتي

عفيه تعبت وااايد السنه اللي طافت وكان عندي ظروف ولله الحمد عدت ولدي تخرج من الروضه حكومي وهل سنه شهر ٩ بيبدا اولي ابتدائي وابي ادخله مدرسه باكستانيه يصير ؟؟


انا بالقرين ساكنه وسمعت ان في وحده بالمنقف اللي تعرف الاجابه لا تبخل علي عفيه

واللي تعرف مستوي المدرسه تقولي شلونها وشكرا

 

[سينامون]

كلش ما انصح بالباكستانيه

تعب عالياهل و الام و يهلكون الياهل بالواجبات زحمه و بيئه مو صحيه

و مستواها مو لي هناك انا درست بنات يايين من الباكستانيه

الخط ممتاااااااااز احلى من خطي بوايد. بس لا طلاقه و لا حصيله لغويه و البنت تييج ماله من المدرسه

غير جذي يصير انتماء الياهل حق باكستان

على قولة ولد رفيجتي كان يسمي باكستان our country

اذا ماتقدرين تحطينه بمدرسة خاصه سنعه خليج عالحكومه

نصيحه من اخت لج

تقبلي مروري

 

[قموره الاموره]

والله الصراحه ممتازه المدرسه الباكستانيه وقووويه صج بنات خواتي كلهم فيها وحيل مرتاحين خواتي وماشاءالله عيالهم يرطنون اسمله عليهم وان ييتي حق باجي المواد ممتازين صج تأسيس انصحج والله تدخلينه

 

[omaseel]

الفصل بيكون فوق 45 طالب وباب الحجز اتقفل لان صديقتي شهر 4 رفضو ياخدو ابنها وقال العدد كامل والاوليه للي لهم اخوات داخل المدرسه

 

[سينامون]

اي صاجه لان السنه الدراسيه تبدي قبل باجي المدارس
نظامهم ٣ كورسات اذا ماني غلطانه

عالعموم صعبه اذا روضه حكومه يدخلونه على طول اولى ابتدائي

مو حابه احبطح اذا خاطرج بالمدرسه وديه يمكن يطبقون عليه اختبار و ان شالله يقبلونه

والله يكتبلج و يكتبله اللي فيه الخير

 

[كارلوفي فاري]

انا اللي اسمعه عن الباكستانيه انها قويه وتاسس الطلاب بس ماجربتها وبالنسبه للتسجيل انا قبل ٧ سنين لما خلص ولدي الروضه قبل لا يتخرج يعني تقريبا على شهر اربعه دقيت عليهم باستفسر عن طريقة التسجيل قالولي مايصير يدخل اولى بدون لا يدرس على الاقل سنه وحده بالروضه. يقولون انهم ماشين على منهج من الروضه يعني ولدي ماراح يقدر يتابع معاهم لانه اطفال الروضه عندهم يروحون لاولى ابتدائي وهم حافضين الارقام لي ١٠٠ وحافضين كل الاحرف العربيه والانجليزيه يعني ولدي ماراح يمشي معاهم وقالولي اذا تبين خليه يدرس عندنا سنه روضه علشان يدخل بعدها بسنه اولى. لكن مارضيت ااخر ولدي سنه. لكن والله تحسف قلت ياليتني اخرت ولدي سنه ولا حرب الاعصاب اللي قاعد اعيشها بمدارس الحكومه. لانه هلى هالحاله ولدي شكله بيتاخر لانه ماتاسس عدل.
انا انصحج اذا مااقبلوه لو تودينه النجاة لانه مناهج حكومه بس تاسس الاولاد عدل
اسمحيلي هذرت واجد بس والله ماابيج تكررين غلطتي وتاخير سنه خلاني احاتي التاخير كل سنه. وموفقه

 

[قنــــــــــوت]

ولدي دخلته الباكستانية اولى ابتدائي ع طول بدون روضه ..

كنت متخوفه بس الادارة قالولي انهم حاطين صف خاص حق اللي مادخلوا الروضه .... يمشون معاهم شوي شوي لما يكملون مع باقي الصفوف ...

الحمدلله مشى فيها ...صج تعبني شوي ...بس المهم انه مشى فيها .. وهالسنه اسم الله عليه بيدخل ثالثة ابتدائي بالباكستانية ..



بالنسبة لاختي اللي تقول ولائهم لباكستان ..للأمانه انا ماشفت هالشي ...
بالعكس ...الدرس اللي فيه باكستان ... المدرسات يغيرونها ويخلونها كويت ..

ويحتفلون بفبراير والعيد الوطني ...
يعني ما في اشي يمس هالأمور ....

نقطة الضعف الوحيدة اللي حسيتها .... كانت في تدريس اللغه العربية والاسلامية ..
المنهج هو نفسه منهج الحكومة ... بس المستوى جدا ضعيف ... بهالمادتين ..

 

[Ibelievein God]

اتأكدي اذا في تسجيل او لا