بنات عفيه دشوا سؤال اشوي غبي و امحيرني

[مهمومه92]

السلام عليكم
بنات بغيت اسأل عن الخميره (مالت الاكل ) والروب اذا الحامل اتحطهم على ويهها هل هالشي له اضرار ولا يأثر ع الجنين او الحمل؟؟
بنات ادري بتقولون سؤال غبي بس والله من صجي
لاني كلما اسأل امي اقولها ابي احط خميره وروب اتهاوشني :eh_s(4): واتقول مو زين يحفر الويه !! وانا سؤالي مو عن يحفر ولا لأ
انا بس اللي ابي اعرفه هل يضر الحامل والجنين أو لا ؟
:eh_s(7):

 

[ابدا يالغالي مانساك]

حبيبتي
ماااااعندي علم
بس حبيت ارفع موضوعج
وعسي ربي يوفقج

 

[شقرا كويتيه]

هم انا ماعندي فكره ااب وان شاءالله البنات يفيدونج وسوي بحث بقوقل تاكدي بعد

 

[ناتشوو]

ماظن تضر
شغلات طبيعية مو تدش بالدم

 

[MuChaCha]

عاد يقولون الخميره تصفي الويه

بس اذا لها علاقه بالحمل ماعندي فكره كلششش

بس الخميره اختي تستعملها

خدددت لووول خدووود صارت وويها زين صافي مشاءالله

 

[وتين قلبـي]

مااعتقد لها علاقه بالجنين شكو اهي شي طبيعي ماياثر وشي موضعي مايدخل بالجيم م
حالها حال كريمات لاتدققين على اي شي لو كل شي بندقق عليه جان دققنا على الكريمات الاساس والكحل والمسكرا والمكياااج

توكلي على ولاتوسويين*

 

[وتين قلبـي]

بالجيم م=== الجسم

 

[لا تجرح احساسى]

بنات ادرى داشه عرض بس شلون يستعملون الخميره حق الوجه

 

[تبطي عظم!]

ماله علاقه مايدخل بالدم

 

[مواصله]

عادي هالشغلات الطبيعيه احنا ناكلهم ان شاءالله مامنهم ضرر

 

[زين ودلال]

عاااااااااادي مايأثر

وحق اللي تسأل شلون تستخدم الخميره....تحطين قفشه صغيره خميره مع قفشة روب وتحطينها على ويهج

 

[مس غرور]

شكو حبيبتي الروب طبيعي وهم الخميره طبيعيه مو كرتزون ومن هالسوالف الي تأثر على الجنين

فاذا استخدمتيه ان شاءالله مايضرج

 

[الخزامه]

ماعندي فكرة

 

[(أم نونو)]

عادي الخمير بالخبز اللي تاكلينه ومامنه مضر والروب عادي مافي مشكله

 

[أم راشد.]

اب اب اب
لعيونج والله ماعندي خبره بالخميره