بنات عطوني حل

[sha!o0oma]

السلام عليكم ورحمه الله

بنات انا توني متزوجه يعني تميت خطوبه اسبوعين وبس واحين صار لي متزوجه 3 ايام لكن احس اني متضايقه واحس زوجي في الزواج غير عن الخطوبه يعني تونا متزوجين بس مايهتم فيني حتى اليوم اصبح قبل لااداوم ماعطاني ويه بس قام قفل الباب ورجع رقد

وغير جذي مايمدح شي فيني احسه كله يذم وامس يوم زعلت قال لا مو قصدي وجذي وانا متضايقه لان توني مفارقه اهلي ومتغير على المكان وعايشه معاه واحسه غريب عني وحدى حدى استحى منه لدرجه ماقدر اكل شي جدامه وهو جاف وااااايد واحس روحي مضغوظه مو عارفه شاسوى خايفه اصراحه احس اني مااعجبه

وكله اصيح يعني ادش الحمام بس عشان اصيح وارد اطلع مو عارفه شاسوى :krkrkr:

 

[masoo 511]

الله يسعدج ويتمم لج بس حبوبة هذا الشعور عادي اول ايام الزواج لانج توج فارقتي اهلج وحياتج الاولية ومكانج عادي وان شاءالله بتتعودين وربي يسعدج

 

[iLLuMinaTion]

شعور عادي حبيبتي

 

[نبض شرياني]

الله يوفقج ويسعدج

 

[zaina alotibi]

كلميه وفهمي منه الاسباب وليش تبجين ياقلبي وانتي عروس وباحلى الايااام .......
اما عن شعور الخجل فهذا طبيعي جدا

 

[نشيج الروح]

مبرووووك الزواج ....
سالفة أنه ما يهتم فيج فالنوم شس من الاولويات ههههههههه ... بس أنتي مع الأيام اهتمي فيه وخليه يهتم فيج عقب ما تكسرين حاجز الخجل .... شوي شوي

 

[ام الدرر]

حبوبة
استعيني بالله
اولا خطبتج قصيرة يعني ما امداكم تعرفون بعض
وتاخذون على بعض
تصوري نفسج باول يوم مدرسة ولا اول يوم وظيفة شلون شعورج وحالج
اكيد بتحسين بغربة
وتحسين اللي حولج مو متقبلينج
وما يراعون شعورج
الزواج تقريبا نفس الشي
انتي من بيئة وهو من بيئة
انتي لج طبع وهوطبعه غير
واجتمعتو في بيت واحد
ياقلبي
اغلب الرجال يفكر بعقله وما يهتم لمشاعر اللي حوله
عطي نفسج وعطيه فرصه
توه ما بين خيره من شره
لا تقولين مايهتم فيني مايمدح
((تفاؤلوا خيرا تجدوه))

عسى الله يتمم عليج ويوفقج يسخره لج ​

 

[dectora 7elwa]

لازم اول فتره جذي
هو يبيج تهتمين فيه وانتي تبينه يهتم فيج

 

[كذامن ربي حبيته]

حبيبتي شعور عادي بس انتي ابدي يعني لاتخلين كل الوقت صمت بيمل الرجال يمكن حاس انك متضايقه ويقول بنفسه انج ماتبينه مثل ماحسيتي انك ماعجبتيه

 

[Dodo80]

حبيبتي مع الايام راح تتعودين عليه انا تعبت وايد باول زواجي ريلي عكسي تماما حتي مايعرف عن الحب ولا شي معنه احنه متزوجين عن حب 3 شهور ادري شويه بس عالاقل كنت اعرفه وطبعه جذيه حتي قبل زواجنه وايد وايد جدي بتصرفاته وكلامه
يعني سوالف رشدي اباضه وفاتن حمامه مايدور عنده ههههههههه

بس مع الايام تغير قمت اضحك معاه واتغشمر البوووز شيليه تراه عدو الريال سولفي معاه ابمواضيع اهو يحبها راح اتشوفينه يستانس عليج ويحب يقعد معاج وراح تاخذون علي بعض صدقيني بعد فتره راح اتقولين ما اقدر استغني عنه هالملييييق هههههههههه

 

[Tom ♥ Jerry]

.


الخجل و آلآكتئاب يصيب آغلب البنات لمآ يتزوجون !
كلها سنه و تتعودين على الوضع .،
وحآولي انتي تكونين رومآنسيه و يري ريلج صوبج شوي شوي
غيري من طبعه (=


موفقه !

 

[مارشميلو..]

حبيبتي انتي توك في بدايه الزواج
عوديييه على الاسلوب اللي تبين وان شالله بيكون مثل ماتبين
ترى مو كل الازواج تمشي معاهم هالطريقه في حالات مستعصيه ماينفع شي معاها هههههه
بس ان شالله ان زوجك مو منهم
وترى مع الوقت بيتعلق فيك اكثر ويحبك اكثر
انتي حاولي تحببينه فيك وتسوين اللي يرضيه
والله يوفقك حبيبتي

 

[pusy cat]

اول شي الف الف مبرووووووووووك

اشفيها عروستنا الحلوه متضايقه

عادي ترى كلنا فبداية زواجنا جانا اكتآب لأن حياة جديده مو متعوده عليها

اول الاشهر شوي صعبه وتحسين ان الزواج صعب بس بعدها بتستانسين انشالله

لا تحاتين وضعج طبيعي

 

[sha!o0oma]

مشكورين بنات وماقصرتو

بس انا حتى شقتي مو متقبلتها وكله احس بخووف حتى وانا نايمه اقل صوت اقعد خايفه متفشله جدامه لان تقريبا يوميا اقعد من النوم وانا خايفه

واهلي وحشوني

بس ان شاء الله اتقبل واتاقلم عالوضع

 

[baby qa6wa]

اب اب

 

[مناير ...!]

دوام 3 يوم زواج؟
ليه حبيبتي ؟