بنات عرسي بعد رمضان و مشكلتي مشكلة و ربي لأدعيلها اللي تساعدني

[أستغفِرُ الله]

السلام عليكم يا عرايس
شخباركم​

بنات أنا مشكلتي مشكلة تفففشل و الله و محرجة و ربي أستحي منها حتى من أمي مو قادرة أبطل معاها هالموضوع:eh_s(2):​

وإن جان صار و لمحت لها تقول مافيج شي مافيج شي​

انا الله يسلمكن
املجة و عرسي باذن الله بعد رمضان
و صار أسبوع أفرفر بالمنتدى ولفت انتباهي موضوع للخوات الله يجزاهن خير ضحاوي الديرة و داهية مطير و كذا بنت
عن العناية بالدورة و البنت الخربانة و ...
بنات أنا من عمري لا عناية وقت الدورة و لا هم يحزنون بيبسي و أشرب أجوع أمشي حاافية عادية الحيااة ماشية:eh_s(11):
بس من قرب العرس وبديت أدقق بنفسي شقولكن خوياتي:eh_s(2):​

إفرااااااااازات
أصوااات
حكة​

بنات شسوي؟شوروا علي؟
انتوا عرايس جربتوا نظام ضاحاوي أو داهية؟
مشتوا عليه؟شفتوا في فرق؟
أو شنو كانت عنايتكم وقت الدورة و شفتوا تحسن؟
أبي علاج لهالإفرازات وربي تعبت صار كلي همي هالشغلة وربي مو عارفة شسوي و من وين أبتدي:eh_s(2):
أبي تجاارب بنات شغلات أنتن سويتوها مابي يمدحون ويمدحون عفيا لا تردوني
و اللي كلش ماعندها فكرة ترفع لي الموضوع
والله لأدعي لكن بنت بنت
:eh_s(2)::eh_s(2):​

 

[سكـــرهـ]

حبيبتي انا كنت مثلك لما اهتميت صار معي اصوت ورجعت لنضامي القديم للي متعوده عليه والحمدلله للحين متزوجه ومافيني شي

 

[الفدنه]

الله يشفيج حبيبتي
وع البركه مقدما

 

[أستغفِرُ الله]

حبيبتي انا كنت مثلك لما اهتميت صار معي اصوت ورجعت لنضامي القديم للي متعوده عليه والحمدلله للحين متزوجه ومافيني شي

حياتي تسلميين ماقصرتي عالرد :eh_s(11):
وعساج دوم بخير
وأختي شنو هو نظامج؟

 

[أستغفِرُ الله]

الله يشفيج حبيبتي
وع البركه مقدما

الله يبارك فييج يابعد حيي:eh_s(7):
واااامين يارب:eh_s(2):

 

[الـــغـــلآ]

من صجج شناطره انا سويت اللهوم اللي قالت عنه داهيه مطير يهبل و ينظف انتي من الدوره الجايه ابدي و تدفي عدل و اقطعي الحوامض و البيبسي و البريد و الخيار و لا تجووووعين و سوي لنفسج شوربه و اترسيها فلفل و حليب حار فيه زنجبيل و فلفل اسود و دفي عمرج عدل و لا تمشين حافيه و لا تتسبحين اول الايام


و خلي مطارة الاعشاب دايما عندج و اشربي حلبه اول يوم بالدوره ... انتبهي ترا يمديج من الدوره الجايه بس انتي طبقي كل شي بالحرف الواحد و اشربي دارسين و جاي زعتر و جاي نعناع و مرمريه و شفتي اللهوم اللي مسويته داهيه مطير ؟؟؟


هذا لا جا المغرب او العصر حطي قهوتج و سوي تمره معبوطه يعني اللهوم بالاخير يصير تقريبا من البودره بس اثقل تحطينه مع التمر يعني جنج تعجنينه فيه و اشربي قهوتج و حطي فيها شوووي مسمار و اكلي التمر

و اخر يوم تبخري ببخور للهوا كاتبه عنه داهية مطير بموضوعها


و لا تنسين المره مهمه و تنشف اشربي مره و انا افضل من ثالث يوم تشربين مره


اي اي و بعد سوي حليب بالهيل و حطي كمون مع اكلج

و كثري من الخضرا الورقيه و ابتعدي عن الكيوي و حتى الطماط في ناس يقولون مو زين

و لا تنسين تاكلين العصيده و القبوط و المرقوق

و ابتعدي عن المعكروووونه و الملوخيه

و لا تنسين اهم شي لا تجوعين نفسسسج ترا الجوع خرااااااااااااااااب حتى لو كنتي مسويه رجيم بالدوره لا تجوعين نفسج لو شنو


و صدقيني لو اهتميتي بالدوره عدل و حتى اخر يوم فيها اهتمي فيه مثل اول يوم مو تقولين خلاس اهتميت و ما بقى شي لا اهتمي و صدقيني بتلقين اللي يرضيج يا رب


و الله يوفقج و يسعدج و يطمنج ياااااا رب :eh_s(7):


موفقه حيآتي

 

[الـــغـــلآ]

وصج في شي بقوله لج قالوه البنات قبلي بس برد اعيده لج حتى ان تزجتي اهتمي قد ما تقدرين لان الزوج بفتره الدوره ما يجامع مرته و انتي اذا اهملتي دورتج بعذر انج تستحين و من هالاعذار اللي مالها معنى اول ما تخلسين الدوره و يجيج زوجج و كان ناطرتج تخلسين دورتج و ينصدم بالخراب اللي صاير فيج ديري بالج حتى و انتي عنده ديري بالج حلاتها لما يرجع لزوجته و لا هي نظيفه لا افرازات و لا هوا لا اصوات

 

[سكـــرهـ]

انا نضامي البس بنطلون طويل علشان مايدخل هوا واول ثلاث ايام اشرب دارسين واخر يومين اخذ ملعقه رشاد مع حبه سمرا بالصبح واليل مره واغسل بمويا وملح او قشر رمان مطحون ومااشرب شي بارد اوليمون او اي شي حامض

 

[OM3YAL]

روحي الطبيب حبيبتي كورس مضاد حيوي يحل المشكله

 

[زين ودلال]

حبيبتي تدفي وقت الدوره ولبسي اشاء طويله ولا تتسبحين اول 4 ايام وشربي اشياء دااااااافيه واكلي لهووووم

 

[قطوة@@]

من الحين اهتمي بعمرج يمديج

و دفي عمرج و بابتعدي عن المشروبات الغازيه و الوجبات السريعه

و شربي دافي سوي لج اعشاب و شربي جاي مرقدوش حييل رااح يفيدج و ينضم هرموناتج

عندح بعد الزعتر و الدارسين و الزنجيل حييل يريحونج

 

[• JoJo •]

ما قصرو البنات

 

[LoLaTi]

لاتخافين العلاج سهل بس انتي لازم تروحين طبيبة نسا تعطيج مرهم حق الحكه ومضاد حيوي حق الافرازات وتوصف لج غسول مناسب
واهم شي تبدين تهتمين وقت الدورة شربي زنجبيل حار او دارسين وكثري تمر وعصيده ترا التمر وقت الدورة عجيب ينظف الرحم تنظيف ولازم تستخدمين غسول علطول باليوم مرة وحده انا استخدم غسول سيتال من الصيدليه هذا معقم بنفس الوقت وايد زين وبعد وقت الدورة تشطفي بماي وملح خشن تلاقينه من الحواي حطي قفشه كبيرة ملح خشن بابريج وتشطفي فيه بس لاتكثرين قفشه وحده بس
والله يشافيج ويسر زواجج وتبشرينا قولي اميييييييييييين

 

[مجاريح $]

لا تحاتين طبقي نصيحه الغلا ومافيج الا العافيه اهم شي الصبح لاتنامين عن نفسج تلهمين لهوم مع حليب بحلبه او تمر معبوط برشاد او لهوم بعدين تتريقين والحامض ابتعدي عنه والبارد واكلي كويس

 

[aloooya]

راجعي دكتورة

 

[LoLaTi]

بكتب لج السوائل الزينة اللي ماتخلي بطنج يطلع اصوات ومفيده بنفس الوقت خصوصا لو تشربينها وقت الدورة
- جاي زعتر
- جاي الزنجبيل واهم شي يكون زنجبيل طبيعي لانه مفعوله حق البطن وحده بوحده
- جاي دارسين
- جاي اخضر بالنعناع والاحسن يكون نعناع طبيعي فريش مو اللي يكون جاهز
ولبسي دلاق لاتمشين حافيه

 

[حروف الغـــــلا]

انزين بنات شلون مانتسبح ؟؟؟
انا مااقدر مااحب يمر يومين مومتسبحه!!!!
مدري شسوي​

 

[مخلصة للاسلام]

الله يوفقج يااارب ويسخرلج زوجج ولا تحتاين ربج معاج ان شاء الله ومعانا ادعي ربج واهتمي ياحياتي بكلام البنات انا بعد خذيت من نصايحهم الله يجزاهم خير كفووو واللي تقدر تفيد بعد يااليت تساعدها


اي اهم شي صج لا تنسين العصيدة ترى عجيبة تدفي

 

[الـــغـــلآ]

حروف الغلا صدقيني لما تكونين نظيفه ماراح ياثر عليج او على جسمج او حتى يبين انج ما تسبحتي

 

[حناينq8]

حبيبتي لا تاخذين اي ادويه

وتقدرين من هالشهر تعدلين كل شي

دفي نفسج وقت الدوره - وشربي دافي ( حلييب بالزنجبيل - زعتر - دارسين )
ولا تقطين الدلاقات من ريولج

واعتني بنظافتج بوقت الدوره كثر ما تقدرين وغيري كل ساع وتنظفي عدل