بنات طلبتكم تكفوووون ساعدوني &&&&&&&&

[ليلك]

بسم الله الرحمن الرحيم

السلام عليكم ورحمة الله وبركاته

حبيباتي حبيت أستشيركم لأنكم ثقه من جد وتبون لي الزين




سلمكم الله :

أنا بإذن الله مخططين السفر لأوروبا مخطط ألرحله 11 يوم

( ميونخ - زيلامسي - فيينا - انترلاكن )

بس حبيت استفسر هل خطتي مضبوطة ولا أعدلها ثانيا هل اقدر اروح من فيينا الى انتر لأكن بالطيران او القطار وكم المده الله يعطيكم العافيه لا تردوني

ملاحظه / اللي عندها خطه ثانيه تفيدني فيها أنا ارحب بها بسعة صدر فديت كم أنا اول مره اروح أوروبا ساعدوني

 

[_زينه_]

قوليلي وين بتطبين وانا ارتب لج الجدول

 

[_زينه_]

مدتج قصيره وايد

برايي استغني عن فيينا

رحتلج تكون


جنيف ومن جنيف انترلاكن ليلتين كافي زلمسي ميونخ

من انترلاكن لي زلمسي سبع ساعات بس ماتحسين بالطريج او ست ساعات

ميونخ ثلاث ليالي و زلمسي اربع ليالي مع ان يبيلها اكثر

سوري كلامي مخربط

 

[ليلك]

يعطيك العافيه أختي ( زينه ) تعبتك معي يالبى قلبك

غيرة مدة ألرحله الى 14 يوم

وراح أطب ب ميونخ او جنيف بحكم ان انترلاكن ما فيها مطار ولا ؟؟؟؟

وهل اقدر اروح بالقطار من انترلاكن الى فيينا او العكس

اشدعوه يا بنات هذا ثالث موضوع نفس الطلب والرد يكون 2 او 3

بليييز ساعدوني

 

[قانونية]

هلا حبيبتي

اولا حطي ببالج ان انترلاكن وزلمسي يتشابهون ف اختاري وحده فيهم عشان تعطينها حقها

بالمسافه بعطيج الوقت الي اعرفه

من فينيا لي زلمسي ٣ونص ساعات
من زلمسي لي ميونخ ساعه ونص
من زلمسي لي انترلاكن من ٦لي٧ ساعات

هذا اذا كانت معاكم سياره

وقوليلي شنو طبيعه السفره تبيها سوق او طبيعه او تحبون المتاحف والقصور
عشان اقدر اساعدج

 

[قانونية]

وانا اشوف ان انترلاكن يبيلها اسبوع او اكثر