بنات ضروري ادخلووو

[عطر ديور]

السلام
بدخل بالموضوع على طول
انا مسويه رجيم صار لي اسبوع
واسوي رياضه تمارين معده وخصر ومرات سكوات وامشي ومع هذا لي كرش وم خفت يومين بس وردت انتفاخ
انا خايفه م تروح انا كل هالرجيم عشان كرشي شسوي اراجع طبيب باطنيه ولا شنو جدددد متعقده لا تردوني بلييييز
بليييز الي عندها حل او شي لو ترفع الموضوع بنات الي ترد علي ادعي لها تضعف كرشها لووول. جد بنات لا تردوني

 

[MRS.coupe]

اول شي اذا انتي عندج وزن زايد ما يصير تسوين تمارين معدة ما راح تفيدج
بتخلي طبقة عضلات على الدهون
لازم تتخلصين من الوزن
وتمارين المعدة مو كل شي لازم تسوين كارديو يعني تمارين متكاملة للجسم
وخففي من الاكل الي يتفخ البطن مثل البقوليات
وكثري تفاح والياف و يقولون البروكولي زين حق الدهون الي بالمعدة
اتمنى اني فدتج قريت هالنقاط بمواضيع اجنبية ويبتلج الخلاصة

 

[عطر ديور]

يسلموووووو ي قلبي
بس انا مو حيل متينه يعني يبي لي ٦ كيلو على المثالي والي يشوفني يقول اضعف بس الكرشه
انا امشي واسوي اكثر من تمرين حق معده وسكوات وان شاء الله قريب بدخل نادي اند مشكووووره مره ثانيه وناطره الباقي

 

[عطر ديور]

اب اب بنات ناطرتكم

 

[حقوقية 2011]

صح كلام MRS.coupe تمارين المعده ما راح تفيدج اذا فيه دهون ابطنج
و بقولج شي سههههههههلللللللل و انا بنفسي مجربته بس ادعيلي انه الله يحقق الي ابالي
شوفي انا بالاكل الي يطلع الكرش امبدعه فيه اموت العيش و الباستا
و نوعي ما اشرب مشروبات غازية او عصاير حزت الاكل
ماشاءالله علي اشرب ( مااااي ) بين لقمه و لقمه ماااااي يعني المفروض كرشي مترين لي جدام لوول
بس انا اول ما لاحظت كرشي بدا يطلع قمت اشفط بطني من بداية اليوم لي نهايه اتم شافطه بطني حتى لو اكون بالبيت
و كاني ماكو لا كرش ولا بطيخ ماشاءالله
جربي هالطريقة يمكن تفيدج

 

[anwaarsandrilla]

up up up

 

[عطر ديور]

حقوقيه
يسلمووووو بس انا مستغربه ليش م يفيد تمارين المعده وانا مو حيل متيينه اند يسلموووو بسوي الي قلتي عليه وانا سامعه من دكتور ان الي تشرب ماي واهي تاكل. تصغر المعده وقال جذبه انه اذا اكلتي وشربت ماي تكبر الكرش بالعكس قال تضعف ويسلمووووو انووااار على الرفع

 

[عطر ديور]

حقوقيه
يسلمووووو بس انا مستغربه ليش م يفيد تمارين المعده وانا مو حيل متيينه اند يسلموووو بسوي الي قلتي عليه وانا سامعه من دكتور ان الي تشرب ماي واهي تاكل. تصغر المعده وقال جذبه انه اذا اكلتي وشربت ماي تكبر الكرش بالعكس قال تضعف ويسلمووووو انووااار على الرفع

 

[تامارا]

اللبن عنصر غذائي اساسي في تخفيف الوزن
والرمان او عصير الرمان الطبيعي والدراسات اثبتت ان الرمان من احسن الاغذية اللي تخفف الشحوم حول البطن
والحركة المستمرة مو شرط تمارين رياضية
موفقة حبيبتي

 

[MayOumii~]

حبيبتي انا متابعة اكثر من دكتور واكثر من رياضي وناس معروفة بخصوص التمارين الرياضية
اولا تمارين المعدة ما تبين نتايجها الا بعد شهر
وثانيا اذا لعبتي معدة معناته ( تشدين البطن بس جسمج الباجي راح يضعف معاه)
وماكو شي اسمه طبقة عضلات على طبقة دهون !!!
العضلة اذا زادت كثافتها تحرق الدهون الي حواليها وانتي توج بادية بالتمارين يييلج شهر على ما تخف و3 شهور تروح نهائيا على حسب تمرينج اليومي
ولا تخافين العضلة ماراح تاخذ مكان الدهون وتسببلج كرش لان كثافة العضلة غير عن كثافة الدهن

مثال : اذا يبتي كيلو حديد وكيلو قطن
كيلو القطن يبيلج جنطتين كباااااار عشان تحطينه فيه بس كيلو الحديد من صغره يدش بمخباتج
نفس الشي ينطبق على الكثافة العضلية والدهون

بالنسبة للكرش..
خلي عشاج روب قليل الدسم مع خيار او فواكة او اي خلطة تحبينها بالروب
ركزي عالبروتينات بالريوق والغدا وحاولي تلغينها او تقللينها حيل بالعشا لان يبيلها فترة طويلة على ما تهضم
وحاولي تمشين كل يوم نص ساعه بالاضافة الى تمارين المعدة

ولا تشدين على نفسج بتمارينا المعدة قصدي لا تسوين 500 مرة باليوم

 

[اميره بكلمتي]

شربي شاي العويد ينزل الدهون اللي بالبطن كله ويضعف

 

[منيره آل ثاني]

بعد الأكل بنص ساعه اشربي شاي أخضر وايد مفيد
ولاتاكلين نشويات وجوكليت ويطاطا ومشروبات غازيه
واشربي ماي وايد
واشربي عصير أناناس فرش وهم آكلي الكوكونات وايد مفيد حق الرجيم
أتحبين تاكلين الكاري أسئلي طباختكم اتحطين فيه كريمه اذا قالت اي
قولي لها تستبدله بحليب جوز الهند لانه مفيد

في حفظ الرحمن ورعايته

 

[عطر ديور]

مشكورين حبايبي م قصرتو وسوري على التأخير دراسه وامتحانات م كنت فاضيه
انا بدخل نادي وبشوف وان شاء الله تروح

 

[عطر ديور]

مشكورين حبايبي م قصرتو وسوري على التأخير دراسه وامتحانات م كنت فاضيه
انا بدخل نادي وبشوف وان شاء الله تروح

 

[anwaarsandrilla]

العفو عطر ديور