بنات صج هالحجي ولا خرافه !!!!!

[الـمـسـتـبـده]

:friends:


























انا على وشك زواج وعرسي شهر 1

ورفيجتي ملجه بس للحين ماحددو عرسها ومع نقاشات وسوالف بيني وبينها وقالتلي يمكن ماأحضر عرسج !!!!

قلتلها ليييييييش !!!!!

تقول امي تقول انتي ملجه لازم ماتروحين عروس لانه موزين لا لج ولا لها !!!

شلون موزين !!

تقول انه امها تقول انه الأولين عندهم موزين اللي بفتره ملجه تروح عرس لانها راح تتأخر بالحمل او العروس اللي رايحتلها راح تتأخر بالحمل !!!!

بنات بالامانه موخرافه من قلب !!!!

 

[blue diamond]

انا اعرف وحده جذي بملجتها ما احضرت عرس وحده تصير لها
وابصراحه مع احترامي انا اشوفها خرافات
اشدعوه احرم نفسي من الوناسه واحرم غيري من طلتي البهيه عشان جم خرافه

قبل العرس باسبوع ما اخلي الناس تشوفني اوكي بس قبلها بجم شهر ومادري شنو لا يبا اشصاير بالدنيا

 

[DooLy88]

مو بس خرافة من قلب
الا من النخاااااااااااااااااع



شنو هالجهل؟؟؟ يعني اذا الله بيكتب حق وحدة انها تحمل - ماراح تحمل لانها رايحة عرس مثلا؟؟

اممممبي مومستحملة
هههههههههههههههههه

خل الملجات يقعدون فبيتهم ولايحضرون عروس لوول

 

[** باربي **]

انا سمعت الي بالنفاس ما تروح مو زين
بعد المملوجة جني سمعت
ما ادري والله ؟؟

 

[جروح خالده]

رد : بنات صج هالحجي ولا خرافه !!!!!

انا سمعت اللي بالنفااس ماتروح مو البنت اللي املجه

وصج خرفاااااااااااااااات

 

[Jna3eYa-88]

:eh_s(12):

شهالخرافااااااااااات !!

 

[شيخة الحلوة]

لا حياتي خرابيط وخرافات

عادي بالعكس
بس صح قبل العرس باسبوعين اسبوع اذا في عرس ماتروح الوحده ان يعني ترى انا مستحية لوووول مو عن شي ثاني

 

[قلبين وسهم]

نفس الي تقول مو زين وحده تحضر عرسج لابسه شباصه سوده

عاد تعالي فتشي روس الحريم


شهالحجي يبه خرابيط وماعندهم سالفه


بس اذا محددين عرسها اي وا عليا البنت ذابحها الحيا لاتحضر وغيره عادي
وربي يوفقج

 

[الـمـسـتـبـده]

رد : بنات صج هالحجي ولا خرافه !!!!!

الله يهديها ام كبيره شلون تفكر بهالشكل !!!!

 

[Tulips]

رد : بنات صج هالحجي ولا خرافه !!!!!

من امه خرافات .. بس شللي يقنع هالحريم الكبااار شي متوااارث عندهم !!

بس انا لو مكانها ما اخلي احد يمنعني من عرس رفيجتي لو شنووو

 

[ضي]

كلام عيايز لا اكثر ولا اقل

 

[غمزه وإبتسامه]

هههههههههههههههههاي اول مره ادري
بس خرفاات اتوقع

 

[سموة الزين]

رد : بنات صج هالحجي ولا خرافه !!!!!

انا سمعت انه الملجه ماتحضر عشان تستحي والناس مايقولون عنها انها خفيفه لوووول بس سالفة تأخير الحمل شسالفه؟؟؟؟ لا الله ولا رسوله قالو هالكلام استغفرالله
والنفاس اي صح مو زين لانها توها والده والعيون عليها واللي سمعته انه مو زين عشان بسم الله مابي اخرعكم اسكت احسنلي بس يعني موزينه النفاس تروح للعروس

 

[Vouge]

رد : بنات صج هالحجي ولا خرافه !!!!!

شوفي هو صج خرافات


بس مو حلوة اللي بالملجة تروح عروس عشان ما تروح زهوتها
و تتميز بعرسها

 

[احلى توتا]

عندي أختي من ملكت مابقى عرس مارحته ولا نفاس ولا عزاء كلهم راحتهم
وحمدلله الحين عندها 3 عيال
يا شخيه كلشي بيد رب العالمين

 

[ice box]

رد : بنات صج هالحجي ولا خرافه !!!!!

ههههههههههههههههههه خرافه طبعا

 

[أبله^زوزو]

اي يسمونه الجبسه حجي كويتي قديم هذا .. بس للامانه مالها اساس شرعي مجرد وسواس

انتي توكلي على الله وروحي قل لن يصيبنا الا ماكتبه الله لنا

 

[جوزائيه مغروره]

انا كنت بفتره الملجه ورحت مليون عرس

ويووني بنات بعرسي مالجين وكلنا حملنا الحمدلله

خرافه بصراحه

 

[شــغــب]

تدرين !

هالشي هذ موجود عندنآ

مثلا انتي ملجتي خلاص .. ماتحضرين عروس وانتي كاشخه وهيك

يعني بتجين منقبه تعالي واستاانسسي

بس انج تلبسين وومن هالحكي نوو


من رايي اشوف هالشي حلو

لانه مرات مالي خلق احضر عروس ولا امي تقول

امشي ارقصي على عرس علان وفلان

فيكون عندي عذر ميه ميه .. والي هو ..( انا ملجه )

يعني اجي منقبه للعرس اي غيره لا

 

[الغاليه نونو]

هذى يسمونها الجله يقولون فلانه تطيح عليها الجله ...... الجيم بالكلمه تنطقينها مثل كلمه الملجه عرفتي اشلون لفظها؟؟؟


يقولون الاوليييييين اللي املجت ماتدش عرس واللي بالنفاس ماتروح العروس ولا تدش علي وحده بالنفاس

بس لي ولدنا قبل بالمستشفي انا اتكلم عن نفسي كنت اولد بمستشفي الولاده بالصباح لي خلصت الزياره نتيمع احنا المرضي كلنا بغرفة وحده ونحط العشا وناكل ونسهر واليهال عند السسترات ههههههههههه وماصار الا العافيه لا طاحت علينا جله ولا مله

بس في بعض الحريم قبل يربطون هالشغلات وفي عوايل وحمايل ليما الحين يؤمنون بهالسالفه

والحل اشلووووون ؟؟؟؟؟

تقوم مثلا اللي بالنفاس وراحت عرس وحده من اهلها يقولولها احلبي علي ظهر فلانه اللي رحتي عرسها علشان تتبطل الجله
واذا الثنتين مملوجين وراحوا حق بعض تقوم اللي تحمل بالاول وتولد تحلب علي ظهر الثانيه

السالفه ومافيها خرافات وماااكو غير الله سبحانه يحفظ ويرزق ومن توكل علي الله ماخاب