بنات صج حضاره اسلاميه تساوي ثقافه اسلاميه

[حكاية قلب ~]

السلام عليكم

بنات سمعت ان مادة الحضاره الاسلاميه تساوي ثقافه اسلاميه بس بشرط تروحين للتوجيه

والارشاد تبدلين بينهم واقدر اخذ ماده ثانيه من المجموعه الاختياريه اللي فيها الثقافه

اخاف الكورس الجاي اخذ ماديتين واتحسف لان الحضاره يقولون صعبه شوي بتأكد من هالشي ممكن ولا لا؟​

 

[MisS *-* BMW]

وعليكم السلام هلا والله

اممم اختي تقصديين تسااوين شنو يعني ؟؟ تاخذين وحده منهم ؟؟

اللي انا اعرفه اختي انه الحضاره والثقافه اثنيناااتهم مواد اجباااريه عليج

والحضاره مو صعبه لحد يخرعج ماكو شيء صعب اللي تدرس اول بأول وتشد حيلها وتتوكل على الله بيصير عندها سهل ,,

الماده عباره عن حضارات اسلاميه قديمه ,, تدرسين حضاره حضاره العباسيه والامويه وغيرهم
والخلفاء الراشدين ووايد اشياء والله من زمان ماخذتها الماده وماني ذاكره عدل الكتااب
بس سهل والله ويبت فيها A بعد

وانصح بدكتور نايف السهيل يلخص وشرحه حلوو :eh_s(15):

والله يوفقج اختي

 

[شوق الولايف]

اي قصدج تعاااادلها صح اناااا نفسج بعااادلهااا بس لازم اخلص كل المجموعه الاولى بعدين اعااادلها
بس اذا الدفعه الجديده ما ادري والله

 

[رحماك ياربي]

لا حبيبتي لا يضيعوونج

ماده حضاره أسلاميه = ثقافه اسلاااميه " حق طلبه وطالبات كليه العلووووم فقط"

ان باقي الكليات ما يصيييييررر

عررفتي اخذيها الحين وأفتكي منهااا اول شي احسن

 

[يآلبى ضحكتي:$$]

آنآ بعآدلهآ آن شآءلله هآلكورس بس آنطر ينزل قريدي وآمبلى يصير آنآ بكليه آلعلوم آلآجتمآعيه بس لآزم آتخلصين كل موآد آلمطلوبه عليج من آلخآنه آلموجوده فيهآ ثقآفه آسلآميه =)


وآذآ قآلولي لآ رآح آقولج ​

 

[عاشقة وطنها]

العكس

ثقافه تساوي حضارة وتعادلها

حسب كلام التوجيه بالتربية

مووفقه

 

[FoFa stylish]

ترى حضارة مو صعبه انا اخذت فيها a ووااااااااااااايد سهله اخذتها عند جمال الزنكي انصحج فيه

 

[الحلاا كله]

لا مو شرط كلية العلوم بس .. أنا بالعلوم الاجتماعيه
وخذيت ثقافة اسلاميه ورحت قبل لايخلص الصيفي للعماده
وعادلتهاا ؛) ..

وموفقه ي رب

 

[شوق الولايف]

انا بكليه التربيه وتعااادلها عندهااا
وحبيبتي احنااا ما نبي نضيعهاااا
بالعكس احنااا ادرى بكلياااتناااا حبوبه

 

[أحلى البشر]

بنات ليش تعادلونها ؟
<< مستجده ومسجله حضاره

 

[رحماك ياربي]

أنا رفيجتي اسالت التوجيه مال الاجتماعيه

قالولها بس كليه العلوم

 

[شوق الولايف]

يمكن للمستجدات بس انا سالت العماده مو التوجيه والارشاد
وجاوبوني انهااا تعااادل ثقافه اذا تربيه عاااد ما ادري عن باقي الكليات

 

[أم حمد =)]

ماتوقع بس كليات معينة لان فيه ورقة موجودة بالعماده مكتوب فيها كل المواد الي تتعادل مع حضارة ومو بس حضارة حتي تربيه آسريهما تقدرين تعادلينها .. وماكان مكتوب بالورقه اذا حق كليات معينه ولا لا فأتوقع حق كل الكليات ..
عالعموم أنا تربيه وخذيت ثقافه أسلاميه بدال حضارة .. ورحت العمادة قسم التربيه وعادلوها بالكمبيوتر .. *