بنات شي لاحظته ومستغربة منه بليز دخوووووووول

[جكورة]

السلام عليكم ورحمة الله وبركاته ...​

شلونكم إن شاء الله طيبيـــن .​

أول شي أحب أدعي الله أن يسهل لكل وحده هني بالمنتدى أو خارجه حملها وولادتها وعسى الله يثبت أجنتهم كما ثبت السماء وتقر عيونهم بعيالهم ويرزق كل وحده ماعندهــــا ...​

فيه شي لاحظته ومستغربه منه اللي هو كثرة الإجهاض هاليومين :eh_s(10):​

( الحمدلله أنا راضية بقضاء الله وقدره ومؤمنه بأن هالشي خيره للكل وأن الله يرزق من يشاء بغير حساب والحمدلله على كل حال عساهم يشفعوون لنا يوم القيامة ولاعندي اعتراض على حكمة رب العالمين وعسى الله يخليلي عيالي وعيالكم )​

أنا كنت حامل وأجهضت على شهرين ماكنت باذله اي جهد فجأة مغص وطاح البيبي بالبيت:eh_s(11):​

هم إختي حملت معاي وأجهضت :eh_s(16)::eh_s(16):​

وكذا عضوة هني أجهضوا خلال هالشهرين ​

وهم شكثر من أهلنا احملوا ومالله كتب وماكمل ​

ومدرسات 3 معاي بالدوام نفس الشي ..​

وقبل جم يووم مرت إخوي تسولف تقولي كذا وحده معاها بالدوام أجهضوا ​

ولما رحت سويت تنظيفات معاي ثنتين إجهاض:eh_s(11):​

شـــســـــالفـــــة :eh_s(2):​

مليون سؤال براسي أكيد في شي
بنات شنو تعتقدون :eh_s(10): شي محير يعني قبل نسمع عن وحده أو ثنتين بس خلال هالشهرين أكثر من 50 وحده أجهضت شنو الغلط اللي نسويه وتعتقدوون الجو فيه شي أو أكلنا فيه شي أجسامنا شنو فيها ...​

أتمنى الكل يشارك ويفيدنا ويعطينا وجهة نظره :eh_s(7):​

 

[اطياب طيبه.أم عبدالله]

حبيبتي والله خطاج السو

الله يعوض عليج

حاسه فيج انا اجهضت من جم سنه وقاعده احاول افهم الاسباب للحين ما ادري وضميري مأنبني حبتين

الله يعوضج ويعوض الجميع خير يارب

بس الدكتور دايما يقول خلل هرموني بالام والله اعلم

 

[جكورة]

خطاج اللاش يالغاليــة ..
أنا أجهضت وسويت تنظيفات قبل شهرين صج أول الأيام تضايقت ونفسيتي تعبت خصوصا الوحام كان متعب جدا بس الحمدلله مع الأيام نسيت ووكلت أمري لله عز وجل بس للحين أفكر بالموضوع وكل ماسمعت بوحده أجهضت أتضايق لإن هالفتره انتبهت ولاحظت الحالالات في تزايد ...ياترى شنو الغلط بحياتنا نسويه ؟؟؟
ومشكورة حبيبتي على الرد والمرور

 

[Eng.Kokoro]

اييي لاحظت الله يعووووووض كل وحده بطفل ساااالم ويأجرهاا
بس مانقول غير قضاء وقدر

وأتوقع التغذيه تلعب دووور استغفر الله اكلناا واايد صحي اكثر شي عالفاست فوود :/ يعني حتى انا اكل من هالمطاعم بس كثر مااقدر قمت اخفف والله يسهل

 

[حرم_الغلا]

‏ أي والله صاااااجه بنت خالتي أجهضت ومرت عمي قبل ‏٤‏ شهور تقريبا‏↳‏

‏ الحين الحمايل أختلفت أستغفرالله و تأخر الحمل بدوون سبب زااد ‏‏↳‏
‏ الحمدالله ع كل حاال

 

[ام ساره 4]

إي والله صاجه أنا طيحت ثلاث مرات مرتين أول ما أحلل وراها بكم يوم تنزل الدوره ومره مات البيبي ببطني مع بداية الشهر الرابع والحمدلله على كل حال

جكوره الحمدلله على سلامتج والله يعوضج إن شاء الله بتوأم يارب

 

[االفرس]

الله يعووض الجميييع ياارب ,,,
والاكيد ان الله مو قاسمه ,,,,,,,,,

 

[الحــــــلا كله]

الله يستر ويثبت حمل كل حامل ويرزق كل محرومه


انا لاحظت شغله ان الناس معاد تذكر الله والحسد كثران والله يابنات خصوصا على سالفة الحمل
ماجنه الرزق من الله والحمد لله على عطاياه


الوحده لازم تحصن نفسها وسبحان الله هذي ارزاق وكتبت الله

 

[جكورة]

الله يسلمكم بنات ومشكورين على المرور


هم أنا طرا ببالي ممكن يكون من التغذيه

ياليت كل وحده حامل تحصن نفسها وتحافظ على الأذكار

وعسى الله يعوض الجميع بالذريه الصالحه البارة .

 

[miss_whitemocha]

والله أمس بالليل ( وقت الوساوس والأفكار السودا) قاعدة أفكر بهالسالفة،، وااااااااااااااايد قاعدة أسمع فلانة حملت و طيحت،، يمكن أكلنا فيه شي،، يمكن الجو فيه شي،، ما أدري والله شغلة وايد غريبة..عسى الله يتمم علي و على كل الحوامل، ذبحني الوسواس والله.​

 

[أميره بلا قصور]

صاجه كثرانه انا اختي قبل شهر هم اجهضت

بناااات عليكم بالرقيه الشرعيه والاذكااار والله الحافظ

 

[مس لوتس]

صح كلامج وكل شي مكتوب بس للاسف محد يلتزم بالرقيه الشرعيه

 

["*آآآنؤؤؤقهـ*"]

الحمدلله علئ كل حال


انا معاج ملاحظه وكثرة مواضيع الاجهاض


وانا من سنه اجهضت على ٦ اسابيع وللحين ماكو شي

الله يرزقنييييي ويرزقج ويرزقج كل من تتمنى الحمااااال

 

[متوترة]

الرسول عليه الصلاه والسلام يقول ( اغلب من في القبور من الصدور) والصدور يقصد النفسسسسسس


يعني بنات مايصير تعلمون انكم حوامل الا بالشهر الرابع لين يرتفع ويثبت باذن الله
وحتى زوجج علميه لايعلم امه يمكن امه تستانس وتفرح وايد وتنسى تحمد الله وتذكره

صح كل شي مكتوب ومقدر بس االعمل واجب


تحياتي لج

يارب احمل انا وكل بنت تتمنى يارب حمل سليم معافى

 

[فرفشه منعنشه]

الله يعوضج بالذريه الصالحه
وصاجه انا مرت حماي عروس على عيد الفطر اجهضت وكانت شهرين
سبحان الله جيلنا بكلشي مو قوي لا مناعه ولا حمل ولا اجسام ونتسكرب واحنا شباب بعكس اجيال امهات وابهاتنا
اتوقع البيئه والتغذيه والتكنلوجيا لا تنسون الذبذبات والاجهزه اللي ماتفارقنا اللابتوبات والكمبيوترات والموبايلات وغيرها
كلها سبحان الله اشعاعات واكيد فيها منها تأثير وبجانبهم الاكل كله الوان اصطناعيه ولا كيماويه والفاست فود والاكل الخربوطي وحلويات وشغلات مومغذيه امهاتنا وابهاتنا السمج واللحم والدياي والخضرا والبقوليات كانت اكلهم وحلوياتهم طحين وشكر ههههههههههههههه وشغلات بسيطه نقيه

وهذا رايي والعلم عند الله ويارب يحفظ الجميع ويرزقنا الذريه الصالحه السليمة

 

[رفرف]

الحمدلله على سلامتج جكورة والله يعوضج خير يارب

وصاجه والله مو بس الاجهاض حتى الحمال صار عزيز الكل يعالج اللي عنده عيال واللي ماعنده ..
انا بعد حملت مرتين ورا بعض واجهضت مرة ٥ اسابيع ونزل بروحه ومره اللي صج عورني قلبي توه قبل جم اسبوع وانا بالخامس وحملي طبيعي وفي نبض وفي حركة رحت مراجعة عادية طلع البيبي ميت ابطني وحطولي طلق وولدوني الحمدلله على كل حال ..
وماظن من الاكل لاني بالعكس اكل كلشي صحي ما اخربط خاصة وانا حامل بس مادري احنا اجسامنا ضعيفه والا العين والا شنو بالضبط ..
الله يرزق كل محرومة ويعوضنا خير يارب

 

[tbola]

الحمدالله على كل حال مادري اشفيني اخترعت حيل من الموضوع :s

 

[كويتيه مذهله 87]

الله يعوضج حبيبتي انا شالله محد يجرب المعاناه الي مريت قيها انا 4 اجهاضات وماكو سبب يمكن من الجو او الاكل لان ايام قبل ماشالله ايبون فوق ال 10 ويطبخون وشغل البيت كلا علي راسهم

 

[جكورة]

والله أمس بالليل ( وقت الوساوس والأفكار السودا) قاعدة أفكر بهالسالفة،، وااااااااااااااايد قاعدة أسمع فلانة حملت و طيحت،، يمكن أكلنا فيه شي،، يمكن الجو فيه شي،، ما أدري والله شغلة وايد غريبة..عسى الله يتمم علي و على كل الحوامل، ذبحني الوسواس والله.​

اسم الله عليج من الوسواس يالغاليه وعسى الله يقومج بالسلامه وتفرحين بشوفة البيبي


ومشكورة حبيبتي على المرور:eh_s(7):

 

[جكورة]

صاجه كثرانه انا اختي قبل شهر هم اجهضت

بناااات عليكم بالرقيه الشرعيه والاذكااار والله الحافظ

حمدلله على سلامتها :eh_s(7):

وربي يعوضها بالتوأم اللي تقر عينها فيهم