ايه بنات خاطركم تعرفون منو الي يغلب وقت الحب والغيرة والعذاب عقلش ولا قلبش
:dddds: تبون بنات تعرفن وش سوت مزيونه اي بالله اني كنت مصيبة وما هقيت يطلع مني هذا لاني جيت بالطيب وسكت الاخت خلاص بتاخذ رجلي وكل يوم يسولف عنها
بنات مستحية اقول اخاف تقولون عني ملسونه بس الي سويته هو الصح
رحت الشغل وكشخت كشخة المزايين يعني كشخة وحده بتحر وحده شتسوي بعد وطبيت عليها ولقيت الاخت قاعده تتدلع على رجلي جدام عيوني
سلمت عليها اول اشوف ولا وووووووووووع مقصملة ومدحدحه وشعرها مثل الصبيان
هو اخترع من هالمفاجاه لكن ما عطيته فرصه يفكر قلت اخوي ممدوح ينطرك هناااااااك وين عند المسئول خويه
قلت لحب قلب حربي حياتي جيب لنا اثنين عصير ودي ادردش وياها واتعرف عليها واصير خويتها وهناك اخوي قاعد ويه مسئولك منتظرينك
اخوش موجود
هههههههههههههه الي ابيه وصار ونويت عالشر بس بضحكة وهي ماعرفتنا الحرووووووووووب قشران ونص
جان تقول حق حربوبتي ابي عصير اناناس مسوية رجيم قلت تزحرينه بالسمام الهاري في بطنش انشالله والي باط شبدي رجلي بيدفع لها فلوس العصير بقيت اقوله لا تجيب بس يجيب ونص السالفه لازم تكمل الحين متحسفه على فلوس العصير باشر الرجال يطير :ada:
هي ما صدقت وشكلها خافت وارفع البرقع واخليها تشوف الي ما صدقته جان تقولي ما هقيتش حلوة شذي قلت ايه ما تشوفين حربوبتي حبيبي ميت في هواي ولد عمي واموت فيه حب قلب .
ضحكت بوجهي ضحكت بوجهها قلت خلاص الوقت بيمشي وماجا العصير بعد واخاف يجي ويقعد ويانا
قلت حبيبتي الحين انا بضحك معاش بس باشر ان زودتيها بكفخش بذي
شوفو وجهها الوان احمر واخضر واصفر جان تقول بنعومة خير شتقولين قلت شتقولين انتي
رجلي لاعت شبده يتشكالي من رسايلش وكل يوم رازه فيسش عنده بمكتبه :dddds: اكو ناس لزقه ما تصدق تعجب في واحد
قالت شتخربطين قلت لها رسايلش ترس تلفونه وكل يوم مرتزه عنده مشاكلش ومشاكل اخوانش رجلي شكو فيش
شتبين انتي بالضبط قامت تتاتا بالحشي وتخربط وع وع وع مو ناقص الا رجلش جان تقول رجلش الي يتلصق فيني مو انا
هني انا استانست قلت خلاص طاح الفاس بالراس حتى لو انا غلطت هالكلام بيرقع سالفتي :klhfl: مفكرة بالمشكلة والحلول والمخارج فديتني والله
قلت ليش وع وع انتي وشكلش وربي هالمرة الكلام حلو بينا ما عرفتيني بلاك مزيونه تعدلي وغيري من طباعش لاخليش تشوفين شي ما شفتيه
اهني دخل رجلي الله يحفظه جاب العصير واسوي نفسي اضحك وياها وهي لو تشوفون حالها :tomato2:
رجلي مستانس والضحكه من اذون لاذون شوي خاطره يقعد الرجال مفكر صرنا ربع واصحاب قلت حربوبتي خوي ينتظرك بغرفه المسئول جا توه وقال ان جيت مر هناك تقهوى تاخرت عليهم روحي .
راح حربوبتي مسكت العصير جان اكب شوي منه عليها سويت نفسي ما دريت بلي صار قلت هالمرة تمثيل وتجربة ان شفتش تكلمتي ولا قلتي حق رجلي كلمة بتصل في خويش واعلمه سوالفش :68_asmilies-com:
ون شفتش سويتي افلامش المصرية على رجلي ومفكرة انش حلوة وحضرية وبيموت فيش تراش غلطانه هالعصير المرة الجاية جدام خوياتش بالادارة بينكب على راسج وبفضحش .
اتصلت في رجلي قلت له وين اخوي بنطلع
بنات بتقولن حربية وداشة بقوة بس تدرون شنو صار اني من ذاك اليوم ارتاح رجلي منها ومن وجهها ونقلت لمكان ثاني و ما عاد تتلزق وتبعث له الرسايل ولا قالت ولا نطقت بكلمة يعني السالفه فيها ان ونص محد درا غيرنا .
بعد ثلاث ايام يقول لي شبلاها ما تسلم علي قلت مو نت تقول انك لا عت شبدك منها ومن سوالفها يمكن احترت وماتت غيرة من شافتني حلوة :dddds:.
بعد يومين يقول طلبت نقل قلت الحمدلله ربي استجاب دعائي ويمكن خيرة لك تسويلك سالفه بين الناس وتقول يتحرش فيني
بنات مو تكرهوني انا سويت شذي عشان حياتي مع حب قلب رجلي وعشان اادب اي وحده تجي صوبه
_03BA:وبعدين انا ارضى احد يجي يم حربي فديته وفديت قذلته :tek:
ابله مزيونه فديتش انتي وياها
