بنات شوفوا شنو لقيت عند خدامتي.....

[ذهب ابيض]

صباح الخير ومساء الخير عليكم جميعا

بدخل بالموضوع على طول

بنات خدامتي هنديه وجديده اول مره تدخل الديره وصغيره بالعمر المهم ان من وصلت عندي واشتغلت احس ان في صوت كيس في صدرها انها خاشه شي فيه

اذا عدلت حجابها طلع صوت الكيس واذا شالت بنتي طلع صوت الكيس المهم ماعطيته اهتمام

والمصيبه امس

بالليل بعد ماتسبحت دخلت الحمام مالها بعدها عشان احط لها ملابس الغسيل ولا اشوف كيس صغير على المغسله استغربت شكله
وفتحته ولقيت فيه خشب صغااار مقطع قطع صغار وفي قطعتين سود مادري شنو وفيه كيس صغير شفاف مع هالخشب فيه بودرة بيضا
صراااااااااحه خفت لا يكون سحر او شي

صورته وبحطه لكم وقولولي هذا شنو ؟؟

شوفوا الخشب حيل حيل صغير والقطعتين السود هذول جنه خشب محروق
وهذي وحده بعد

وهذي

ولقيت بعد هالنص دينار ربعين..

المهم اخذته وخشيته عندي على طول

وشوي الا طالعه خدامتي من غرفتها ورايحه الحمام طيران

واسمع صوتها تبجي

وشوي وجتني
قالت ماما في كيس حمام وين؟؟

طبعا مع الاشاره لان توها ماتعرف عربي على خفيف بس

قلت شنو ماما سويت نفسي عبيطه ومادري عن شي وتأشر وانا اأشر
وطلعت مني وهي تبجي ميته بجي انا بعد من هالبجي شكيت صراحه الكيس كله خشب وبودر لو فيه شي يسوى يمكن

وطالعه من غرفتها رايحه الحمام ومن الحمام للغرفه مانامت الليل كله

والكيس عندي

طبعا جا زوجي وقتله السالفه وقال لاتعطينها قلت ولا فكرت اعطيها خلها على عماها جذيه لاتسوي فينا شي اذا هو سحر ا و حجاب

واليوم من قامت احسها منكسره وتفكر مادري شموضوع هالكيس

شرايكم بنات شسوي
الكيس هذا شسوي فيه

لاتقولون واجهيها خليها جذيه على عماها ولا ابي ابين لها شي المهم ان الكيس معاي

شراااااااااااااااايكم

 

[امواج الكويت]

الله يستر عليكم خلي هنديه تكلمها وتفهم منها السالفه

 

[blue diamond]

رايي لج انج تودين هالجيس لشيخ ان طلع سحر والعياذ بالله فأهوا اكيد راح يقولج اشلون تتصرفين فيه
وان ما طلع سحر ان شاء الله وكان شي عادي فرديه لها هالجيس لانه يمكن يكون من معتقداتهم اللي تييب الحظ او شي جذي

 

[آهات الليل]

رد : بنات شوفوا شنو لقيت عند خدامتي.....

يبيلج خدامه هنديه تعرف عربي وخل تكلمها تقولها شنو هذا؟؟
ليكون رماد جثة امها او ابوها ترى هذول عادي لازم تواجهينها حبيبتي نفس ماقلتلج يبي وحده هنديه تعرف عربي تكلمها وعشان تعرفين شسالفه والله يكافيكم شر الخدم الحمدالله ماعندي خدامه
وبشرينا بالنتايج لان راح احاتيج

 

[alhabibah]

رد : بنات شوفوا شنو لقيت عند خدامتي.....

ما أدري والله
بس شكله مايطمن، طنشيها. إن شاء الله تطخ

 

[برد ابو الذهب]

ياقلبي وديها وافتكي دام شاكه فيها 1% اشجابرج عليها

 

[al_jood]

خليها على عماها وسفريها بسكات بس علشان ترتاحين نفسيا مايندرى عنهم هذيلا ما وراهم الا البلاويه الله يكافينا شرهم

 

[من حقي أغير]

رد : بنات شوفوا شنو لقيت عند خدامتي.....

استغفر الله مايي منهم الا الشر والعياذ بالله رديها لمكتبها وقوليله واهو يتصرف بس طلعيها من بيتج الله يستر

 

[( مي )]

ما سألتيها جيس شنو ؟؟
سأليها قوليلها انتي امس تبجين على جيس ضايع ،، ليش شنو فيه عشان أدور معاج ،، ودخلي غرفتها وسوي نفسج تدورين معاها عشان تتأكدين اذا في عندها سوالف ثانية من هالنوع مشكوك فيها وداعسته بمكان ولا لأ ؟؟؟؟؟

بس اللي اسمعه انه لو سحر جان فيه طلاسم وأرقام وأحرف او دم ،، بس هذا ما فيه شي جذي ؟؟؟
وشكو الفلوس ،، غريبة ؟؟؟؟؟


ذكرتيني بخدامة سيلانية كانت عندي تربط خيط صوف برقبتها ومعلقة فيه يلدة سودة ما ادري شنو داخلها ،، وكل ما اقول لامي اني خايفة من اللي برقبتها تقولي عادي هذي سوالفهم ومعتقداتهم ،، بس فكة ما ضلت عندي 3 شهور ورديتها من طول لسانها وقذارتها تكرمين غير الجذوب

سوري هذرت وايد
لووول

طمنينا عليج

 

[زهدى محمد]

رد : بنات شوفوا شنو لقيت عند خدامتي.....

حرام عليكي لاتفترضى سوء الظن وواجهيا مش ممكن تكون زكرى ليها في الغربة من حد بتحبة في ايام الغربة الصعاب فكي كربها الله يفك كربك

 

[*صَبا*]

شنو ديانتها خدامتج ؟!!

السحر عادة يكون من اثر حد او يكون طلاسم

عشان جذي انا اتوقع

انها تحط هالخرابيط عشاناها هي

في ناس يلبسون حجر او يحطوم احجار في ملابسهم اعتقادا منهم ان هالشي بيعطيهم قوة او طاقه
هاي خرابيط الديانات الثانية

انتي الحين اقري الرقية الشرعية على هالجيس عشان تتجنبين اي شي لو كان سوالف سحر

وبعدين قوليلها ليش انتي زعلانه شنو فيه هالجيس

اذا كذبت وقالت لج شي غير عن الموجود
سفريها ولاتردين لها جيسها

 

[Meeesh]

انا اقول سأليها شسالفة الكيس اللي امس تبكين عليه ؟؟ لازم تعرفين شسالفه حرام لو سحر ولا شي كان ماقالتلك ويين الكيس ابيه وقامت تصيح
يمكن له ذكرى عندها ولا معتقد ولاشي

لاتظلمينها

 

[جيكره مغروره]

مثل ماقالو اللي قبلي جان سالتيها ليش هذ وحق وشنو ويعنى من هالشي يمكن على قولتهم معتقدات عندهم
بلاج ماتعرفونهم ماوارهم غير عندهم اشياء غريبه وان سألنهم قالو هذ جذي احنا يسوى قبل ومدرى وشو

 

[e.ngland]

رد : بنات شوفوا شنو لقيت عند خدامتي.....

مثل ما قالت الاخت يمكن شي يجذب الحظ ومادري شنو سوالفهم يعني
ماعتقد سحر لو سحر جان دحسته بمكان مو فيها

 

[ذهب ابيض]

الله يستر عليكم خلي هنديه تكلمها وتفهم منها السالفه

المشكله ماكو هنديات عندنا كلهم فلبن واندونيسيات

 

[ذهب ابيض]

رايي لج انج تودين هالجيس لشيخ ان طلع سحر والعياذ بالله فأهوا اكيد راح يقولج اشلون تتصرفين فيه
وان ما طلع سحر ان شاء الله وكان شي عادي فرديه لها هالجيس لانه يمكن يكون من معتقداتهم اللي تييب الحظ او شي جذي

بأتصل على شيخ واشوف

المشكله من الصبح اتصل محد يرد

 

[الأميرة جوري]

رد : بنات شوفوا شنو لقيت عند خدامتي.....

انا اقولج هذا الخشب ياكلونه ويخلي الاسنان واللثه كلها احمر يحبون ياكلونه اظاهر شيء مقدس عندهم لانى شفته مع وحده كانت عندي نص دوام وتعلج فيه قلت شنو هذا قالت خشب لازم ناكله وكل فمها احمر .....لاتخافين مو سحر

 

[جيكره مغروره]

رد: رد : بنات شوفوا شنو لقيت عند خدامتي.....

حرام عليكي لاتفترضى سوء الظن وواجهيا مش ممكن تكون زكرى ليها في الغربة من حد بتحبة في ايام الغربة الصعاب فكي كربها الله يفك كربك

:eh_s(10)::gr4uu::gr4uu::gr4uu:



هذا منو :080402ask_prv:

هي انت لتكون دخيل:eh_s(12):

 

[الليلاس]

رد : بنات شوفوا شنو لقيت عند خدامتي.....

اي حبيبتي صحيح ممن يكون رماد جثهلهم واهي محتفظه فيه
وممكن يكون حجاب محبه مادري مابي اخرعج
او حجاب توفيق عندهم
المهم خلي وحده ن الخدامات ولا المكتب يكلمها بالتلفون عندهم هنود اكيد
ويستفسرون منها انتي قولي للمكتب بس تبجي ومدري شفيها واهو يكلمها وشوفي شبيقولج
اذا في شي عادي عندهم بتقوله اكيد وهم تاكيد روحي لشيخ خوفج سحر مدري شقولج بس لا تستهينين والي سوت سحر تسوي سحر ثاني عادي

 

[ذهب ابيض]

رد: رد : بنات شوفوا شنو لقيت عند خدامتي.....

يبيلج خدامه هنديه تعرف عربي وخل تكلمها تقولها شنو هذا؟؟
ليكون رماد جثة امها او ابوها ترى هذول عادي لازم تواجهينها حبيبتي نفس ماقلتلج يبي وحده هنديه تعرف عربي تكلمها وعشان تعرفين شسالفه والله يكافيكم شر الخدم الحمدالله ماعندي خدامه
وبشرينا بالنتايج لان راح احاتيج

اي رماد اهات ترى انا على طريف لاتخرعيني