بنات شوفوا شصار معاي عقب ما دقيت ع المباحث

[اًَدور ماَكو..}]

قوه حبيباتي

انا اللي نزلت هالموضوع

http://www.q8yat.com/t844950.html

بقولكم شصار معاي

غير الصورتين التركيب اللي كان دازهم لي

هم بعد دزلي صوره ثالثه تركيب صورة وجهي على جسم وحده والله ي بنات انها صدرها شوي و يطلع كله

و اللي يقولون دقي ع الرقم مال المباحث الجنائيه

بس بالاول بقولكم اني صليت صلاة الاستخاره مرتين قبل ما ادق

دقيت عليهم اليوم ي بنات رد علي واحد و يقول ان اهله راح يدرون بس اهلي انا لأ

بس المشكله ان لازم انا اللي اروحلهم وانا مستحيل اروح لهم بنات انا توني صغيره و مستحيل ادخل جذي و صعبه حيل لا اسوق ولا شي


بنات انا صحيح اني تضايقت بالبدايه و بجيت لان فقدت الامل بس والله والله انا املي بالله كبييير حييل بالعكس ادري ان الله كتبلي الخير لاني مصليه الاستخاره و الله اللي كتب ان ما تتم هالشغله


بس انا ليما الحين اوسوس لان امس دزلي صوره ثالثه و خايفه كنت بخلي رفيجتي تكلمه بالواتس اب و تتفاهم معاه بس تذكرت انه حقير و ما عنده مشاعر ولا ذرة انسانيه

و مستحيل يستوعب اي كلمه و بالعكس بتزيد حقارته اكثر و اكثر


و الدليل ان مره كنا متهاوشين و قطعت علاقتي فيه و تم يدق علي و لما رديت دريت انه فاضي و ماعنده شغل ف قلت له انا بسكر و بصفتي منو اكلمك قالي اوكي سكري و قلتله من صجي بسكر قال سكري و اول ما سكرت يقولي انا اعلمج و انطري ردة فعلي وربي ي بنات لو اقولكم شكثر حقير ما تصدقون

و الصوره اللي امس دزها ثالث صوره و كاتب تحتها حلوه ولا اسوي غيرها


تكفون ي بنات شوروا علي انا الحين مو عارفه شنو اسوي بالضبط ولا عارفه بشنو افكر

لا ليلي ليل ولا نهاري نهار و 24 ساعه افكر اقول هالحقير قاعد يلعب بصورتي و جنها لعبه بايده يركب على كيفه و يدز ولا احد يرده بس ما اقول غير حسبي الله و نعم الوكيل فيه حسسسبي الله و نعم الوكييييل و الله يستر علي فوق الارض و تحت الارض و يوم العرض


بنات تكفون اللي مو لاقيه حل بس خل تدعيلي دعوه من قلبها والله يرزقها بالمثل ان شاء الله

 

[اًَدور ماَكو..}]

توه نزل الموضوع

 

[dectora 7elwa]

صارحي احد من قرايبج وروحي المباحث بعبايه ونقاب
ماكو غير هالحل

 

[نفهمها صح]

قلنا
امج
ستروغطا عليج هي بتصيير مشكله بس ارحم من تووصل لخطيبج وهله وهلج ادري كيف يتصرفوون معه
الله يهديج​

 

[اًَدور ماَكو..}]

نفهمها صح والله ان قلت لامي راح يصير فيها شي كافي انها مريضه

 

[الغاليه ام احمد]

حبيبتي شلون المباحث يقولون تعالي

انتي قوليلهم ما اقدر ايي وانا ما اسوق ولا ابي احد يدري

 

[اًَدور ماَكو..}]

الغاليه ام احمد والله قلتله شلون يعني لازم اجي يقولي اي قلت ما يصير ابلغ بدون لا اجي قال لا ما يصير لازم انتي تجين عندنا و تبلغين عنه

 

[بيتي بوب بس كويتيه]

انا الي سمعته لا ما تروحين دقي مره ثانيه وقولي مو قادره اطلع وسترو علي الله يستر عليكم

 

[شاربة بيبسي ومدلعة نفسي]

الله يستر عليج ويهديه انشالله و
والصوره الي عنده انشالله تحترق

 

[اسواريه]

انا اقول حطي رقم ثاني وماحد يدري عنه حتى رفيجتج خليه بين اهلج
واللي يدزلج عليه الصور افصليه

 

[الغاليه ام احمد]

حبيبتي لا تدخلين رياييل فيها

اذا عندج اخت كبيره كلميها وقوليلها تروح معاج

ونصيحه مني لا احد يدري من الرياييل او صديقاتج مهما يكون

يااختج يا امج ويمكن امج راح تنصدم اول شي بس بعدين راح

تستوعب الموضوع وتروح معاج ترى كل الامهات جذيه صدمه وبعدين استيعاب وحل

 

[ام الدرر]

الله يفرج همج
ادعي ان الله يشغله بنفسه عنج
ويكافيج شره​

 

[نسمات 26]

الله يفرج همج ما عندي حل حاليا ً

ان شاء الله البنات يفيدونج حبيبتي

 

[** محبوبه**]

الله يفرج همج ويهديه ويعطيج الصور بدون مشاكل ولاروحه مباحث يارب

 

[بدورة القمورة]

الله يفرج همج..

تعرفين اهله؟؟ امه خواته؟؟ ابوه؟؟

روحي قولي لهم السالفه قولي لهم انا بنت بتزوجج و ولدكم يهديدني استرو علي الله يستر علي بناتكم

 

[عريب المستقبل]

,,,,,,,,,,,,,,,,,,,عليج بالدعــــــــــــــــــــــــــــــــــاء والاستخارة في صغيرة وكبيرة,,,,,,والله يكون بعونج ,,,,,,,,,,,وصدقيني بالدعاء تصيييييييير المعجزات,,,,,,,,,,,,,,,,والله يفرجها لج,,,,,,,,,,,,,,وعلييييييج بدعاءالمصيبة يقلب حياتج من جحيم الى نعييييييييييييييييييييييم ,,,,,,,,وعسى الله يفتحها عليج,

 

[AL-7ooR]

هذاا. جبااان وخواف وامطلع قوته على بنيه. لا تخافين منه ردي
انزين انتي شرحتي حالتج لهم (المباحث)انه ماعندج سياره وماتسوقين وماعندج احد يطلعج اكيد عندهم حل حق هالمواضيع

حسبي الله عليه حسبي الله ونعم الوكييل فيه والله مايطق ابعصا راح تشوفين فيه يوم يارب ياكريم بس انتي صلي وادعي ربج صلي صلاة خاصه بينج وبين ربج وانشالله يستر عليج ويطلعج من الموضوع بدون مااحد يدري *

 

[M!ss soso]

آخ يا قلبي آلله يعينج و يفرج همج و يستر عليج
و ربج ما يطق بعصا عساج تشوفين فيه يوم هالحقير
و الله لا يوفق كل واااااحد جذي يسوي ف بنات خلق الله
آلله كرييييم

 

[حبك ذبحني]

كلمي احد من اهله اخوه والا امه وقوليلهم انج تزوجتي وانج تبين صورج واذا مافي فايده ورد يضايقج مره ثانيه فعلا روحي المباحث ووقفيه عند حده لان هالاشكال تخاف بس ماتستحي وصح مثل ماقالت دكتوره حلوه روحي بنقاب والله يستر عليج يارب

 

[امواج الكويت]

دقي عليهم مره ثانية هذا اكيد موظف يديد ولا شي حاولي وماراح تخسرين شي

الله يستر عليج ويرد كيده في نحره