بنات شوفوا الصبغة اللي شريتها ، هل لازم أسحب لون شعري قبلها؟

[Righterette]

قوة بنات

شوفوا هالصبغة اللي شريتها:

شعري الأصلي أسود، وأطرفه مصبوغه قديم بصبغة كولستون من ويلا. بس بقص الأطراف ان شاء الله لي صبغت شعري كله.

سؤالي. اذا أبي مثل اللون اللي على العلبة، لازم أسوي شعري أكسجين أول مو صح؟
بهذول:

علشان أسحب اللون.

وبعدين أحط صبغة palette؟

صح جذي؟

ولا في أمل الصبغة تطلع لي لون حلو من غير سحب اللون بالأكسجين؟
لأني أول مرة أجربها، وشكلها قوية ...فقلت أسأل ..

بس رجاء لحد يقول لي روحي الصالون يسووونه، يسوون تجارب وما عمرهم ضبطوا لي اللون اللي ابيه كله يطلع قامج وعلى أحمر ..
صبغتي بالبيت وايد أبرك ..

وغذا في أي نصايح أو افكار لا تبخلون على اخيتكم

:eh_s(7): :eh_s(7): :eh_s(7):


​

 

[((غلاي))]

مادري و الله اذا ماتعرفين تصبغين لاتغامرين اخاف تحرقين شعرج لا سمح الله

 

[ام الدرر]

باليت لنا دايم استعملها يضبط اللون اكثر من ويلا
استعمل الاحمر او البني
بدون سحب لون راح يطلع لج النتيجة بني فاتح مو اشقر
اما سحب اللون انا ما جربته اخاف اغامر بالتشقير
نصيحة سوي تجربه على خصله ​

 

[ليه الجفآ]

لاتغامرين ..

روحي صالون ..

 

[أبلة فاتن]

روحي صالون تدفعين وتشترين راحتج خاصه مواد كيماوية لا تستهينين بفروة راسج حبوبه ،،،

وباليت هذي اللي كانوا يوزعونها اول ما نزلت بالمجمعات رخيصه صبغ مؤقت جنه ،،

روحي صالون ولا الميزانية ما تسمح لج نطري ؟؟؟ وشعرج طويل ولا قصير ؟

سوري توني انتبه ما تبين صالون انتي شنو اللون اللي تبينه ؟؟؟؟؟؟؟؟؟؟؟؟؟؟؟ تسحبين صبغة شنو كنتي صابغه شعرج اسود ؟؟؟ مشكله الاسود اذا بتفتحينه

 

[لورا111]

انا مرة سحبت لون شعري احط كاسة بودرة تشقير وكاستين اكسجين ٣٠ اخليه نص ساعة واغسله يطلع برتقالي وبعد كم يوم اعيد السحب نص ساعه واغسله وبعد كم يوم اصبغ اللون اللي ابي طبعا يتعب شعري ومرات حتى لمعه مافيه وشوفي احسن بودرة سحب لوريال مع الاكسجين لوريال وهذي البودرة بعشرين بروحها وعندج بودرة ماتركس واكسجينها بعشرة هذول ناعمين على الشعر ارحم من غيرهم تلقينهم فوق النسايم بالسالمية

 

[أبلة فاتن]

^^^

والله مصرف الاكسجين ب 10

وال

يعني يتدفع 40 دينار على هالسالفه


تروح سالون ولا تجيب وحده تسبغ لها

ولا شرايج تسوين سبغتج وتروحين بس اهما يسبغون لج مو احسن ؟؟؟؟ ا

 

[دلع86]

مع البنات روحي الصالون لاتغامًًرين الشعر نص الجمال اذا راح صعب يرد مثل اول

 

[لورا111]

انا اقولج تشري اغراضها اضمن او تشرط على الصالون يحط لها بودرة سحب لوريال مع الاكسجين لان اهم اخف شي على الشعر وترا حتى افخم الصوالين اغلبهم يستخدمون اشياء رخيصة عشان جذيه ما اثق فيهم اشتري اغراضي اضمن

 

[Righterette]

مشكورين بنات على الردود :eh_s(7):

عاد أنا ما قدرت أنطر، أمس تهورت وسويته!
سحبت اللون، وعادي الأمور لأنه مو أول مرة أسحب اللون بالبيت.
اللون طبعا طلع على أصفر على برتقالي.

المهم حطيت صبغة باليت ... ريحتها تذبببببح بغت تخنقني
قلت عسى النتيجة تسوى

طلع لون ثاني تماما وما له شغل بالاشقر الفضي
طلع أشقر فاتح جدا على مصوفر، طبعا مو عاجبني اللون

بس الحلو أنه شعري صار في لمعة ما كانت تطلع لما أستخدم الكولستون، كان شعري يطلع مطفي ...

اللون يبي له تعديل قوي ، وأنا اصلا بقص شعري قصير، فبقزرها تجارب عليه
لأن الصالونات ولا مرة ضبطوا اللون ...

أبي أشقر بلاتيني ... هل هذا اللون موجود بالكويت مثلا؟ ولا أنا شعري وايد قامج؟
ولا شالسالفة؟

 

[sharoo_e5]

والله انج جريئة وشاطرة

 

[**(فـيـلا دانـتـيـل)**]

من صجج !!

هاذي مو شطاره تري

عط الخباز ....

لو بتصبغين بني اقول يمكن ..
اشقر وانتي شعرج اسود
هاذي مغامره الصراحه
واخاف بعدين تتحسفين
هذا شعر مولعبه
والله اذا احترق
بتبچين دم !!

 

[أبلة فاتن]

امبيه من صجج الصبغه هذي رديئة ؟؟؟ جان شريتي من الجمعية لوريال عالاقل ؟؟

تبين اشقر وبالبيت ؟؟ ممممممممممم الله يهداج بس ومعروف كولوستون مو حلو يسوي الشعر معلج

الله يعينج بس بالصيدلية كانو يبيعون دوا سحب صبغه جاهز ،،


لعبتي لعب بشعرج ،،،،،،،،،،، الله يعينج حطي الصورة اللون اللي تبينه خل نشوف ؟؟

 

[أبلة فاتن]

حبوبه لازم تشوفين هالموضوع راح يفيدج انشاءالله

http://www.q8yat.com/t990105.html​

 

[Righterette]

والله أنا هادية ..بس ما دري شفيني هاليومين مستشرة على شعري
أهو أصلا مو طويل وايد، ومتقصف .. وكنت من غير شي بقصه كاريه قصير .... فيعني خاربة خاربة
فقلت أجرب أشياء يديدة.

أنا عبالي صبغة باليت زينة .. شفتها أغلى من الكولستون حسبالي زينة ..
واللوريال مرة جربتها .. وايد خفيفة ما ثبتت معاي ..

على العموم بعد شهر لي طلعت الجذور بحط فوقه لون ثاني إن شاء الله وعسى يصير اللون حلو ..
وبعدين أقص التعبان ...

على العموم بقول لكم شنو نتائج تجاربي إن شا الله

ابلة فاتن .... مشكووورة الموضوع عجيب :eh_s(15): وللقيت موضوع ثاني حق أم علي فيه الصبغة البلاتينة .. ادعوا لي انها تضبط معاي ..

 

[أبلة فاتن]

^^

اي بغيت احط لج الرابط تاخذين فكرة صبغ الشعر الاشقر موفقه قلبي وقتلج صبغة باليت موزينه قبل لا تصبغين

بس عاندتي وسويتي اللي براسج ههههه موفقه قلبي

وناسه حلو الكاريه احب هالقصه كيووت

 

[Righterette]

^^

اي بغيت احط لج الرابط تاخذين فكرة صبغ الشعر الاشقر موفقه قلبي وقتلج صبغة باليت موزينه قبل لا تصبغين

بس عاندتي وسويتي اللي براسج ههههه موفقه قلبي

وناسه حلو الكاريه احب هالقصه كيووت

مشكورة أبلة ^_^ ما نستغني

 

[!! دلوعته !!]

ااااااااااااااااااااااااااااااااااب

 

[Mem ilwer3a]

حبيبتي ايي
انا اقولج شتسوين
أمي كان شعرهاا اسووووووووووووووووووووود
بس شرت هالصبغه نفسهااااا نفسهااا
بس قبل لا تسوي اي شي
كانت اسبوعين بس تفتح بشعرها
يعني سحب لون
بس تكون كمية البودره مالت الأكسجين 30%
اهوه راح تشوفينه برتغالي بعدين اصفر بعدين شوي يكون أبيض بس مصوفر ذيك الساع حطي الصبغه
و انشالله أكون أفدج و أي شي تبين انا حاضر
و أسأل أمي و اقولج
بلا صالوونات بلا خرابيط هالصبغات ياخذون عليها 155 ديناار
و امي سوتهاا و طلع أحلى وااااااااااااااااايد من الصالونات


و أسفه اني طولت ..​

 

[Righterette]

حبيبتي ايي
انا اقولج شتسوين
أمي كان شعرهاا اسووووووووووووووووووووود
بس شرت هالصبغه نفسهااااا نفسهااا
بس قبل لا تسوي اي شي
كانت اسبوعين بس تفتح بشعرها
يعني سحب لون
بس تكون كمية البودره مالت الأكسجين 30%
اهوه راح تشوفينه برتغالي بعدين اصفر بعدين شوي يكون أبيض بس مصوفر ذيك الساع حطي الصبغه
و انشالله أكون أفدج و أي شي تبين انا حاضر
و أسأل أمي و اقولج
بلا صالوونات بلا خرابيط هالصبغات ياخذون عليها 155 ديناار
و امي سوتهاا و طلع أحلى وااااااااااااااااايد من الصالونات


و أسفه اني طولت ..​

مشكوووورة. شنو للماركة اللي تستخدمها الوالدة؟ ويلا؟
لأني حطيت ويلا بس ما صار ابيض.
جربت حطيت على خصلة مرة ثانية وخليتها نص ساعة، قلت يمكن تخف الصفورة ... تمت صفرة
وشكراااا