بنات شنو نظامكم مع رياييلكم بليييييز

[cheese cake 84]

هااااااي كويتيات شلونكم بدخلكم بالموضوع علي طووول الله يسلمكم اليوم زواره امي واختي يايه مااااده البوووز شفييييج عسى ماشر جان تقولي متهاوشه ويه ريلي انزين ليش شالسالفه تقولي كلللل يوم طالع طالع ولمه يرد نتناقش باي موضوع ينقلب هوشه تقول مادري شسوي وياه هل اسكت عن طلعاته وكل مايي اضحك واسولف جنه ماكو شي ولا شسوي تقول ذاك اليوم مرينا نشوف سياره يبي يشتري سياره رحنا المعرض وبالطلعه كنا قراب عالافنيوز قتله خنمر عصب قالي بطلع عندي شغل يوم قتله خو كل يوم طالع وقلبت السالفه هواش بهواش تقول اهو بالبدايه رد قالي خليها باجربس انا حنيت الا اليوم ومره طلعنا رحنا بنشوف حق ولدي لبس حيوان حق المدرسه وتناجرنا بالطلعه يعني الطلعه قامت تصير دوم نجره بنجره قتلها خنسال خواتنا كويتيات شنو نظامها ويه ريلها هل كله ساكته عنه هل كله تضحك ومستانسه حتي لو تمثيل شلوووون تمشيييي حياتها وياه هل تصبر لان كل الرياييل جذي في شغله ترا اهو مايقصر علي بيته يودي وييب عياله ويطلعهم مره بالاسبوع بس مادري ليش هالاعصاب يمكن لان اختي تعاند ولا لمه تشوفه معصب تشد وياه فيدوها الله يخليكم اهي راح تدخل بليل وتقرا ردودكم بليييييييزsize="5"][/size]

 

[ورود كويتيه]

هلا حبيبتي ~~
ترا كل الرياجيل فيهم أعصاب الحمدلله والشكر تعودنا على هالشي~~~~
عصبيته على عمره بالطقاق :eh_s(13):
مادام مو مقصر على بيته ولا عياله فهذا يعتبر رجل مثالي مع مرتبة الشرف :denya: لان بهالوقت مافي رياجيل سنعييين كله هياته وطق بالحرمه وعيالها ~~~


عيشي حياتج ومالج شغل فيه حبيبتي اهم شي بيته وعياله قايم فيهم

 

[أم توتو]

والله الرجال اتركيه على راحته لاتحنين عليه تبين الشي قولي له باسلوب حلو مع اني ماتوقع بيسوي اللي ابي لازم حنه وهواش لان طبعهم باردين عند طلباتج وحاريين ليسالتيهم الله يعينا عليهم بس

 

[pusy cat]

انا جذي تقريبا كل يوم يطلع من الصبح مايرد الا بالليل وساعات ينام بالشاليه

وانا اروح بيت اهلي وعادي عمري ما تهاوشت معاه وقلتله ليش تطلع لان كل الرجاجيل جذي

والحمدلله لما نرد البيت نكون مشتاقين لبعض ونشوف افلام عقب انام وهكذا

نصيحتي لا تكلمه عن طلعاته ولا تنغزه خلتخليه علا راحته وخلتلهي روحها بأي شي

الرجال كل ما شديتي شد معاج وكل ما لنتي لان معاج

 

[~*~الملكة~*~]

كل الرياييل جذي

اصلا الريال لي قعد بالبيت ماوراه الا الحنه خليه يطلع

واكيد بيطلع زوجته على يوم

 

[zaina alotibi]

آفظل ترك الزوج على راحته اكبر غلط انه الزوجه تتدخل بطلعات زوجها وتقعدله على الوحدة ووين رحت ومن وين جيت ومن اتصل عليك جذي تسير الحياة مملة بالنسبة له يفترض من الزوجة عدم التدخل إلا اذا صار الشي اوفر وصار معاه اهمال اهني يستوجب اعطاءه الملاحظات ........ ومحاولتها لجذبه لها واستبدال طلعاته بروحه او مع ربعه بطلعات عائلية معاها او مع اليهااال

 

[حلااي]

معروفين الرياجيل مايجون بالعناد يجون بالكلمة الطيبة اصلا اذا قالت له كلمة حلوة وبادب مايردها كلش يستحي
بعدين اهو قال لها باجر خلاص باجر باجر ليش تعاند واصلا حتى لو طاعها ونزل للافنيوز راح يكون منفس ومعصب وما له خلق وماراح تستانس بالطلعة جان من باجر تزهبتي من العصر وكشختي (له طبعا)وقلتي له له يالله صدقيني ما راح يردج وبتكون نفسه حلوة
وبعدين دام انه حبوب معاهم ومو مقصر خلاص بالهداوة وبالذكاء تخلينه خاتم بصبعج بس مشكلة الحريم تبي تفرض سيطرتها وكلامها على الرجال بطريقة تبين فيها للرجل انه هذا واجبك وغصبا عليك تسويه لاااااااااااااااااااااااااااااا
ويا حبيبتي اذا على الطلعات اتفقي معاه وقولي انا ماعندي مانع اذا بتطلع مع ربعك هذا حقك بس عطنا من وقتك شوي حددي لج يوم لج ويوم لعيالج بالاسبوع
ونصيحححححححححححححححححححححححححححححححة لا تضغطين على الرجال
ترى بعض الازواج حتى صرف ما يصرف وما يطالع فيها ولا بعيالها
الله يهدي سركم ان شاءالله

 

[الشيخة@]

والله ماعرفنا هل الرجاجيل
اذاماسالناقالومهمليناواذاسالنا قالوتتدخلون زياده عن اللزوم
شنسوي الله المستعان

 

[سارووه الاموره]

والله مادري شقول ريلها واتعرف له يعني اذا عصب تهديه وتكلمه بهدوء واذا ماعنده سالفه اتعصب ليما اييب اغراضها ..ّ​

 

[عيني عليه]

انا اول ماتزوجتتتت مااطلع مع زووجي الا نقضي للشقه ...ومع الهواااش والنجره خلى لي يوم الجمعه يطلعني فيييه... ورااضيه
لان اصلا اهو موراعي طلعااات ... حتى مع ربعه

 

[عاشقة_الجمال]

اكثرهم جذي هذا اذا موو كلهم

عصبيييييييييين والنفسيه بالخشم اللهم يا كافي لووووووووووووول

بالهداووووه كل شي يصيرررررررررر واركز على الكلمه الحلووووووووووه

 

[نفهمها صح]

الوحده تجرب كذا طريقه لين توصل حق الي تبيه
يعني لا شفته معصب تسكت مره مرتين ثلاث لين تشووف نتيجه تجاووب مع سكووته اوو العكس بس مو من اول تجربه تقلب تصبر
منفع تجرب اسلووب ثاني
وتهدي اذا هوو مو مقصر عليها
الله يهديهم حق بعض​

 

[raneen]

عادي عندي يطلع مع ربعه بس المهم اني اعرف وين يروح وحتى لو تاخر بس ماينام بره البيت كلش الا اذا راحو يمعه حق الشاليه فعادي عندي والله ما احرمه فديته والله مثل ما احب الوناسه حق نفسي احبه له ...ومع العلم اني لي طلعه وحده بالاسبوع ومو دايما ا طلعها بعد هههههههه....الله يخليه لي ولايحرمني منه ..
...لان مثل ما انا احب اغير جو اهو بعد وصج مرات اتضايق واكلمه ومرات ما اكلمه كلش طبعا ما اناجره لا اكلمه ...حبيبي ليش تاخرت مو تدري اني ناطرتك ...وجذي يعني ...خو مو تزوجني عشان احكره ... واسمحيلي اقولج انه اختج غلطانه لانه حنت عليه بس ادري انه مرات الوحده مو بيدها ...
وشافت لمن حنت عليه شنو صار مع انه اهو افبداية الموضوع يوم قالتله قالها خليها باجر يعني لو ساكته جان طلعت بدال الطلعه طلعتين ...اليوم الي اهي فيه ويو الافنيوز ولا كانت تقدر تطلع امبجر بعد معاه وتستانس ...بس الشيطان لمن يبي يخرب بين اثين سهل انه يبدش بينهم خاصة اذا كان في طرف ممكن انه تفكيره يخونه ...صح وله لا ...
انا من رايي لاتحن وايد او اوكي حني بس ابدلع مو بهواش ومثل ماتعطين الريال اهو بعد رح يعطيج...واتقبلي مروري لج

 

[FeShinGoOo]

واااااااااااااي احلى شي راحة الباااااااااااااااال وانج اتطنشيييييييييييييييييييييين
انا قبل دمي يغلي ويفور ويومي كله يخترب على هالسوالف الحين طنااااااااااااااش والله راااااااحه كيفه خليطلع خل يسوي الي يبيه مايهمني بس اهم شي ماخذه حقوقي كامله ومالي شغل بالباجي

 

[just ask me]

الله يصلح حاالهم

 

[ديانا سبنسر]

البنات ماقصرو الله يهديه لج ويسخره

 

[جوري 2007]

خل تحدد يوم واحد تطلع وياه فيه اسبوعيا وماتتنازل عن هاليوم وتسوي فيه اللي تبيه سوق سينما مطعم مشترى *