بنات شنو الملجه ساعدوني؟

[HapPineSs]

السلام عليكم ...
بنات محتاجة مساعدة خواتي اللي بالمنتدى وابيكم تفهموني جم شغله وتعلموني ... بسأل جم سؤال وفيدوني الله يخليكم ...

1- شنو يصير بخطبة الرياييل؟
2- شنو بعد هالخطوه ؟ الحريم ايون واييبون المهر معاهم وشسوون ؟ منو ايي بالظبط معاهم؟
3- يتفقون عن الملجه صح ؟ بس شنو الملجه ؟؟ شيصير فيها ؟ منو ايي ؟ وشنو البس ابي تحطولي صور توضيحيه من ناحية اللبس والمكياج والشعر ؟؟ والله ماعرف بهالسوالف ولا امي حدنا ضايعين

الله يوفق ويريح كل وحده ترد علي وتساعدني:yaaaaaarb: انا اختكم ومحتاجتكم حدي :eh_s(11):

 

[مجنونه هواهـ]

منو ايي بالظبط معاهم؟
بعض الاحيان يجون سلفتج وامه وخواته وخالته الكبيره
اما عن البس فهاذي صور لازم وقت الشوفه تكوني على طبيعتج مو ملبده حتى ما يتافجى وقت الزواج فيج

 

[مجنونه هواهـ]

مثل كذا بتكون رسمة العين ناعمه مو ملبده على بعض

كذا يكون البس انتي ضيفي بعض

الاشياء الساتره اذا تبين

 

[مجنونه هواهـ]

انشاللهـ اكون افدتج اختي والله هاذا الي اعرفه
تقبلي مروري

 

[HapPineSs]

مشكوووووووووووووووووووووووووووووره وماقصرتي بس الريال شافني وكل شي اوكي .. الحين ملجه
بناااااااااااااااات هم ساعدوني ووروني صور وجاوبوني عالاسئله اللي قلتها عفيه كل الاسئلة

 

[حناينq8]

1- شنو يصير بخطبة الرياييل؟

ولا شي حبيبتي مجرد ربط كلام من عقب خطبه الحريم

2- شنو بعد هالخطوه ؟

بعد هالخطوه الحريم اييبون المهر

الحريم ايون واييبون المهر معاهم وشسوون ؟ منو ايي بالظبط معاهم؟

ما يسوون شي حياتي اييبون المهر ويقعدون معاكم شوي
منو ايي معاهم عاد هالشي راجع لهم اييون ام وخوات المعرس ومرات حريم اخوانه وخالاته وعماته

3- يتفقون عن الملجه صح ؟ بس شنو الملجه ؟؟ شيصير فيها ؟ منو ايي ؟ وشنو البس ابي تحطولي صور توضيحيه من ناحية اللبس والمكياج والشعر ؟؟

الملجه اهي عقد الزواج

اييبون الملا اللي يقعد عليكم وتصيرون متزوجين خلاص

ومن ناحيه اللبس والميك اب الخاص بالملجه اذا بتسوين حفله تكون البدله نفنوف سهره ناعم وتسريحه وميك اب مناسب

 

[مشتــآقـه]

لاتتوترين حبيبتي ماكو الا الخير انشالله خطبة الرياجيل اول ويعطونكم يومين او ع حسب اهل العروسه لاوافقتوا تردون لهم خبر او اهم يدقون يسألون اهلج بعدها اذا وافقتوا مبدأيا يجون اهله يشوفونج وبهاليوم لازم تكونين نااعمه عشان يشوفونج ع طبيعتج وماتطولين بالقعده تحت من 5 لين 10 دقايق واهني اهله واهلج يقولون الشروط اذا فيه ويااخذون اوراق البنت عشان الفحص وبعد ماتسوون الفحص وتطلع نتيجته سليمه انشالله اهني يحددون يوم الملجه واعتقد هالسالفه مااتطول الناس بعد التحليل مايطلع ع طول يملجوون وبالملجه تكتبون كتابكم وتكونين زوجته ع سنة الله ورسوله وبعدين ع حسب العايله واهلج اذا رااح تطلعين مع رجلج لازم تكشخين بس هم مو الاوفر احنا عندنا الملجه مايشوفها بس يوم الشبكه والمهر تنزل العرووس بس مادري انتي شلون نظاام عايلتج >> جني قرقت وااجد ​

المهم هذي السالفه كلهاا وموفقه حبيبتي ​

 

[HapPineSs]

مشكوووووووووووووووووووووره حناين يعطيج العافيه ..

بناااااااااااااااات بعد ابي صور بليز

 

[HapPineSs]

الغلا .. فديتج قرقتج ريحتني لووووووووووول مشكووووره

 

[هــنــوف]

البنات يفيدونج لاني ماعرف لعاداتكم حبيبتي وعسى ربي يوفقج ويرزقج ويهنيج ياااااارب انا بملكتي كنت نايمه هههههههه ماحبيت اطلع من غير دعوه لج ياعمري

 

[HapPineSs]

تسلميييييييييييييين ماقصرتي الله يهنيج ويوفقج ويرزقج الذرية الصالحة .. انا حضريه بنات لووول

 

[مشتــآقـه]

​

هذول احلى صورتين لقيتهم نااعمات واحس يصلحون حق خطبه ومكيااج هيفااء عااجبني احسه احلى والراي راايج فديتج :*

 

[HapPineSs]

حلووووووووووو المكياج الوردي ناعم حيل مشكوووووووره
بنات ابي النفنوف شلون طريقته ؟؟ يعني مادري احس الريال فشله يدش يشوف مثلا شي طالع مني صدري او زندي راح استحي ؟؟ شنو البس بليز قولولي

 

[عروس مطيريه]

حبيبتي الله تمم علييج بخير ,,,,

 

[CUTIE-THUG]

لبسي فستان طويل سهرة يكون ناعم وانتي كيفج اذا تبين مستر او لا

 

[لين***]

شوفي حبيبتي بما انج حضريه اخذي الاموووور ريلاكس
انا اهلنا حضر وبدو خليط
وبنت حماي امها حضريه فشنو سوت البنت
عقب ما ملجت يعني اعقدو القران واخلصو سوت حفله علشان بيوم العرس ماراح يكون في حفله ببيت العروس
بس بالصاله
فبالحفله شنو البست الله يسلمج البست فستان كت ساااااااااااادة لونه فوشي وعقد الماس وميك اب ناااعم وتسريحه رفع هذي حفله ودي جي ترا وبوفيه
يعني مو زوارة وبس
ويه المعرس لبسها الدبله واشربو عصير واطلعو فوق يتعشووون <<<<< بالعافيه عليهم
هذا بيوم الحفله
واذا في سؤال حاضرين
بس انا عندي سؤال
معقوووووووله ما اتعرفين شنو ملجه
الافلام والمسلسلات اتفتح الياهل
وبس
الله يوفقج

 

[نيو سيدنى]

"سبحان الله وبحمده سبحان الله العظيم"

 

[اخت خالتهم]

حق الملجة حطي مثل هيفاء وهبي
شلون محدد على العين و شوي زيدي عن يوم شافج
خل يحس ان تزوج خلاص هههههههههههه
وريه شغل الحريم
و خلي نفنوفج حلو نااعم و معاه شال
حياويه انتي شفيج ههههههههه
وموفقه يا قلبي
انا مكياجي بحفلة الملجة كان
شدو بني فااتح مع كحل اسوود وما حطيت داخل عيني
مع حمره ورديه فاتحه اتينن من مااك

خلج طبيعية على في لون بويهج ​

 

[أحبج يمه]

الله يوفقج حبيبتي
والبنات كفوو ووفو