بنات شرايكم جهاز المشي وإلا أوربت تراك

[النوير2]

السلام عليكم

بنات شوروا علي شرايكم

اشتري جهاز مشي وإلا جهاز أوربت تراك

أي واحد أحسن


تشكر إللي ترد علي

 

[Om ToOoTa]

انا بخاطرى اشترى من فناتك جهاز اوربت تراك

بس اختى شرته ودايما تقولي اذاتبينه تعالى اخيه منى ببلاش تقول يتعب وبس جنه تشترينه وحطينه

على قولتها ريلها مخليه علاقه لغتره هههههههه

شرته من فناتك ب 39 شامل التوصيل

 

[*دنــيـQ8 ــا الوله*]

اوربت تراك اكيد............. ناويه اشتريه بس متى مادري !!!

 

[حلم الطفولة]

أكو أوربتراك نوعين . واحد ماله مقعد .. والثاني فيه مقعد يصير يشبه طريقة الدراجه ..
نا اللي كان عندي اللي مافيه مقعد .. يعني الرياضه كلها وآنا واقفه .. صراحه تعب ركبي قامت تطقطق .. مو شي لأنه يخلي أغلب تركيز الضغط على الركب وهذا لخطر.
آنا عاد عقب قلت بشتري مشايه عاديه , قالت لي مرت أخوي ان الطبيب قايل لها أكثر أسباب إصابات الركبه اللي قاعده تييله من المشايات
خصوصا اللي من هالشركات اللي أي شي .....
انتي اذا بتشترين اشتري مشايه من النوعيه الجيده وكفائه عاليه ولا تكثرين مشي عليها .. يومين بالاسبوع نص ساعه .. يعني ..
وسلامتج ... آنا للأمانه دخلت وكتبت لج تجربتي وكلام مرت أخوي ,, لأن هاللي نشوفهم بالتلفزيون أغلبه دعايات عالفاضي

 

[فديت منورة]

الله يعينكم انا اختي مجربه جهاز المشي و حلو

 

[ام عمار]

انا جربت الاتنين وانصحك بالاوربتراك

 

[Miss sensitive]

الوربت تراكت أكيد
شوفي يا حلوه .. الاوربت تراكت يتعب مثل ما قالوا البنات بس انتي لو تشوفين السي دي اللي معاه
يقولون لج 20 دقيقه 3 مرات بالاسبوع كافيه عشان تحافضين على وزنج

انا حاطته بالصاله واول الايام كنت استعمله 5 دقايق لين وصلت لي ساعه .. كنت اتابع مدبلج على وقته وانسى نفسي
شريته 2003 ولين اليوم عندي .. 80.00 دينار بدون كرسي
تعبي على الاصل عشان ما تييج اصابات بعضامج

كنت استعمله .. واسوي تمارين سندي كروفرد .. عاد شوفي الجسم بعدهااااا
والله كنت ملكان .. آآآآه يا أيام زمان

 

[النوير2]

تشكرون على الردود
وعذروني على التأخير لأني كل ما ادخل النت امس بالليل كله معلق معاي


ما قصرتوا تسلم ردودكم