بنات شرايكم بالقطو

[shurooq]

شلونكم

لوول اليوم مواضيعي اكثرت بالقسم هاهاهاا


شرايكم بهالقطو


مستوااه زينن ؟


بشتريه من مصر

طبعا هملايا ذكر بيكي فيس زورار

عيونه زرق

شعره كثيف وطويل

ريوله قصيره

عمره سنه ونص تقريبا

 

[عيون الورد]

حلووو بس وايد كبير حلات القطووه تكبر معاج وتعود عليج من صغرها

موفقه ىيارب

 

[sweet cake]

شوفي كمستوى مبين عليه راقي بس انا عن نفسي ما حبيت البيكي فيس مادري ليش بس مستواه حلووو ما شاء الله

 

[سكارف.فوشي]

وه وه وه ماشاء الله اخذيه وانتي مغمضه من صجج يهبل

 

[Artist Q8]

ما شاء الله وايد حلوو

اخذيه لا تطوفينه

 

[lojeeen]

ماشاء الله بيكون روعه للأنتاج سألي صاحبه إذا تزوج من قبل خل يوريج عياله على شان تعرفين إذا انتاجه كلا بيكي و لا مشكل ^^

 

[الكرزي]

ماشاءالله تبارك الرحمن روعة ونفس الذكر اللي عندي وايد حلو وانتاجة ان شاء الله بيكون احلى واحلى اللة يباركلج بس نصيحة حبيبتي اتاكدي انة بيبيعج القطوة نفسها الصراحة بقولج موقف صار لوحدة من رفيجاتي ..احم احم قاطة ويهي ههه......السالفة:.دقت علي رفيجتي قالتلي بطرشلج صور قطاوة من مصر بطلبهم من واحد وكلهم بيكيهات ووايد حلوين وبتييبهم عشان الانتاج فبتشتريهم كلهم على الف دينار تقريبا....عموما قلتلها اكيد من مصر وبيطرشلج القطاوة اصيلين وماراح ينصب علينا!!! قالتلي اكيد وبطرش الصور انا بطلت اميلي وشفت الصور وعييييينكم ماتشوف الا النور@@@@@ تخيلو شفت قطوة قطوة وكل قطوة احلى من الثانية وانواع اصيلة !إي اصيلة وانا متأكدة من هالشي ....ومن الصدمة دقيت على رفيجتي نفس الوقت وسألتها اكيد هذول الصور ولا ..؟قالتلي اي لييييييييييييش؟!! طبعا الصور حق قطاوة انا عارفة اصحابهم عدل ودايما اشوفهم بالمنتديات الخاصة بالحيوانات وكاااانت الصدمة الكبيرة ان النصاب حاط صورة قطاوتي (ديونز وانجليكا) للبيع؟!!!! تخيلواااا !! ومن عرفت رفيجتي كنسلت الموضوع وحمدت الله انا اكتشفنا الموضوع بسرعة قبل لاينصب علينا .
عموما حبيبتي انا قلتلج هالسالفة عشان محد ينصب عليج مو عشان اخوفج وبالنهاية الله اوفجج ويكتب اللي فيه الخير

 

[semony]

يجنن ماشاء الله

بس كبير يصلح لانتاج فقط

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

مــآشــآء الله اللهـمـ زد وبــآركـ .’,~

حبيبتي من منو الي بتشترينه من مصر .’,؟

و ابكــمـ لأنــه يستــآهل صرآحه .’,~ ..

بس انتبهي لا ينصب عليج .’,~

و حتى لو إنه كبير يدنن فديته .’,.. < يجذبونــهــآ القطــآوهـ الكبآر

و مـــــع السلامــــه ,,,

|~|

 

[shurooq]

هلا حبايبي مشكورين على كلامكم العسل

طبعا انا ابي كبار عشان انتج

اللي بشتري منها القطو ثقه اعرفها من زمان بس ماكانت تبيع الا كييتنز بس شنو مستويات رووعه ماشاءالله

وهمن الشي الزين انه اهلي اهناك فراح يباشرون المووضوع من صوبهم ويتابعوونه

ولذكر انتاجه حلو شفته وهمن النثية اللي معاه مستواها بيكي فيس هملايا وشفت انتاجها


بس انا صراحه ابي هملايا اورانح زرار او جوكليييييت


ان ماحصلت خذيت منها النثيىه


ومشكورين يالغالييه ونستوني اخوي يقولي مو شي مستواه وما يسوى سعره


:/

 

[ملاك زوجي]

مشاااء الله حلو

 

[قدساووويه كووول]

ماعندي فكره والله

 

[$$كويتية$$]

مادري ما احب هالنووعية

بس تأكدي من نظااافتة وصحتة

بالعاافية عليج اذا بتااخذينة

 

[shurooq]

مشكورين بنات ماقصرتوو

حاليا انا شريت القطوو خلاص واهو عند اهلي

بس الشحن ليلحيين ماشحنته قاع اشووف طريقة الاستلام بالمطار شلووون

مشكورين

 

[sweet cake]

عالبركه .. ويتربى بعزج.. ما تدرين يمكن نطلبج تخلينه يلقح قطاوتنا << احاتي بنيتي

 

[shurooq]

افا عليييج

وبييب بعد ذكر ثاني بس خنحصل اللي ابالي مايصير خاطرج الا طيب يالغاليه

 

[lojeeen]

يمكن اقدر افيدج انا بالشحن لأن اول مره اجرب الشحن و بعدي ما استلمت قطاوتي راح استلمهم الثلاثاء الجاي ان شاء الله ^^

اول شي انتي بالكويت لازم تروحين الثروه السمكيه بالري و تطلعين تصريح استيراد القطوه بينما اهلج بمصر يروحون لمكان مثل الثروه السمكيه بالكويت و يطلعون تصريح شحن القطوه و يسجلون اسم المستلم على اسمج و تكون القطوه ماخذه كل تطعيماتها
و يتصلون اهلج من مصر على المطار و ياخذون الأوكي و يرتبون الرحله حتى يرحلونها معاهم و لي وصلو الكويت تكونين انتي موجوده بقسم الشحن بالجمارك و معاج الورقه اللي سويتيها و تستلمين قطوتج ^^

طبعان قبل شحن القطوه المكتب اللي بتطير القطوه عليه راح يتصلون على رقمج و يسألونج ان كنتي موافقه على الشحن بعدها بتطير بالسلامه

 

[بــدويه]

روووعه الله يخليه لج ..

 

[داهية مطير]

يجمـالهـ بس كـبير <<<< ابي انتااجهـ تراني حاجزهـ وااحد من عيالهـ

 

[أم منيـرة]

حلوووووو .. بس كبير