بنات شرايكم بالدكتور باسل السميط؟؟؟

[*_*LoVe*_*]

باسل السميط تعرفونه؟ عيادته بالجابرية يم ماكدونالدز
شلونه بعمليات الشد والشفط؟ وتصغير المعدة وبجم؟
منو راحتله وعندها معلومات او سامعه عنه؟
بليز قولولنا كل اللي تعرفونه خل نستفيد

 

[ii DareeN ii]

الاربعا الي فات شفت وحده مسويلها شفط وشد في مبارك ويقولون زين وبيسوي حق اختها تدبيس وتحويل شهر اثنين بس اهم بيسونهم في مبارك يعني مراح اقدر اعرف اسعاره برا

 

[Kuwait]

ازفت دكتور استغفر الله
رفجيتي مسويه تحويل عنده كل شهر نزيف
وسوالها شد خلاها بغرفه العمليات وطلع توهق
مسكينه
واعرف وايد راحوله يقوولن شهاداته على شنو ماندري؟
انتي تبين لشنو ؟

 

[*_*LoVe*_*]

مشكورين بنات على الردود الحين ماعرفت زين ولا موزين!!
انا رفيجتي تبي تسوي تصغير معدة مادري شسمها العملية اللي تاكلين شوية وتشبعين وعقب بتسوي شفط وشد لانها بتضعف وايد هي حيل متينه

 

[عرووووس الكون]

ما اعرفه والله بس انتبهي هذي معده لاتحطينها بايد اي دكتور​

 

[ii DareeN ii]

خل تسويها عند خالد الشرف ولا الجار الله اضمن شي حق التحزيم

 

[xxx]

احسن دكتور بهالسوالف

موسى خورشيد والكل يشهد له​

 

[No LOVE]

شوفي حبيبتى ديري بالج ..... لاتسوين هالعمليات سوي رجيم وسوي رياضة واذا كلش كلش ... روحي حق محمد الجارللة وايد يمدحوووونه




والله يستر على رفيجتج .... ويحفضكم والله ضيقتي خلقي يلي تقولين رفيجتج صار لها نزيف لاحول ولا قوة اللا بالله

 

[ناني سيكرتس]

باسل سميط مو طبيب بواسير وجذي ..؟ ولا انا غلطانه.

 

[اتمنى اضعف]

ا لسلام عليكم ورحمة الله وبركاته

اختي العزيزه // السنه اللي فاتت رحت حق الدكتور باسل السميط وكان وزني 115 وطولي 176 وكنت ناويه اسوي عمليه تدبيس المعده ( سليف ) ولما حسب معدل السمنه اللي عندي رفض يسوي لي اي عمليه يقولي انتي مو متيبنه لانج طويله يعني مادخلتي ليحين بمرحله المرض اي السمنه المفرطه وبصراحه الدكتور عنده ضمير لانه قالي انا عادي اقدر اخذ فلوسج واحطه بجيبي واسويلج بس حرام انتي مو مريضه وقالي اذا تبين رجيم اوصي دكتور الفلان عليج خوش دكتور قلت له لا ماابي ومشكور صج تكدرت حييل لانه مارضى يسويلي العمليه
قلت يلله رجيم بعد شسوي ومر السنه وقمت اوزن نفسي وانصدمت صدمه حياتي صار وزني 133 قلت لا لا لا مستحيل ماكو الا اروح حق الدكتور باسل السميط وفعلا رحتله قبل تقريبا شهر واخذ وزني وانصدم الريال قالي انتي العام كنتي عندي وزنج مسجل بملفج اخر مره 115 والحين 133 يعني انتي الحين مريضه بمرحله السمنه المفرطه وقالي وشرحلي كل تفاصيل العمليات اللي عنده من اضراره ومنفعته وقالي فكري تبين رجيم ولا عمليه قلت له ابي العمليه وخلصت فحوصاتي وغيره وغيره ودخلت العمليه قبل اسبوع وانا الحين والحمدلله بخير والعمليه ناجحه والحمدلله وكان عندي موعد بعد العمليه باسبوع ورحت له وماشالله نازله بخلال اسبوع 8 كيلوات يعني حدي استانست والله الارض موشايلتني من الفرحه لانه كان من المستحيل اني انزل بهالوزن باسبوع
والله تبين نصيحتي ترا الدكتور شاطر مو علشان اني نزلت من الوزن لا والله علشان الدكتور عنده ضمير
وانشالله اتمنى حق كل اللي بيسوي هالعمليه الله يوقومه بسلامه ويصير رشيق

 

[baby johnson]

موسى خورشيد زيييييين
وخالد الشرررررف

 

[senyora_q8]

انا مسويه التحزيم عند د موسى خورشيد متكبر وشايف عمرة عاد قلت شحادني قاعدة ادور الحين دكتور غيرة علشان يحقن لي الابرة من بعد العملية

 

[دلوعة*ريلي]

الدكتور باسل يهبل سوى حق اخوي عميله تدبيس المعده بمستشفى مبارك وماشالله اخوي وااااااايد ضعف والفضل لله ثم للدكتور باسل انصحج فيه خوش دكتور وبعدين من عقب ماسوى حق اخوي العمليه واهو دايما يناديه عشان يفحص عليه واشوف صحته بصراحه يزاه الله الف خييييييييييييييييير :ggdw:

 

[عاشقة الكاكاو]

دكتور باسل السميط انا مسويه عنده تحزيم معده قبل سنتين

بصراحه هو دكتور شاطر وعنده ضمير والاهم انج ترتاحين له نفسيا والله من سويت العمليه وانا مرتاحه

وانا مو حريصه على مراجعاتي هو يوصي العيادة يتصلون فيني ويأكدون موعدي عنده

والله ما شفت مثل اهتمام هالدكتور بس حسافه ما ضعفت وايد مع عملية التحزيم لان فيني سمنه مفرطه

وان شاء الله بسوي تحويل مسار عند نفس الدكتور في مستشفى السلام يسويها ب 3000 دينار

واكبر دليل على نجااحه دشي عيادته وشوفي شهادات التقدير والشكر والأدرع اللي بكل العيادة

والله يوم عمليتي ما خلاني الا لما صحيت من البنج وعطاني رقمه تلفونه وقالي بس تحسين بشي اتصلي فيني

حتى لو انتي بالبيت امي كل يوم تدعي له ان ربي يووووفقه

وبالنسبه حق محمد الجارالله هالدكتور فااشل وااايد ناس اعرفهم توفوا تحت ايده بالعملية

عندج موسى خورشيد بس مارتحت له وايد

عندج خالد الشرف يمدحونه بس ماعرفه

عندج محمد الهيفي مسوي حق رفيجتي تقول زين

بس غيره السميط والهيفي والشرف لا تفكرين تروحين

بس خورشيد احسه مينوون يقول حق اختي انا اشغل اغاني وقت العمليه علشان اندمج

قلت طااح حظك

والله يا حلاة بااسل من دش وهو يقول بسم الله ويذكر ربه ويطمني

​

 

[roses_77]

الدكتور روووووووووووووعه وايده خفيفه وعنده ذمه وضمير والله مو دعايه
انا سويت تحزيم عنده واختي تحويل مسار وبنت خالي و4 بنات عمي سوالهم تحويل مسار ووحده منهم سوالها السليف
يعني العايله كلها ماره تحت ايده
والله احنا ماشفنا منه قصور وانا عطاني رقمه وقال ايشي يصير لكم دقولي اي وقت وشكثر يسالني عنهم اقوله دكتور انا
يايه بضيج دافعه فلوس كلمني بس انا هما كلمهم بفلوسهم يضحك علي خخخخخخخخخخخخخخخخخخخخخخ
انا قلتلج اللي عندي وانتي استخيـــــــــــــــــــــري بلاول وفكري
وروحي دكتور ثاني يمكن ترتاحين له
الاستاخااااااااااااااااااااااااااااره اهم شي

 

[طيـــف]

انا بحياتي كلها ماشفت دكتور باخلاق وامانه دكتور خالد شرف

اسم على مسمي

 

[sarona_86]

انا امس كنت عنده بعيادته والله ووايد ارتحت بالمقابله وايد
والحلو يقولج انا ماسويلج اياها الا لمن تكونين يأستي من الرجيم
وانا صراحه حدي يأست قالي منافعها واضرارها وشنو الاحسن حقي وكل شي
وان شاءلله شهر 7 عمليتي
ادعولي
وان شاءلله اقولكم شنو يصير معاي

 

[:: Diva ::]

انا سويتها عنده
و لو يرد فيني الوقت ما اسويها عند غيره





يهبل

 

[tooonaaa]

آنا مسويتها عنده من 6شهور دكتور وايد محترم وواثق بنفسه وكافي معاملته الراقية

 

[ام لجووونه]

بليز بنات ساعدوني الي عندها اي معلومه تفيدني لاتبخل علي وأجرها عند الله مايضيع انا ناويه اسوي عمليه التحزيم عند الدكتور باسل السميط. انا وزني 96 وطولي 166 يسويلي العمليه عادي اخاف مايرضى ؟! وجم تكلف العمليه اذا بمستشفى خاص او حكومه !؟وجم كيلو بالشهر اقدر انزل ؟! وسامحوني على اسألتي الي ماتخلص :tek: