بنات شرايكم اييب خدامه ثانيه ؟

[b6o6a]

سلاااام


شلونكم بنات






*


*


*






الموضوع اني عندي بنتين صغار وكل وحده يبييلها مجابل وغير التنظيف والملابس وحتى ماكو طبخ كله مطاعم :krkrkr:


والحين عقب مده شرفت وحده وناويه اسجلها وطالبه وحده بالطريج وللحين ما يت محتاره اخليها ولا اكتفي بوحده ؟ خصوصا بناتي صغار وانا بداوم بعد فتره يعني كلش وحده ماراح تلحق شرايكم شورو علي خصوصا الي عندها خدامتين ::0bee2e8d89:

 

[ريماا]

كل هذا يعتمد على حسب بيتج اشكبرة وبناتج اعمارهم؟
وميزانيتج
واذا يبتى ثانية خلاص خليها للطبخ بلا مطااعم
والله يكتب اللى فية الخير لج

 

[رشــوقــه]

لا والله ياختي نصييييييييييييييييحه لا تحطيين خداامتيين مداام بس بنتيين الله يخليهم لج ترا وحده تكفي انتي بشقه ولا بيت

بعديين ماكو احد غيرج وغير بنااتج وريلج يعني كاااافي وواايد ترا 2 رااح تلووع جبدج وبعدييين 2 كل وحده تقول حق الثانيه انتي اشتغلي ويفضوون وماكو شغل وانتي اللي بتااكلينها

لان انا اعرف وحده جذي عندها 2 ولما ردت البيت لقتهم متهاااوشيين وحااذفيين اليهااال

والله كل اللي اعرفهم عندهم 3 يهاال واكثر على خداامه وحده ولا تطبخ وتجاابل اليهاال وتلبسهم وتوكلهم

 

[b6o6a]

هلا ريماا انا شقه عند حمولتي بس الخدم ينامون تحت يعني ما راح يسوونلي ضيج

والميزانيه يمعوده عادي بس ودي ما اقسم الشغل يساعدون بعض احسن؟!

 

[b6o6a]

رشوقه بناتي صغار وحده توها والثانيه سنه و3شهور ماكو وقت حق شي غيرهم بس الصبح تنظف قبل لا يقعدون ولا طبخ ما طبخ انسييي واحاتي شلون بداوم

 

[james546613]

شوفي حبيبت اذا عندج صغار يبيلهم مقابل والشغاله الوحدة ماتلحق وانت موظفة تحمل ويبي ثانية مادام صغار وفي البيت واذا كبروا يمكن وحدة اقط فلوسي على راحت بالي

 

[b6o6a]

james والله هذا الي ابالي وقلت بستشيركم يعني لو بداوم ما تقدر عليهم اثنينهم والصبح شفتها مخليه بنتي بالصاله بروحها ورايحه تسويلها توسته عشان توكلها :0bee2e8d89:

 

[Pissy Missy]

والله حبيبتي انا بقولج عن تجربتي وانتي فكري وقرري

انا مثل حالتج واول ما حملت في بجري طلبت خدامه وعقب ما ولدت حملت مره ثانيه بسرعه وحسيت انه وحده ماتكفي تعرفين ياهل صغير يبيله مجابل فطلبت وحده ثانيه وصاروا 2 وحده حق كل ياهل والتنظيف يتعاونون بينهم وانا حاطه حق كل وحده جدول حق التنظيف والحمدالله ماشي الحال

يعني اذا عندج يهال 2 فوق بعض الله يخليهم تره يبيلهم مجابل وخصوصا اذا انتي تداومين

والله انا قلت اقط فلوس وارتاح واريح بالي مابي يصير الضغط على وحده واخر شي تطلع حرتها باليهال

 

[ريماا]

خلااص يبيلج ثنتين عشان ماتحاتين وانتى بالدوام اتغسل ولاتكوى ولاتجابل بناتج
وقسمى الشغل يعنى مثلا اول ماتطلعين للدوام الطباخة تجابل بناتج والثانية تنظف الشقة عدل وتحط الملابس بالغسالة الساعة 11 الطباخة تستلم المطبخ وهذيج مااااااااتتحرك تجابل بناتج لحد ماتوصلين من الدوام
والعصر خلى وحدة عندج بالشقة تكوى الملابس وتساعدج بالبيت والثانية تنزل بناتج واذا اخلصت الاولى خليهم ثنتينهم يجابلون بناتج
والطباخة تصعد وتسويلج عشا وعلميها على الحلو والفطاير عشان تنزلينةبيت حمولتج داام اهم ثنتين وخف عليهم الشغل خلااص كرفيهم
وبالتوفيق

 

[b6o6a]

ام يوسف صاجه اليهال يبيلهم مجابل ويمكن تنضغط

ريماا مشكوره عالنصايح عاد ولا مره مسويه حلو ومنزلته خخخ اغلب الوقت البيت خالي

شكلي لما توصل اجرب الوضع وطبعا اذا حسيت الوضع اوكي بسجلها وارتاح عشان اتفرغ قبل الدوام

 

[ثلاثينية]

انا كان عندي شغالتين
الاولي كانت عندي 9 سنوات وتسوي كل شي بس ماعندي عيال تجابلهم وقالت مدام انا تعبت ويبت فلبينيه تساعدها وبعد فتره سألت الهنديه قلت لها اشلونها بالشغل؟ قالت مدام انتي بس تطلعين من البيت هذي تقعد الله يعزكم بالحمام ....
وبالفعل سويت روحي طالعه وعلى طول هالفلبينية دشت الحمام ( كل هذا علشان ما تشتغل ) ودشيت على غفله واخذتها للمكتب
ولقيت انه الشقه كافي عليها وحده
ونصيحه مني لج عودي بناتج على المسؤوليه ولا تخلينهم يتكلون على الخدم

 

[روحي أمي]

السلام عليكم....
حبيبتي أذا تبين نصيحتي وحد ه كااافيه لعيالج ..توج على الثنتين اذا كبروا عيالج وصرتي انتي والخدامه مو ملحقين جيبي الثانبه!!!! أما الحين تقعد تجابلهم ليما تجين من الدوام..والغدا بعد شتسوين هذي ضريبة الدوام :0bee2e8d89:
ولا انج تجيبين خدامه ثانيه ويصير عندج مكتب خدم في الشقه!!!يقعدون يراقبونج:O_SHH_:

شسويتي؟؟ اشلبستي؟؟

افتكي منهم؟؟

 

[غلاي غير]

لا تغامرين بالثنتين

مدام عندج بس ثنتين صغار وفي بيت حمولتج اكلي عندهم ووحده كافي

 

[b6o6a]

بنات انتو مو فاهميني عندي بنتين صغاار يبيلهم مجابل مو يهال يتكلمون ويفهمون ووحده ما راح تلحق لانه انا وياها ويالله وبعدين بروحها شبتسوي

 

[زيزو]

اكيييد ثنتين يبيلهم مجابل اصلا اليهال الصغار يبيلهم خدامتين لا تجازفين ويبي خدامه ثانيه

 

[b6o6a]

مشكورين بنات خلاص هونت وصلت وصرفتها ويصير خير لي داومت يمكن ادخل الكبيره حضانه

 

[دلوووووولة]

انا الصراحة نفس حالتتج بالضبط انا عندي بنتين وحده 4 سنين ودخلتها الحضانة والثانية 11 شهر وكانت عندي خدامة وحده بس مسكينة قايمة بالشغل قوووم اهيا اللي تنظف وتغسل يعني حتى غسال السيارة تغسل وتطبخ بس ما اخليها تطبخ لان الغدا خالتي اللي تطبخ لنا والعشا كله من بره بس اليهاال يبيلهم مجااابل حق شغلهم حسيت عقب ماولدت زادت المسؤولية عليها وشقتي كبيرة وخصوصا اغراض الياهل يبيلهم مجاابل من ناحية النظافة مو شغل تنظيف وغسال بسرعة فاظطريت ان ايبلي خادمة ثانية على اساس اقسم الشغل بينهم والحمد الله حدي مرتااااحة..انا اقووولج بصراااحة ان صار زحمة بالبيت وانا مو متعودة هذا الشي اللي قاعدة احاول اسيطر عليه ..

 

[قطوة@@]

احسن لج ييبي ثنتين اريح لج

 

[حصووونه]

لي داومتي دخلي بنتج ام سنه بالحضانه اريح لج وبجذي تتفرغ للصغيره ولي رديتي من الدوام اخذي بنتج وردي للبيت
الخدامه جم معاشها فرضا جبتي سيلانيه مثلامعاشها 50 بس شنو راح تتعلم بنتج ولا شي بالعكس تكتسب عادات سيئه زيدي ال50 20 دينار ودخليها حضانه راح تصير اجتماعيه وتتعلم حروف العربيه والانقليزيه ويحفضونها قران ويطورون عقليتها ويلعبونها يطلعون طاقتها السلبيه كلها ماترد البيت الا طاخه وتبي ترتاح ولا راح تأذي الخدامه بتصير عاقله الله يحفظهم انصحج بحضانه البلازا حولي الطفل اللي بحفاضه 70 دينار جنه بس تهبل رفيجتي مدخله عيالها 2 تقول قبل اروح الدوام الخدامه ماتبدل حفاظه الولد الا قبل لا ارد البيت بشوي وانا اعرف عدد الحفاظات تجذب تقولها انا ابدلها كل شوي تخيلي ولدها طفح جلدي ومشاكل صحيه بالحضانه يبدلون للطفل كل ماوصخ تكرمين ونظافه وتربيه وقطي فلوسج براحتج بدال لاثنتين يقعدون عله على قلبج يراقبونج وخصوصا انج بيت حموله موبيت كبير ومستقل خاص فيج والاكل قزريها مع حمولتج او خليها تحضر الاساسيات ولي رديتي كملي عالخفيف وبس

 

[CrystalQ8]

انا ولدي 4 سنوات يطق اخوه سنتين والصغير حرج ومايعرف يقعد بس وراه الخدامه دخلته الكبير الحضانه والله ارتاحت مسكينه واذا غاب الكبير بس تحلطم منه فحرام دامج شقه دخليها حضانه تتعلم بدال مقابله الخدامه