بنات شتحطون عالتسريحة؟ وشلون ترتبون اغراضكم؟

[سعوديةكويتية]

السلام عليكم
صج يابنات
المتزوجات
شتحطون عالتسريحة.. سالفة عطورات اول العرس كانوا واجد ومالية التسريحه الحين على واحد واحد مالها منظر.. ومليت من المبخر ودهن العود مدري احس حركة العطورات قديمة؟
تحطون مفرش؟ ولا ورق ملون تحت القزازة
انا تسريحتي لونها زيتي معدني شحط عليها؟
وبعدين المكياج شلون ترتبونه؟
تحطونه نفسي بعلبة مكياج؟ ولا الاقلام مع بعض بتحفة جنها القلاص والحمر مع بعض والكحل مع بعض ووين تخشونها فشلها احطها عالتسريحة نفس قبل ايام عرسي؟ واشوف الصناديق والتحف عند خواتي واشتهيها على تسريحتي؟:klhfl:
وفوق الشوفنيره شتحطون
ادري اذيتكم بس ابي شكل جمالي لغرفتي

 

[احلى توتا]

حبيبتي انا مره قريت بالنت انو المفروض تكون التسريحه خاليه تماما ما عليها شي الا شمعدان او مفرش فقط
وفعلا سويت بتسريحتي نفس الشي شلت كلشي وحطيتهم بالدروج وحطيت4 شمعدانات فخمه وبأحجام مختلفه من سنتر بوينت وصار شكل التسريحه كأنها نظام فنادق
وسوري على الاطاله

 

[سعوديةكويتية]

فعلا صاجه.
مشكورة عالمرور حبوبة. حلو زين شلون على ترتيب المكياج؟والاكسسوار

 

[سعوديةكويتية]

شدعوه ال25 اللي دشوا ماعندكم تسريحات يعني ولا سر المهنة

 

[طاسه حنا]

انا عن نفسى حاطه شمعدان "2" وحاطه كوب من "ذاون"مكياج حاطته بالادراج فيه اعواد الاذون وعلبه نفس لون المفرش فيها الاكسسوارات اللى استخدمها دايم ,اما المكياج بالادراج وحطيت لى عطر "واحد" لى انا وبس

 

[الحلآآآ]

نفس ماقالوا الخوات ورد ولا شمع ولا حتى فازه كبيره

 

[ملكة النور]

حبيبتي في وحدة اسمها ام سارة تسوي استاندات حق التسريحة رووووووووووووووووووعة رفيجتي عروس مسوية عندها 3 استاندات ب65 ديناراذا ماني غلطانة - تقولين لها على لون غرفتج وتسويهم على لون يناسبها وتسويهم من زجاج وعلى اطرافهم شغل بسيط وراقي - بس الصراحة ترتب العطور والخلطات والعود والذي منه وانشالله باجر اجيب لج رقمها من رفيجتي

 

[ملح بدويه]

حطــــــــي عالتسريحه ابجوره صغيره حلوووووووه

 

[العاذرية]

انا كل شي عليها خلطات عطور مكياج كريمات لووووووووووووووووووووووووووووووووووووووووووووول

باجر بس اروح بيت العدل ان شاء الله اعدل وضعي خخخخخخخخخخخخخخخخخ واخذ من افكاركم الحلوه

شكرا لصاحبه الموضوع

 

[بناتي زينة حياتي]

انا عن نفسي مقسمة التسريحيه على جنب عطوري والجنب الاخر عطور زوجي وبالنص ستاند حاطه عليه انواع من دهن العود ومنثور حوله كرستالات ..واكيد حاطه عالتسريحه مفرش اطرافه كرستال
بالنسبة للمكياج والاكسسوار كل شيء بجنطه لحاله وحاطتهم بدرج اذا بغيتهم طلعتهم

والله يعينج

 

[أمانيQ8]

انا عندي تسريحتين وحد للمكياج واللوشنات والخرابيط والثانيه صغيره عليها كلونيات زوجي وكلونياتي

 

[yam_yam]

انا عن نفسي لاني مو متزوجه حاطه كل شي ههههههههههه
لان نوعي اذا ماشفت الشي في عيني ماتذكره

بس بقولج يمكن تستفيدين

انا لان لي غرفتين و بصراحه اذا ظروف شقتج تسمح انصحج تحطين كل شغلج بغرفه بروحها
عشان تظل الغرفه مالت النوم مرتبه
و انشالله حتى عقب ماتزوج بشقتي بحط لي غرفه بروحي حق الملابس لان هدومي و مكياجي واااااااااايد
و عشان غرفة النوم تصير مرتبه لان صدقيني محد يعفس غرفة النوم الا الملابس
و من سويت هالحركه غرفة نومي مرتبه حيل و ماتعفس
و حاطه شوفينيرة صغيره حاطه عليها المرشات ملوت الفراش و عطرين بس و لوشن من نفس الماركه و نفس اللوون
صاير شكلهم مرتب

و الحوسه الثانيه بالغرفه الثانيه
شوفي شنو سويت

خذيت طوفه كامله حطيت اولها تسريحه تقريبا ماعليها شي الا جم عطر
و حاطه الصوب الثاني على امتداد التسريحه رفوف ايكيا من نفس اللون لاخر الطوفه 3 فوق بعض
واحد فيهم تكمله نفس مستوى التسريحه و اثنين فوقهم
حاطه عليهم العطورات الشرقيه و الفرنسيه
و فوق اللوشنات و الاشياء ملوت الشعر
و حاطه كريمات الجسم كل شي مقسمته بروح

صاير شكله مرتب و جنه محل بس ذرابه حيل
و تحت حاطه كبت صغير رفين فيه اشياء الثانيه مثل اللفافات و السشوار و الدبابيس ملوت الشعر و هالسوالف
بس مو مبينين

يعني حوسه بس مرتبه هذذا اذا عندج غرفه بروحج

سوري هذرت عليج بس حبيت افيدج شوفي اللي يعجبج و سويه

 

[ياعشيري جعلك السلال]

بصراحه جربت ما احط شي طلع شكلها بايخ
احط العطور بس وباقي الاغراض كلها بالادراج وعندي نفس شوفنيره كبيره فيها الاكسسوارات والفوط والكريمات

والمكياج شاريه جنطة مكياج واريح نفسي حاطتها تحت التسريحه فيه نفس رف وبس

 

[زود الغلا]

بالنسبة لي انا مكياجي حاطته بجنطة مكياج انظف لتسريحة وللمكياج وبالنسبة لتسريحتي يمين عطوراتي ويسار عطور زوجي وبالنص حاطة صينة مذهبة معاها مبخرها ومرشها وغراش الخلطات الذربة وفازا يمين ويسار التسريحة بصراحة شكلهم وحييييل راقي وذرب .

 

[مروقه على الكوفي]

انامومتزوجه بس بقولك كيف تسريحتي
تسريحتي لهادولاب رفوف من الجوانب وحاطه فيه كريمات وزيوت ومناكير 000الخ بس التسريحه حاطه سله فيهاكريمات وعطور الي دايم استخدمها وحاطه علبه مقسمه فيهاارواج وعدسات وفرش ومعاهامرايه والاشياءالباقيه زي المكياج في شنطه لحالها
وممكن تخلي عطوراتك بس على التسريحه وكم تحفه وشغلةزينه تصيراحلى

 

[ملكة النور]

هااااااااااااااااااااي سوري على التأخير وهذا هو رقم ام سارة اللي تسوي استاندات مالت ترتيب اغراض التسريحة اللي كلمتكم عنها قبل وادعوا لي الرقم ( ام سارة97957451)

 

[عاشقة الكاكاو]

والله حبيبتي انا مو متزوجه

بس بقولج عن تسريحتي انا تسريحتي مسويتها تفصال خاص

لان احبها تكون كبيره

حاطه عليها كل شي وفيها درج واحد بالنص وبالاجناب خزاين فيها ارفف

حاطه سناتدات حق الاكسسوارات شاريتهم من ايكيا وعلب مقسمه حاطه فيهم اقلام الكحل

و كريمات الاساس وشاريه علب صغيره مرتبه فيها مكياجي واحطهم بالدرج

بس بما ان انتي متزوجه حطي المطياج والاكسسوارات بالادراج

وفوق حطي بس العطورات والبخور ومفارش

والله يوفقج حبيبتي

 

[سعوديةكويتية]

يعطيكم الف عافية استفدت من كل وحده مجموعة افكار وجزاكم الله خير جميعا
وملكة النور مشكورة عالرقم حبوبه
الله يسعدكم جميعا ويوفقكم ويديم نظافة وترتيب غرفكم

 

[النـجـلآ]

عن نفسي حاطه علبتين مفتوحين من فوق ماخذتهم من لايف ستايل عليهم ورود صناعيه عالاطراف حطيت وحده حق الميك اب والثانيه حق العطور .... وحاطه بعد شمعه كبيره ع الجنب اطرافها ريش وردي .. ونفس الأدراج الصغار جنهم لعبه حق الشغابات ..

والبااقي كله داااخل الادراج .......<<< زحمه

 

[اللياان]

رررروووعه اما تسريحتي حدث ولاحرج
بس يلا منكم نستفيييييييييد