بنات سكتو حدى مصدومه من مصر واسعار فنادقها

[chocolat]

اتروحين وتردين بالسلامه ان شاء الله اي والله كل مكان غالي لا والتذاكر اغلى و الفنادق اغلى انا سالت عن الفنادق في ماليزيا الغرفة اطلعت من 40-70 دينار في اليوم تخيلو

 

[أمانيQ8]

ماكووو شغل ليش بالله صايرين اغلى من اوربا مالت اقووول

انا حجزت فندق شيراتون بألمانيا قالي الغرفه بخمسين ... عيل مصر اغلى ليش بالله على شنو؟؟؟ خل يولون شوفي غيرهم شوفي لج بلد غيره ماكووو الا مصر

اول امووت فيها بس كرهتها من سوالف واااايده

 

[منيره خالد]

هههههههههههههههههههههههههههههههههههه
انسو مصر هههههههههه هذاك اول رخيصه انا توني جيه منها الا سعار خيال ما صارلي اسبوعين[
لا والشقق بتشوفون اسعار هم خياليه يعني لا تتوهقون صدقوني /b]

 

[ظلال القرآن]

واي غلا على الفاضي
والله صايره اغلى من اوربا ...وعلى شنو ؟؟

 

[شهد ستايل*]

الله يسهل عليكم ان شاء الله وتروحون وتردون بالسلامه .............
اه يا مصر
احبها ...واموت فيها ..واعشقها ...........ما ادرى ليش تهبل

صج شابه نار غاليه............فى كل شى مو بس الفنادق والتذاكر ...حتى المعيشه عندهم غاليه الحين ....يعنى اذا حاطه ميزانيه الف دينار حق عشر ايام حطى الحين الفين .................

الحمدلله عندى شقتى هناك .........
فى شارع الملك فيصل....ورا شارع الهرم>>>>>>حق اللى ما يدلون وين

بس يا ويلى اذا ما رحت ....ناطرين اجازة حجينا .....للحين ما عطوه رد ....واذا ما صارت اجازته خلاص باسافر انا ويا ولدى جم يوم و اضبط شقتى واحط اغراضى فى غرفه واسكرها ........واجرها هالصيف ..............

ادعولى يا بنات تضبط اجازة الحجى بتاعنا ..واسافر مصر ..>>>>>>>>.جنه قاطين سرها هناك يا جماعه

 

[اميرة الغيد]

عزيزتي فندق شبرد حلو وراقي انا رحت له شهر 12 بس اذا تبين شوفي كم مكتب سفريات وقارني اسعارهم لان اذا حجزتي هناك يصير السعر دبل انا مجربه .

 

[شهد ستايل*]

على فكرة اللى بيسافر مصر .......................
ويبى فندق
مالكش الا فندق النيل هيلتون
قمه
روعه
هدوء
مستوى راقى
كلهم اجانب وعرب زقرت......ورجال اعمال
واذا كان فى الدور ال 12 واوووووووووو
وناسه
دور رجال الاعمال ....................
ولا تنسون تقعدون فى الروف .............
القعده فيه تييب العافيه ...................انا كله اقعد مع ريلى فى المطعم (ملتقى رجال الاعمال)الدور 12
بس ضبطوا انفسكم مع المسؤوله هناك ..... مدام نيرفانا ......تهبل نفسيا وشكلا............وداخل مع مسيو محمد التلاوى....

بصراحه انا صج عندى شقتى هناك بس احجز جم يوم فى هالفندق واخلى الشقه وارجع.....اعيش جو ورومانسيه .....

متى تضبط اجازة الحجى ى ى ى ى ى

بالتوفيق حبايبى

 

[شهد ستايل*]

لا يا سالميه يا عمرى ......................يمكن ضبطت معاج مرة مع شبرد

انا جربته يوم وطلعت منه...... قبلها سكنت فى النيل هيلتون....وقلت هذا عادى بس جم ليله على ما استلم شقتى قبل 3سنوان........ورجعت قطيت فلوس هلى الهيلتون بس ارتاح ...لا غرف ولا اثاث ولا خدمه ز..ولا تكييف واااااااى لا عت جبدى منه بصراحه ومن يومها ما اغير عن النيل هيلتون ....

وللحين ما فى احد يمدحه...مافى لا رسبشن..ولا لوبى ..ولا مطاعم حلوة ...وكل اللى فيه مصريين منتفين ......

يعنى بصراحه الواحد يقط فلوسه فى الشمس ويقعد فى الفى.............اهى سفرة فى السنه الواحد يضبط نفسه على شى راقى احسن والا بلا دوخه

 

[اميرة الغيد]

عزيزتي شهد انتي يمكن رايحه من زمان ، انا ما اعرفه قبل ، بس لمارحت شهر 12 اللي فات كان حلو وراقي وفيه ريسبشن منظم ، وكم مطعم ، مطاعمهم زينه وقالوا لنا ان توهم مجددينه هالسنه انا ما ادري عن وضعه قبل بس والله يوم رحنا كان راقي وحلو الغرف كانت حلوه ونظيفه والسيرفس مضبوط والتكييف وشغلهم نظيف ومرتب

 

[شهد ستايل*]

حبيبتى سالميه ..
انتى ادرى انا خبرى فيه فى الصيف اللى طاف بس ما كانوا مجددين فيه ....يمكن فى شهر 12 عدلوه ....
بس بعد اذا بغيت اغير عن الهيلتون ...ما اروح..... فيه احسن منه ...
انتى خذتى لفه على الفنادق اللى حواليه ....

الله يهنيكم بسفراتكم كلكم ان شاء الله

 

[ام مضاوي]

فعلا مصر نااار وماتسوى اقط فلوسي عليها

فندق جراند حياة وااااااااو

لاوصخات ولابنات طالعين ونازلين
ولالوبي مال قزززز اوادم محترم

 

[رضاب 66]

مافى احد جرب فندق ستى ستار ؟؟؟

 

[فساتين فخمه]

يبالغون بالسعر عادي عيالك بنفس غرفتك

 

[مرايما]

السلام عليكم اذا تبون شقة مفروشة تاجير بمصر انا عندى شقة على النيل مدخل المعادى 3غرف وصالة وطعام و2حمام ومطبخ وبلكونة على النيل سيراميك ومكيفة وجميع الكماليات الكهربائية نظيفة جدا اليوم بعطلة نصف السنة 25 دينار والايام العادية على حسب الوقت والمدة وعدد الاشخاص للاستفسار رسالة على هذا الايميل فى رقم تيلفونكم علشان اتواصل معاكم [email protected]

 

[..مفاهيم الغرور..]

الله يعين

عاد مصر ابوي ما يمدحها كلش يقول مو شي

تروحون اوربا و الا شرق اسيا و الا تركيا احسن و ارقى و اونس و انظف

 

[^^فرح^^]

والله لو بلاش مااروح لمصر

 

[futooosh]

صارلي 4 سنوات ما رحت مصر حسيت انهم قاعدين يستغلون الخليجيين تعرفون شلون عرفت
شايفبن الاجانب شنو يعطونهم : الغرفه لهم بربع السعر اللي ناخذه + 3 وجبات لهم ريوق وغدا وعشا
ويحترمون الاجانب اكثر من العرب مع انهم ما يعطون بقشيش مثلنا
سألت مره الرسيبشن ليش لهم هذى المميزات قال بكل وقاحه للخليج سعر والدول الاجنبيه سعر
عشان جذي صارلي 4 سنوات مطيحه بتايلند ---- احسن وارخص وماكو تفرقه