بنات ساعرونى حييل متضايقه

[شهودددة]

مرحبا كويتياات شلونكم
بنات انا عندى مشكله يمكن تكون كبيرة او صغيره ما ادري

بس اللي ادري انها مضايقتني

فبليييييييييييز سااااااعدوووووووووووني

بنات انا ماعندى صديقات خاصين
يعني انا عندى صديقات اللي كانو معاي بالابتدائيه والمتوسطه والثانويه والجامعة
وللحين اكلمهم ويكلمونى ونتواصل مع بعض


بس ما عندي الصديقه الخاصه القريبه منى حييل

يعنى لما كنت بالجامعه اشوف البنت اللي تدق على رفيجتهاا عشان بالكفتريا تاكل معاي

او بنت تدق علي رفيجتها 3 او 4 مرات باليوم

اما انا عادى اذا دشيت الكفتريا ولقيت وحدة اعرفها اقعد معاها واذا ما لقيت اقعد بروحى او اذا كان زحمه اقعد مع وحده واتعرف عليها عادي

ومو شرط ادق ع رفيجتى وعادى هم ما يدقون الا اذا يبون شي بس في بينا تواصل بالوتس اب والبيبي
وحتى احيانا انا اطرش هم ما يطرشون

يعني رفيجتى تقول عن رفيجتها الثانيه انهم ما ينامون الا لما يكلمون بعض ويقولون لبعض تصبحون ع خير

انا محد يدق علي او يذكرنى

بس الموقف اللى حز بخاطري انى يوم تخرجت من الثانويه سويت عزيمه حق رفيجاتى تخيلواااااااااااا بنات محدددددددددددد جا نصهم دقوا اعتذرو والنص الثانى سحب علي :eh_s(16):



ولما تخرجوا رفيجاتى من الجامعه حطيت لهم توبك بفوني باسمائهم مبروك التخرج يا فلانه ويا فلانه
ويوم تخرجوا محد جطلي الا اثنين مع انهم باركولى
ادرى عادي بس مادر ى

بنات ما ودي اطول عليكم بس ودى بالصديقه الخاصه لي اللي ندق علي بعض يوميا اللي اقولها اسراري وتقولي سرها

وتسال علي واسال عليها واقولها اشياء ما اقولها لغيري


بنات عفيه انصحونى انا اللحين بتوظف وكثر ما اقدر بكون صدقات


ما ادرى المشكله فيني ولا وين \


يعنى انا اشوف اختى وبنات واجد عندهم قروب بالوتس اب حق رفيجاتهم الخاصين

اصلا انا ما عندي رفيجه وحدة خاصه عشان اسوي قرووب

مدري بنات ساااااعدونى


ومشكورين

 

[قراني طهر ذاتي]

فاهمتك تقريبا انا متلك
ممكن طيب نكون صديقات
ضيفيني بالبي بي
بس ترى انا سعوديه مش كويتيه
بس فيكي تعتبريني صديقه تفضفضي وتقولي اللي تبينه

 

[ღ Mzajiya ღ]

[b]الحال من بعضه .. رفيجاتي ايام الدراسه كل وحده لهت بحيااتها الخاصه .. والحين التواصل كله عن طريق النت .. انا الحين داشه النت ادور ربع خخخخ ,, اذا محتاجه صديقة حياج بالخاص ونتواصل باذن الله [/b]​

 

[شهودددة]

مشكورين حبايبي

 

[شهودددة]

جبايبي انتم اهنى بالمنتدى كلكم صديقااااااااتي و حبايبي

بس انا اقصد ان للحين ما عندى صديقه خااااااااااصه

مادري المشكله فيهم ولا فيني

اذا فيني عطونى حل

ابي مساعدة

 

[قراني طهر ذاتي]

ممكن اقدر اقترح لاني كسسبت قبل صديقه وكنت معاها عششرع طوويله
ولما بس ما اقابلها لانها تزوجت وراحت مدينة تانيه بعيده بس للحين اتواصل معاها
ونسلم وبس اشتاق لها ارسلها مسج وهي بس تشتاق ترسل لي تحكي لي واحكي لها
والطريقه كووني عفووويه وواضحه بدووون تصنع
خليكي طبيعيه فيه بنات للاسسف متصنعات وبزياده
العفويه احلى شيء بالحياه
وبحب الناس العفويين
وتغاضي كمان عن الزلات واخطاء صحباتك
لان ادا شفتي وحده فيها عيب سواء بتعرف هي او لا اصبري معاها وتقبليها متل ماهي
بالنهايه هي تعرف وتعتبرك كمان انك رغم عيوبك صادقتيها وضليتي معاها
وهي رح تفقدك وتبغاك تكوني معاها ووو الخ

 

[محلى حياتك]

لازم تكونين اجتماعيه تتعرفين على البنات وتقعدين معاهم تضحكين وتسولفين ومثل ما قالت أختي (قرآني طهر ذاتي ) كوني على طبيعتج

ولا تدققين بالكبيرة والصغيرة عشان ما تتعبين

 

[شهودددة]

شكرا بنات

 

[منيره آل ثاني]

يمكن الله سبحانه بعدهم عنج لان فيهم عيوب ممكن اتخربج
ماتدرين وين الخير
بعدين خلي صلتج بالله قريبه هو الي بثيله شكواج
وادعيه وايد ان يكون معاج في السراء والضراء
وجوفي وين مقصره في حق الله وسويه
لا تقعدين فارغة اليدين
لا تسمعين لوسوسة الشيطان ترا هو الي يبي الانسان يعيش بهم
عيشي حياتج مثل ما الله يحب الرحمن بيعيشج بسعاده وفرح وانشراح

في حفظ الرحمن ورعايته

 

[منيره آل ثاني]

نسيت أقولج
اقري القرآن الكريم كل يوم

 

[برنسيسة2007]

ي حبوبه انتي مو بمشكله دامج عند علاقات اجتماعيه خلاص هذي كافيه
بعدين اللي تقولج ان رفيجتها ماتنام الا ليما يقولون لبعض تصبحون علخير بعد ماتتزوج وخده فيهم يتغير الوضع ١٨٠ درجه
انا فاهمه عليج شنووو تقصدين بالضبط بس ترا في بنات يعانون من مشكلة الصديقه الخاااصه اللي ملازمتهم ٢٤ساعه هني بالمنتدي وفي غيره بتلقين مواضيع بنات يتشكون من رفيجاتهم تقول وحده احب رفيجتي واموت فيها بس اعي اذا غبت عنها يوم تزعل وتكبر السالفه كأني زوجها وبعضهم بعد ماتتزوج رفيجتها اللي من هالنوع وطبعا تنساها من التواصل اليومي يصيبها حالة احباط واكتئاب وعلى فكره اخصائيين علم التفس واطبائه اجمعوا ان عذا النوع من الصداقه يعتبر مرض

عموما اذا تبين رفيجة كلووووز مقربه منج تحبج واتحبينه وعلى قلبج وتبقى معاج طول العمر:
١-دوريلي بنت اخلاقها عاليه محترمه فيها دين وبنت ناس>>ديري بالج لان الموضوع راح يخسرج مال وجهد فديري بالج بالاختيار
٢-واصليها في المناسبات ولاتكونين لازقه حيل الى ان ترتاحلج وتعرفون بعض اكثر
٣- الرسول صلى الله عليه وسلم قال تهادوا تحابوا فاجئيها بهديه بكيكه في المناسبات عيد رمضان تخرج وضيفه هلاشياء حيييل تبقى بالقلب اخذي عنوانها ودزيلها وهي ماتدري
٤-كوني معاها السراء والضراء واحتسبي وجه الله في ذلك

امور تنفر الصديقات انهم يكونون صديقات معاج طول العمر:
انج تمزحين معاهم حتى لو على نياتج بشكلهم بدلياتهم يعني لا اتسوين زوم عليهم وعلى تصرفاتهم واشكالهم
شيء منفر انج تدخلين بخصوصياتهم وتسألينهم عنه
تحشين في الناس وخلق الله وتعيبين على لبسهم وشكلهم مع انج ماضريتيها بس ماترتاحلج

يعني صفي اخلاقج مع الدين وراح تشوفين كيف الناس تشتري خوتج


اشياء تقرب الناس منج:
الادب في الحديث
قلة الحديث
عدم التدخل في خصوصيات الناس وخزهم
الاخلاص
الوفاء
حسن المعامله
طيبة القلب

 

[برنسيسة2007]

والتقاضي عن زلات الاخرين والتسامح معهم



اسال الله العظيم رب العرش العظيم ان يرزقج صديقة خلق ودين تكون لك الاخت في الله وتبقى عشرتكم على مر الازمان يااارب

 

[يارب محتاجك انا]

نصيحه بما انج على وجه توظف ان شاء الله لا تكونين علاقات فهالاماكن اكثرهم ما تعرفين من وين طالعين و شنو معدنهم الاا من رحم الله
شعور جدا جميل انج تكونين رسميه بعلاقاتج ولا تحاتين اللي تبي رفجتج بتجي لي عندج و مع الايام بتعرفين معدنهاا الاصيله بتبقى معاج اصيله واللي عادي خلج عادي و الردي لا تحاتين رايح يبين

لا تشيلين هم هالشي بس

 

[شهودددة]

مشكوووورة حياتى ع كلام الطيب

 

[شهودددة]

والتقاضي عن زلات الاخرين والتسامح معهم



اسال الله العظيم رب العرش العظيم ان يرزقج صديقة خلق ودين تكون لك الاخت في الله وتبقى عشرتكم على مر الازمان يااارب

حياااااتى تسلمين ع الكلاام الطيب

جددددددددد ريحتنى :eh_s(7)::eh_s(7):

 

[شهودددة]

نصيحه بما انج على وجه توظف ان شاء الله لا تكونين علاقات فهالاماكن اكثرهم ما تعرفين من وين طالعين و شنو معدنهم الاا من رحم الله
شعور جدا جميل انج تكونين رسميه بعلاقاتج ولا تحاتين اللي تبي رفجتج بتجي لي عندج و مع الايام بتعرفين معدنهاا الاصيله بتبقى معاج اصيله واللي عادي خلج عادي و الردي لا تحاتين رايح يبين

لا تشيلين هم هالشي بس

معاج حق
وكلامج عيين العقل

 

[dalo0oa121]

عاادي مب مهم صديقات
انا مرتاحة منهم وبدون اصدقاء وعادي

 

[صاحبة الكلمة]

حبوبه ماكو شي اسهل من انج تكونين صداقات بهالدنيا
هههههههههههههههاي انتي يبيلچ درس من دروسي