بنات ساعدووووووووني

[Kuwait_Girl]

السلام عليكم ..


بنات انا امس انسمح عندي فايل فيه كل شهاداتي من لمه كنت صغيره وصور اخواني الشباب لمه كانو يهال والحين اهم رياييل اسمالله عليهم يعني فيهم صور اخواني من 20 سنه و10 سنين وفايلات مهمه .. فا عطيته اخوي و وداه عند واحد يعرفه وطلعله كل شي باللابتوب حتى الاشياء اللي ماسحتهم واللي قبل الفورمات :/ صج ان مافي شي بس السؤال اللي ابيه :

1/ هل في برنامج او اي شي يمسح كل شي يعني حتى بعد الفورمات بهالبرامج مايقدر يطلع اي شي مسحته وكان باللابتوب ؟؟

2/ اذا انا كان عندي فلاش ميموري وكنت فاصله يعني مو شابكه بالنت وطالعت كل شي بالفلاش عقب شلته هل لو اعطيه حق اخوي ويوديه حق اللي يعرفه يطلع اللي فتحته بالفلاش ؟؟ مع العلم ان حطيت الفلاش شفته وشلت الفلاش يعني مانزلت شي عاللابتوب ..


3/ انا امس سويت فورمات .. قبل لا اسوي فورمات لمه كنت ادش عالصفحة الرئيسيه مالت المنتدى كان عدد المواضيع والمشاركات بالارقام مكتوبه بالانجليزي .. والحين عقب ماسويت فورمات صار بالعربي :/ . فهموني هالشي من الفورمات ولا شنو لأن ابيه بالانجليزي نفس قبل



وجزاكم الله خير وابي مساعدتكم

 

[[ . . Jee Jee . . ]]

وعليكم السلام...

انا ماعندي فكرة والله بس ماتتصورين شكثر محتاجة هالبرنامج... سأليلي اخوج يسأل رفيجة البرنامج منزله من النت ولا شاريه؟

اذا منزله من النت فري اسعفيني فيه بليز.


ونطري ردود البنات ما يقصرون

 

[CANDLES]

1/ هل في برنامج او اي شي يمسح كل شي يعني حتى بعد الفورمات بهالبرامج مايقدر يطلع اي شي مسحته وكان باللابتوب ؟؟

ماعندي فكره كامله عن هالموضوع .. بس الي اعرفه صعبه لازم يطلعون بعض الاشياء الي كانت بالجهاز من صور وملفات وغيرها حتى بعد الفورمات في بعض الاشياء اتكون موجوده ويقدرون يطلعونها بعد

2/ اذا انا كان عندي فلاش ميموري وكنت فاصله يعني مو شابكه بالنت وطالعت كل شي بالفلاش عقب شلته هل لو اعطيه حق اخوي ويوديه حق اللي يعرفه يطلع اللي فتحته بالفلاش ؟؟ مع العلم ان حطيت الفلاش شفته وشلت الفلاش يعني مانزلت شي عاللابتوب ..

ماعتقد لا بس راح يشوف الي امخزن بالفلاش نفسه

3/ انا امس سويت فورمات .. قبل لا اسوي فورمات لمه كنت ادش عالصفحة الرئيسيه مالت المنتدى كان عدد المواضيع والمشاركات بالارقام مكتوبه بالانجليزي .. والحين عقب ماسويت فورمات صار بالعربي :/ . فهموني هالشي من الفورمات ولا شنو لأن ابيه بالانجليزي نفس قبل

اي لان الاكسبلورر صار بالعربي اهوا امنزلج ياه بالعربي مو انجليزي الي سوالج الفورمات وثبت هالبرنامج ثبته بالانجليزي

 

[Kuwait_Girl]

يعطيك العافيه بنات ماقصرتوا ..

جي جي .. البرنامج اللي يطلع كل شي بعد ما تمسحين شغله او بعد الفورمات موجود وعند رفيج اخوي طلعلي كل شي فيه بعد الفرومات او بعد ماتمسحين شي .. بس محتاجه اعرف اذا في برنامج يمسح كل شي حتى لو بعد الفورمات :/ بخلي اخوي يسألي رفيجه اللي طلعلي كل شي انسمح جود يعرف اذا في برنامج يسمح كل شي عحتى لو بعد الفورمات ..

احلى حلاوه ماقصرتي حبيبتي .. بس حبيت اوضح شغله وتجاوبين لو تعرفين .. الحين لو كنت فاصله ومو شابكه بالنت وحطيت cd ولا فلاش ميموري وطالعت اللي فيه وعقب ماخلصت شلت ال cd والفلاش ميموري .. هل يقدر يطلعون بالجهاز اللي شفته بالفلاش والcd مع العلم ان ولا شي منهم موجود بالجهاز ؟؟

واحلى حلاوه الاكسبلور جنه عندي كله انجليزي :/ شلون مسويه عربي .. انا تعودت الارقام ملوت المشاركات والمواضيع انجليزي الحين صايرين عربي .. شالحل ؟؟

وقواكم الله خواتي

 

[CANDLES]

الي اعرفه لا دام السي دي عندج او الميموري شلتيه خلاص مايشوفون شي بالجهاز جان في طريقه ثانيه مادري بس الي اعرفه لا
وبالنسبه للارقام والاكسبلورر حولي لغة الكمبيوتر من الانجليزي للعربي

اول شي روحي Start بعدها control panal وبعدها اختاري خيارات اقليميه واللغه وبعدين حطي اللغه السعوديه وبنفس المكان فوق روحي عند كلمة لانقويج واختاري عربي وموافق

 

[Kuwait_Girl]

احلى حلاوه الارقام عندي بالعربي وانا ابيه انجليزي :s

 

[هموم انسان]

يعطيك العافيه بنات ماقصرتوا ..

جي جي .. البرنامج اللي يطلع كل شي بعد ما تمسحين شغله او بعد الفورمات موجود وعند رفيج اخوي طلعلي كل شي فيه بعد الفرومات او بعد ماتمسحين شي .. بس محتاجه اعرف اذا في برنامج يمسح كل شي حتى لو بعد الفورمات :/ بخلي اخوي يسألي رفيجه اللي طلعلي كل شي انسمح جود يعرف اذا في برنامج يسمح كل شي عحتى لو بعد الفورمات ..

احلى حلاوه ماقصرتي حبيبتي .. بس حبيت اوضح شغله وتجاوبين لو تعرفين .. الحين لو كنت فاصله ومو شابكه بالنت وحطيت cd ولا فلاش ميموري وطالعت اللي فيه وعقب ماخلصت شلت ال cd والفلاش ميموري .. هل يقدر يطلعون بالجهاز اللي شفته بالفلاش والcd مع العلم ان ولا شي منهم موجود بالجهاز ؟؟

واحلى حلاوه الاكسبلور جنه عندي كله انجليزي :/ شلون مسويه عربي .. انا تعودت الارقام ملوت المشاركات والمواضيع انجليزي الحين صايرين عربي .. شالحل ؟؟

وقواكم الله خواتي

بعد اذن حبيبتي احلى مشرفة
لا مايقدرون يطالعون اي شي كان بالفلاش او السي دي الا اذا نسختيهم
وبالنسبة للارقام جربي الى قالت لج المشرفة وراح تضبط معاج ان شاء الله ​

 

[Kuwait_Girl]

يعطيج العافيه هموم انسان ماقصرتي اخيتي ..

احلى حلاوه حسبالها انا انجليزي وابيه عربي .. وانا ابي العكس اهم طالعين لي بالعربي وانا ابيهم انجليزي

 

[CANDLES]

اوكي حبوبه نفس الطريقه حوليه انجليزي نفس المكان بالضبط بس انا ذاكره عربي انتي بداله انجليزي

اول شي روحي Start بعدها control panal وبعدها اختاري خيارات اقليميه واللغه وبعدين حطي انجليزي وبنفس المكان فوق روحي عند كلمة لانقويج واختاري انجليزي وموافق

 

[هموم انسان]

يعطيج العافيه هموم انسان ماقصرتي اخيتي ..

احلى حلاوه حسبالها انا انجليزي وابيه عربي .. وانا ابي العكس اهم طالعين لي بالعربي وانا ابيهم انجليزي

عادي ياقلبي تصير معاج في الاوفس مرات يعني تجين تكتبين تلفينة يكتب عربي ومرات بالنت تشوفين الارقام بالعربي
بس سهلة طريقتها اول شي افتحي Start وبعدها مثل ماقالت مشرفتنا الكتكوتة ضقطي عالـ control panal وبعدها روحي حق Regional and Language Options وخلي بالانجليزي راح تطلع معاج الارقام بالانجليزي​

 

[Kuwait_Girl]

ايواااااااااااااا صارررررررررر :d

يعطيكم العافيه هموم انسان واحلى حلاوه يننتكم ادري .. وعسى الله يوفقكم وين مارحتوا ويفتحها بويهكم ويستر عليكم وتكونون من اهل الجنه قولوا آمين

 

[CANDLES]

اجمعين حبوبه على هالدعوه الحلوه