بنات ساعدووني....

[.:غربة مشاعر:.]

السلام عليكم ... شلونكم بنات انشالله بخير ..
انا سلمكم الله مستجده بالآداب على اساس أحول تربيه رياض اطفال .. ولازم اقعد سنه بالآداب عشان احول تربيه على ماأخلص المواد اللازمه وشكلي بطول لان في مواد اواجه صعوبه فيها .. قبل شوي جيكت ع التخصصات الي بكلية التربيه الاساسيه ((التطبيقي)) ولقيت رياض اطفال وانا الي اعرفه ان الي يقدمون ع التربيه الاساسيه ينقبلون بالتخصص الي يبونه على طووول .. فياليت بنات تفيدوني وبعرف اذا اقدر احول للتطبيقي وشلون الطريقه وعشان اسجل بالتطبيقي اسحب اوراقي من الجامعه ولا لأ وصح ان الي تسجل بالاساسيه تتخصص على طول ... الله يوفقها ويرزقها الي بترد علي وتحاول تفيدني ...

 

[.:غربة مشاعر:.]

up
up

 

[.:غربة مشاعر:.]

شدعوه ......

 

[توأم روحه]

حبيبتي انا ريا اطفال في التربيه الاساسيه

لا منو قال انه على طول يقبلونج التخصص اللي تبينه

انا توني اغير تخصص واحول رياض اطفال بعد ماقعدت سنه على تخصصي السابق

احسن لج تمي بالاداب وحولي لي التربيه الجامعه اكثر ضمانا

وموفقه

 

[.:غربة مشاعر:.]

مشكوووووره ع الافاده ياقلبي

 

[bdora]

اذا نسبتج فوق 80 تظمنين التخصص اللي تينه اما من77 الى 75 هم يقطونج على كيفهم

 

[.:غربة مشاعر:.]

up
up
up

 

[غرور وايل]

حبيبتي
انا اللي اعرف الاساسيه ع يقبلوونج ع التخصص اللي تبينه
بس كاني سمعت انه تخصص رياض الاطفال اللي بالاساسية راح يصكرونه ع الكورس الجاي ., بس انا مو متاكده من السالفه
بس انتي استخيري و صلي صلاة استخاره ما في احسن من استخارة الخالق

ومووووووووووووووووفقه يارب

 

[LuLu-121]

حبيبتي انتي مثلي حالتي ابي احول من تربية الجامعة للتربية الاساسية عشان ابي تخصص علوم الاسرة والمستهلك وقالولي اذا انتي ياية من الجامعة للتربية الاساسية يقطونه بالتخصص اللي تبينه مهما كان التخصص بس بشرط ان يكون مفتوح عرفتي !! بس انتي روحي سالي الادارة عندهم او التوجيه هناك وتاكدي بنفسج عشان لاتضيعين

ومووفقه حبيبتي ;*

 

[G A L A W I]

ياقلبي

ترا هالقرار موسهل استخيري عشان ماتندمين
ترا الجامعه حلللللللللللوه

 

[أم حمد =)]

شلج بالهعبالة .. خليج مكانج وشدي حيلج وحولي من اداب لي تربية ..

 

[ليتني مـآ كبرت]

حبيبتي تبني نصيحتي حولي من الآداب إلى التربية أحسنلج من التربية الأساسية أحنا بالجامعة عندنا التخصص مفتوح ويقبلونج فيه بشربة ماي لأن آنا سامعة أن هالتخصص مغلق بالأساسية ........... و موفقة إن شاء الله.

 

[.:غربة مشاعر:.]

حبيباااتي مشكورين على جهودكم معاي بصراحه انا استخرت وقررت اني اتم بالاداب واحول تربيه ودعواتكم

 

[الغدق]

بالتوفيـــق ياقلبي
اهو حتى لو تميتي بالاداب ما راح اتروح عليج المواد
لانج حتى اذا كنتي رياض اطفال راح تاخذينها
بس أنتي شدي حيلج وجيبي معدل وخلصي 30 وحدة و
المعدل حاولي مايكون اقل من 2.80 وعلى طول
من اتحولين تربية تخصصين رياض انا رفيجتي كانت اداب وحولت تربية
رياض اطفال

 

[كلن له الله]

خليج بالجامعة احسن