بنات ساعدووني شنو يوم التحوااال ؟

[lolo_cat]

هاي بنات شلونكم حبايبي...

انا سمعت بيوم التحوال وبصراحه ماني عارفه شسالفته؟؟

ابي توضيح بليززز..

الي عرفته اني لما اودي ملابسي واغراضي شقتي مووو ؟؟

بس شلون طريقته؟؟ شنو البس؟؟ افصخ حجابي ولا لأ ؟؟

نبلغ اهل المعرس قبلها ولا شلون ؟؟

عفيه بنات ابي مسااعده ؟؟؟

 

[lolo_cat]

اول شي الـــــــــــــــف مبروك
التحواله حبيبتي عقـــــــــب العرس باسبوع استقبال تكشخين وتلبسين وتعملين حساب شعر وميك اب
ويكون ابيت اهل المعرس وهم بيعزمون اهلهم في ناس يبالغون نفس قبيلتي نظام ديجي او صفافات
وفي ناس استقبال من غير رقص
واتمني اكون فدتج

مشكووره حياتي على التوضيح
يعني التحوال مثل الاستقبال بعد العرس او بعد شهر العسل امممم
عاد امي قالتلي يوم التحوال يوم الي تودي العروس اغراضها لشقتها
لازم اروح اصلح معلومات الوالده :33_1185028183:

 

[بواسم]

الف مبروك انا الي اعرفه هو اليوم الي تروح فيه بيت زوجج وتودين اغراضج يعني تتحولين من بيت ابوج الله يحفظه الي بيت ريلج

 

[&&.. فزاعه ..&&]

الي اعرفه ان التحوال يكون ثاني يوم بيت اهل المعرس

والي عقب اسبوع اهل العروس يسونه مو اهل المعرس

 

[نيوفه]

رد : بنات ساعدووني شنو يوم التحوااال ؟

والله انا ماعرفه =)

 

[lolo_cat]

حيرتوني ازيااده

عفيه بنات الي عندها فكره تقولنااااا

 

[اشواق2010]

رد : بنات ساعدووني شنو يوم التحوااال ؟

التحوال موو اهوو ثاني يوووم؟؟

 

[مشتطـه]

التحوال عندنا يصير بعد العرس بيوم


قبل كان صاله وطقطقة وجذي

بس الحين قامو يسوونه بالبيت والعروس تسوي بدلة عرس كشخه وفخمه وتحط بالصالون وتكشخ وايد



يعني اللي عليج
تحسبين حساب بدلة عرس فخمـة ... والصالون مكياج وشعر

 

[حكايه حزن]

رد : بنات ساعدووني شنو يوم التحوااال ؟

حبيبتي الاستقبال غير التحوال


التحوال اهوا



يصير ورا العرس بليله


في ناس يسونه بصاله وناس يسونه بلبيت اهل المعرس اهما الي يحجزون او اذا يبونه ابيتهم


وبس العروس تدخل الصاله ريلها لا وكله حريم وعروس تلبس نفنوف سهره عادي بس معاها مسكتها يعني عادي مالت اول يوم شتري نفنوف نفس لون مسكتج وتسريحه يا يكون شعرج زوي ناعم كيفج بس مو حلو تسوين تسريحه مرتفع


فهمتي حبيبتي


اتمني انج فهمتي

 

[مدام زيزو]

رد : بنات ساعدووني شنو يوم التحوااال ؟

شنو التحوال؟
واذا سؤالج عن اغراضج
مادري اذا لج مدخل بروح ماله داعي تقولين
واذا مدخلج معاهم خل امج تدق وتقولهم

 

[♥√طمـوحي غيـر√♥]

حبيبتي يوم التحوال

يعني بعد العرس باسبوع يعني مثلا عرسج يوم الاثنين يوم التحواله هو يوم الاثنين اللي بعده ويسوونه اهل العروس

 

[يازمان العجايب]

التحوال بعد العرس باسبوع يسوونه اهل المعرس

 

[كـــــآترينـــآ]

..

حرآم علييكم حولتو البنت لوووول
شششوفي يووومآآآ آلتحوآآل يآ يكون ثآني يوم آو بعد آسسبوع
مآعليج آنتي آلاإ تزهبين لج بدله كششخه وفخمه وآذآ بتحجزين صآآآلوونه تييج آو تروحين لهآآ وبسس
وآلبآآجي على آهل المعررررس :>

وآلله يووفقج ..}

..

 

[شيري]

التحوال عند الرشايده والعوازم وقبل كان المعرس ينزف في بيت اهل العروس ويقعد لمده اسبوع عندهم ولما يبي ياخذ العروس ويردبيتهم ويحولونها وتودي اغراضها معاها يسوون لها أهل المعرس في بيتهم عشا وصف ويعزمون الناس بس الحين ماصار في تحوال والعروس صارت زفوف ويودون اهلها اغراضها قبلها بيومين يعني تروح بيت اهل المعرس سيده وثاني يوم يسون لها حفله بسيطه مثل صبح ثاني يوم او تروح الفندق اول ليله وثاني يوم تدش علي اهله واهم مسوين لها عشا ورقص وتكون العروس رايحه الصالون ولابسه بدله عرس كشخه والوانها حلوه وزاهيه...:33_1185028183:​

 

[ساره الكويتيه]

رد : بنات ساعدووني شنو يوم التحوااال ؟

اول مره اسمع فيه :|

الله يوفقج

 

[رفيعة الشآآن]

مسطلح اول مرة يمر علي

اسالي احد من اهلج امج او اختج

 

[" أضـــــوى "]

التحوال عند الرشايده والعوازم وقبل كان المعرس ينزف في بيت اهل العروس ويقعد لمده اسبوع عندهم ولما يبي ياخذ العروس ويردبيتهم ويحولونها وتودي اغراضها معاها يسوون لها أهل المعرس في بيتهم عشا وصف ويعزمون الناس بس الحين ماصار في تحوال والعروس صارت زفوف ويودون اهلها اغراضها قبلها بيومين يعني تروح بيت اهل المعرس سيده وثاني يوم يسون لها حفله بسيطه مثل صبح ثاني يوم او تروح الفندق اول ليله وثاني يوم تدش علي اهله واهم مسوين لها عشا ورقص وتكون العروس رايحه الصالون ولابسه بدله عرس كشخه والوانها حلوه وزاهيه...:33_1185028183:​

حبيبتي انتي كلامــــــــــــــج الصح 100%
هالعادة قديمة حيل عند بعض القبايل اعتقد الرشايدة والعوازم
ونفس ماقلتي اول ماتتزوج تقعد اهي والمعرس ابيت اهلها وعقب اسبوع يروحون لبيت المعرس فيسوون حفلة لها
هالمعلومة قريتها بــ كتاب عن الكويت وعاداتهم القديمة

طبعا في ناس للحين متمسكين بهالعاده مع التغيير شوي
فصار ثاني يوم يسوون اهل المعرس حفلة

اما احنا فما عندنا هالشي بتاتا
اللي احنا ملتزمين فيه ان الام تسوي لبنتها استقبال عقب الــ هني مون او عقب الزواج بفتره قصيره وبس فقط لاغير​

 

[حب وحزن]

ثاني العرس

تروحين وتلبسين بدله تصميم من احلى المصممين ومكياج عروس وشعرج يكون مبطل

يعني جنه عرسين مو واحد ههههههه