بنات ساعدوني

[سحر الشرق2008]

بنات اني محتارة عطتني الدكتورة علاج للألتهابات وقالت لي بعد شهرين اشوفك واني احين بحيرة يعني كيف هل استمر مع العلاج لمدة شهرين عطتني مضاد حبوب وتحاميل البوثيل ودش مهبلي مكتوب على الحبوب يوميا ستة ايام فقط والتحاميل يوم ويومين لا وهم ست تحاميل ودش مهبلي مره واحدة يوميا ساعدوني
الله يقضي حوائجكم وحوائجنا ويرزقنا بالحمل السليم المعافى

 

[ام الشوامس]

جان سألتي الصيدلي لان كاتب لج الوصفه بناءاً على كلام الدكتوره
و لا تستمرين على العلاج اكثر من المده المحدده

و يمكن هي قالت لج بعد شهرين عشان زحمة المواعيد عندها مو قصدها تستمرين عليه شهرين

 

[ابدا يالغالي مانساك]

غريبه علاج الالتهباااات اصلا مايتعدي
بالكثير 5 ايام وشلون تستمرين 2 شهرين
انا صحيح صار معي الالتهبات واخذت تحاميل مدة اربع ايام يمكن ناسيه بالكثير
ومضادات بعد 5 اياااام
وقالت لاخلصتي المده خلاص
ولاتجيني
انتي شنو الالتهاااااب بالبول وانتي بكرامه يعني

 

[الريشة]

انتي اذا خلصتي الدواء روحي لها بنفس الموعد اللي قالته
يمكن لأنه مفعول الدواء ما يبين بالجسم إلا بعد شهرين

 

[jaaanooo]

حبوبتي .. اول شئ ما تشوفين شر ...

بالنسبة للعلاج عادي الي عطتج ايام المضاد اصلن ما يصرف لأكثر من 5 ايام يعني استحاله تكون معطينج اكثر من هالجرعه والتحاميل والحبوب يكمل يكمول معاج اسبوعين على حسب ... شوفي حبوبتي الالتهابات هذا تختلف من وحده للثانية يعني بمره انا اخذت تحميله وحده بس ومره اكثر اكثر من علاج مع بعض على حسب نوعه وشدته .. وما قالتلج بعد شهرين الا لما تكونين رايح الالتهاب منج كلش ان شاء الله

ما تشوفين شر

 

[وَرْدَة الْقُلُوْب]

اهي ما قالتلج لمتى تستخدمينهم
راجعيها
وافتهمي منها تستمرين عليها وتجددين العلاج
ولا مرة وحدة وبس
وربي يشافيج ويعافيج
ويرزقج ويرزقنا
يااااارب

 

[حلو القصيد]

ماتشوفين شررر
اتصلي عليها والا روحي لها تاكدي لاتلعبين بنفسك