بنات ساعدوني

[استغفرالله اكبر]

اهلين صبايا كيفكم

فديتكم والله وحده وحده وفديت المنتدى بصراحه منتدى قمه واحساس حلو لمن ادخل المنتدى كل عضوة فيه قمة بذوق والاحترام وكافي احساسي اني بين خواتي والله


بنات انا اول مره اقول او اكتب الي داخلي لاحد واتمنى تقولون رايكم بصراحه احس قلبي مكسور
خواتي انا عمري 29 دخلت الجامعه ومااكملت والحين انا عند امي وبين اهلي ومو ناقصني اي حاجه اخواني وامي وخواتي مو مخلين علي قاصر ابد معيشين بحنان ممكن اي انسانه تتمناه وانا شخصين مو ناقصني اي حاجه ولله الحمد وشكر عددماكان وعدد مايكون وعدد الحركات والسكون نعمه ولله الحمد جمال ودلع وقلبي طيب انخطبت 3 مرات بس مالله كتب بس الوقت الحالي قاعده افكر كثير البنات الي من عائلتي وحولي اكبر واصغر من عمري وبعمري تزوجو وانا تعبت افكر انو انا نكره ماستاهل اعيش مع انا امي كثير واقفه وياها بالبيت وبكل حاجه بس لمن اشوف عمري ينكسر قلبي واقول بداخلي انا ولاشي ومن نظرة البنات لي اني ماتزوجة مرات اقول الزواج مو مهم اذا ماحصل جايز الله كاتب لي الخيره ومرات اقول انا ولاشي وانا ناقصه بنات ساعدوني الله يخليكم انا ناقصه انا نكره اذا ماتزوجة مثل غيري من البنات الله يخليكم ابي اعرف انا مهمه ولا الزواج خلاني نقص بعيون الناس​

 

[حـوريـه]

رد : بنات ساعدوني

الحمدالله على كل حال

حبيبتي انتي احسن من مليون بنت غيرج !

شفتي اللي تقولين كبرج واصغر منج متزوجين وعندهم عيال ؟

يمكن وحده فيهم متعذبه متألمه كارهه الدنيا بسبت هالزواج

و حبيبتي توج صغيره ليش تكدرين بالج وخاطرج ؟

ومثل ماقلتي جمال ودلال .. الحمدالله توه المشوار ماخلص ؟

والله يرزقج انشالله

وقعدتج عند امج والله احسن ماتقعدين عند رجال يذلج ويكرهج بدنيتج !

وانشالله نشوفج عروس .. مو مهم انج تكونين عروس .. اهم شي يكون الرجال .. زين وطيب ويسعدج

النصيب بـ يجي لج .. وكل تأخيره فيها خيره

واذا دعيتي لنفسج بالزاوج .. لاتدعين بس بالزواج !

ادعي بالزوج [ الصالح ] .. الي يخاف الله فيج

والله يزرقج الزوج الصالح والذريه الصالحه يارب العالمين

:yaaaaaarb:

 

[Model Look]

رد: رد : بنات ساعدوني

الله يرزقج بالزوج الصالح

حبيبتي كثري دعاء بالثلث الاخير من الليل

ودايما قولي (( ربي اني لما انزلت الي من خير فقير ))

واحسني الظن بالله

وان شالله ربي يرزقج زوج صالح

 

[بنــت المـطــر]

رد : رد: رد : بنات ساعدوني

لأ لأ لأ شنو نكره تكفين منو يبي العرس هم وكدر وتعب إنتي وحظج ،، ،،
يبااا لاحقه علي الزواااج فيه بنات أكبر منج مايبون العرس لوووووعه إذا لج نصييييب راح تتزوجين محد يقدر يرده بس لاتستعجلين عاااااااااادي
" الله يرزقج بالرجل الصالح إلي يسعد قلبج ويحافظ عليج " بالتوفيق .. ..

 

[bride collection]

رد: رد : رد: رد : بنات ساعدوني

الله يرزقج بالزوج الصالح يارب

 

[Do I Care]

رد : رد: رد : رد: رد : بنات ساعدوني

ادعييييي احنا بأيام ما اتطوف

 

[*سحآبة*]

رد : رد: رد : رد: رد : بنات ساعدوني

انا حاسه فيج .. تذكريني برفيجتي

عادي ياختي النصيب يصيب

بس انا اقول ادعي الليلة .. وقولي ان الله يرزقج الزوج الصالح .. والذرية الصالحه


موفقة

 

[عوبة السهول]

رد : رد: رد : رد: رد : بنات ساعدوني

نصيبج يجيج الله يوفقج

 

[كويتية 222]

رد : بنات ساعدوني

قريت هالآية و ارتحت!!!!!!

" و في السماء رزقكم و ما توعدون (22) فورب السماء و الأرض إنه لحق مثل ما أنكم تنطقون "الذاريات

الزواج و الوظيفة و الأموال و الذرية كلها رزق من الله
و رب العالمين أقسم أنه رزقي في السماء مثلما أني أنطق


قولي الحمدلله
و ادعي ( رب إني لما أنززلت إلي من خير فقير )

و نشوف لج موضوع بقسم تجهيز العروس قريب

 

[استغفرالله اكبر]

الله مايحرمني منكم ومن طلتكم وكلامك الي يسر القلب جد كل وحده فيكم وكل وحده ردت علي تنحط على الجرح ويبرى
الله يسعدكن وين ماتكونو ويجعل كل ايامكن هناء وسعاده ومايحرمكم من احلامكن يابنات​

 

[lulwa-q8]

الله يرزقج بالزوج الصالحـ =)

 

[ملكتني بالحب]

صباح الخير:33_1185028183:

لا حبيبتي لا تقولين عن نفسج نكره :flower:

والزواج قسمه ونصيب

واذا الزواج معتمد على شي معين مصيب الصراحه

لو الزواج على الجمال كان شفتي نص البنات طايحين بكبود اهلهم
ولو الزواج على الشهاده كان الشطار تزوجوا والباقي اقعدوا

مختصر مفيد الشي الوحيد الي صج لازم ما تفكرين فيه هو الزواج
لانه شي لا يمكن يجي او ينحل مع التفكير راح تعورين راسج على الفاضي

مثل ما قلت الزواج قسمه ونصيب

وبعدين اغلبية البنات اللحين ما يتزوجون الا بعمرج
واغلبية بناتنا ما تزوجوا الي بعمرج الصراحه عاشوا حياتهم بكل جواانبها:

والله يرزقج بهالشهر الفضيل :yaaaaaarb​

 

[غنج اهلها]

ربي يرزقج بالزوج الصالح عاجل غير اجل

وكل شئ لابن آدم في هالدنيا ربج اعلم فية واعلم بمصلحة عبادة

يمكن هالتاخير هو الاصلح لج عند رب العالمين