بنات ساعدوني والله متضايقه وتعبانه حييل

[R'3wa-P!nKya]

قوه بنات شخباركم ؟؟

ببدي بالموضوع على طوول وابي مساعدتكم والي تبي اتقط علي حجي لا تقراا موضوعي مو غصب
بروحه الي فيني مكفيني وانتو خواتي ومالي غيركم ...

بنات انا حبيت واحد قبل 3 سنين ونيتي معاه كانت زواج وانا وضحتله هالنيه من البدايه المهم اهوا قالي اتخرج وايي اخطبج بنااات قاام يعطيني موعد وانطر اشهر واعد الايام ولما يقرب الموعد يصير ظرف يتكنسل كل شي ومره انخطبت تخيلو رفضت بسببه اهوا لاني احبه ولا تقولون ميته عالزواج

بنات انا ظروفي حييييييل صعبه وحالتي حاله مع اهلي المهم انخطبت بعدها مره ثانيه ورديته ...

الحين في مشكله اهوا واعدني بعد شهر الخطبه اوكي ؟ لانه بيتخرج قريب ويوم قررب الموعد خذا حرمان بماده )))) يعني ليمتى وانا بس انطر ؟؟ وارفض الي يتقدمولي وانا بأمس الحاجه للزواج لاني مو مرتاحه مع اهلي وانا عايشه بين اسره مفككه وايد ...

وزاد الموضوع وهقه توه امي قالتلي في ناس بيون لج يوم فلاني خطبه

بناات انا ودي اتزوج بس خااااااااااااااااااااااااااااايفه هذاك راعي مشااكل معذبني بالمشاكل اخاف اوافق ويدري ويسويلي سالفه واخاف ارفض ويكون منطرني عالطل مع العلم امه دقت على امه بالتلفون اخطبتني ليين يتخرج ... وامي قالت هذول طولو من فبراير ليلحين ماكو شي وبنات انا حددددددددددددددي مليييييييييييييييييييييييييييييييييييييت من النطرااا ...

انا خايفه اوافق على الي خاطبني وتبدي المشاكل مع هذاك وبنفس الوقت الفرص ماتتكرر كل ساع
والاخ يبيني انطره ليين يتخرج وخذاا حرمان يعني معقوله هم ينطرني لييين السنه اليايه الكورس الاول !!!!


بلييز ساعدوووني بليييز ابي حل ؟؟؟؟

واسفه ع الطواله

 

[R'3wa-P!nKya]

اي احد يرد

 

[ملامح سما]

لا يبا شكو تنطرين

خيريه قولي يـّّّـّّـّاََ تيي تخطبني والا خلاص

انتي قولي خطبه بًٍسًٍ وكل شي

بْعـْْـْْدْ التخرج

واذا ؏ِـلٰى خوفج منه او انه يسبب له مشاكل

غلطانه حبيبتي لًا تخافين

خليج واثقه واذا يحبج صج راح يجي يخطبج

//



ٱللَـھٓ يسعدج

 

[R'3wa-P!nKya]

امه خاطبتني بالتلفون بسس اهوا مطولها يووم قرب الموعد ومابقى شي خذا حرمان يعني ماراح يتخرج الحين بينطرني دهر ثاني اهوا شكله ضامني وهم اخاف اتزوج ومانساه ومايصير اظلم الريال معاي
صج ضايعه

ثاانكس حبيبتي على ردج والله يسعد الكل انشالله

 

[ملامح سما]

مدام امه خاطبتج خلاص

واللي فهمته ان المشكله انج تبين تتزوجين

وماتبين تاجيل اكثر

/

هذا تفاهم بينكم ي قلبي

ولازم يكون بينكم نقاش بهالشي

بًٍسًٍ ديري بالج توضحين له انج زهقانه مًٍـًٍـًٍنْ بيت اهلج

عشان لو صار نصيب بعدين مايقول هذي ماتبي

بيت اهلها .. انتبهي

 

[el.mlkaa]

عالأقل خل ييمملج عليييييجج وبلمن يتخرج سوو عرسس !!!!

 

[لمى الهاجري]

طيب اوكي كلها مادة ما تاثر املجوا انتوا اول الشي والزواج خلوا بعد سنة مو شرط زواج على طول

 

[قمر بيت أبوها]

شوفي حبيبتي اذا جد يبيك خليه يخطبك ويملك علي الأقل تعرفين صادق ولا بس كلام
ومن جهه استخيري يمكن ربي بيرزقك برجال احسن منه لا تستبعدين هالشي
ومسالت يسوي لك مشاكل اذا درا خير ياطير ماانتي لعبه تحت يده
لا حبيبتي اهم شي مصلحتك ودام ظروفك الاسريه مو مرتاحه فيها فكري بنفسك وهالشخص خله علي جنب ترا مو نافعك لا فات الفوت
والله يرزقك الرجال الصالح حبيبتي

 

[كزنوفا]

خير تحترينه السنه الجايه

اذا كان هو صادق اقل شي يجي يملك عليك ويكمل دراسته عادي

بيان عليه لعوب

اقول شوفي مصلحتك وتزوجي
ولايقدر يفتح فمه ولايسوي لك مشاكل لانه انتي منتي بلعبه ولايقدر يمشيك علي كيفه انتي لاتمشين وراه

مصلحتك فوق كل شي

 

[نعوووووومه]

اهو مطول السالفه حيييل ليش جذي
خل يخطب مو يخليج جذي؟؟؟؟؟؟؟

 

[Patcholli]

اذا صج يبيج خل امه تخطبج رسمي وتحدد موعد الملجه عقب التخرج عالاقل يصير في شي رسمي بينكم خوفج تنطرين كل هذا وتالي ماتشوفين رقعة ويهه وانتي مظيعه نصيبج والفرص من ايدج لاتصيرين مغفله حبيبتي خلج ذكيه وفاهمه ..
وانا مادري ليش حاسه انه جذاب ويلعب بس انتي التمسي حسن النيه وقوليله خل امك تتفق مع امي وعقب التخرج الزواج اهني راح يبين اذا صاج او جذاب او يطلعلج اعذار مالها معنى

 

[المرتاحة]

شوفي أختي انتي بنت وهو ريال ، دايما حطي نفسج انتي اولا ومصلحتج انتي الأولي الريال اهو اللي يجاهد علشان ياخذ البنت اللي يبيها مؤ العكس
الحين اذا طلع الريال اللي متقدم لج راعي أخلاق ودين وصج عاجبج واهلج راضين فيه وافقي عليه و ما عليج من احد ولا تهزج تهديدات هذاك اذا صج قام يهدد ، عندج تلفون المباحث دقي عليهم واهم يعلمونه شغل الله هذا اذا فرضنا انه راعي مشاكل


لكن الحين اللي عليج تسوينه انج تقولينها له بكل صراحه انج مليتي من النطره واذا صج تبيني اقنعني بخطوه جادة انك جاد في الموضوع ، قولي له أني قاعده انخطب وارفضهم علشانك ومن حقي أشوف خطوة جاده منك تعال و تقدم انت وأبوك وأهلك واخطبني من أبوي رسمي ونملج ( بس بيني وبينج لو انا منج ما اسوي هالخطوة خصوصا انه ما يشتغل بس اذا انتي صج تبينه تقدرين تنطرينه)

انا أؤمن بمثل الأولين اللي يقول "الحاضر أحسن من الدين"

و عسى الله يوفقج

 

[brettey]

احسه جذاب ولا تضيعيين الفرص الزينه

 

[al-musk]

حطي فبالج ان الحياة بتكملينها مع منو وقرري ؟؟!! وانا شايفه تنطرين جم شهر عادي مافيها شي شنو المشكله نطرتي كل هالمده مدام تحبون بعض وفوقها امج مكلمه أمه ..يعني نقدر نقول شبه خطبه

 

[روانتي 12]

حبيبتي قولي له خلنا نملك . . لان في ناس متقدمين لي و اهلي يقولون انگ طولت . . خلنا پس نملك و سنةة الجايةة نتزوج ماعندي مانع . . وانا لف و دار و قام يتعذر بأعذار بايخةة أعرفي انه جذاااااااااااب .

 

[ريـ’ـآنـهـ‘]

قوليله انه في واحد خاطبني وماكو مجال ارفض تبيني تعال اخطبني عندك مهله اسبوع


وانتي استخيري احسن لج والله ييسر لج امورج ان شاءالله قومي الليل وادعي ربج


واذا اهوا راعي مشاكل ترى ينخاف منه


انتي مع اهلج مومرتاحه وبتروحين حق واحد راعي مشاكل الله يعينج

 

[R'3wa-P!nKya]

والله كلامكم برد على قلبي وراح اخذ بنصايحكم بقوله اذا تبي الحين تحرك ولا خلاص راح اوافق على هذاك اذا زين لان حرام هذي ثاني فرصه اردها عشانه مابي اتحسف والله يكتب الي فيه الخير ادعووولي انا صج بحاجه لدعائكم

ماقصرتوو بنات

 

[R'3wa-P!nKya]

وبصرااحه في شي مضايقني اهوا عاارف كل تقصير اهلي وقالي ان خذيتج بعاملج مثل معامله اهلج ماني مغير شي وهذا الشي الي ماابيه

اهوا المفروض مايعرف شي عني بس لاني وحيده ماعندي خوات اهوا الي جدامي ف اقوول كللل شييي مع الاسف الشديييد

 

[R'3wa-P!nKya]

وابوي قالي ماكو زواج بواحد ليلحين مو متخرج يعني راح انطره ليين يتخرج وانا نطرته واااااايد وااااااااااااايد وااااايد ولاحظت انه في صفه البرود

 

[مُخملْ]

حبيبتي :
لاتوقفين حياتج بسببه ، إذا هو شاريج ويبيج بيي لي عندج ويخطبج
لكن أمه تكلم أمج ومن 5 شهور وفوق هذا كله بيطول لين يتخرج شي مب مقبول !
ماعنده إمكانية لأنه مب متخرج على عيني وراسي ، لكن عالأقل خطبة رسمية يحجزج
فيها ولا اتمين معلّقة لاتعرفين توافقين على غيره ولاتتريينه!

أنا مابغي أشتتجْ أكثر بس نصيحة : أنا مقدرة ظروفج وحالتج بين أهلج بس الشي اللي يبدي
بغلط لازم ينتهي بغلط ، وهو روحه قالجْ بعاملج نفس معاملة أهلج ، لييش كل هذا ! لو يحبج جان صانجْ وغيّر حياتجْ الي عشتيها بين أهلج!!

أنا أقولج " ومن يتق الله يجعل له مخرجاً ويرزقه من حيث لايحتسب" ،
اتركيه وربّج راح يعوّضج خير دامج تركتيه لله "من ترك شيئاً لله عوضه الله خيراً منه "
صدقيني ربج مايضيّعج ودام أمرج بيده لاتخافين من شي ، استخيري وربّي يجدم كل
اللي فيه خير لج وبترتاحين باذن الله .



ربي يوفقج ويعينج ويريحج ويعوضج باللي يريحج ويصونج ويسعدجْ