بنات ساعدوني مو قادرة انام من عوار ضروسي

[تالا_الحلوة]

مرحبا بنات شلونكم كل عام وانتم بخير



انا حامل بالشهر السادس وضروسي تعورني ما اقدر انام منها الا لما اتمضمض بماي وملح ارتاح شوي وبعدين ترجع تعورنمرة ثانية مع اني اخذ كالسيوم بس مااقدر اخذ اي دوا لأني حامل والدكتور قالي ما اقدر اعطيج دوا


في حد مر بتجربتي ساعدوني شسوي

 

[عبير الكويت%%]

اي يابنات انا بعد اعاني من نفس المشكله بعد ضرسي يعورني ثلاث مرات مضاد حيوي واخاف يضر الجنين ساعدوني

 

[om keshaa]

سلامات ماتشوفون شر انا لمن كنت حامل وهم عورني عضي عليه مسمار مال الاكل
ثاني حل اذا في شي روحي طبيب اسنان بس اللحين في مخدر حق حوال مال اسنان سالو بالعيادات موجود

 

[برنسيسة الشمال]

ليش حبوبه العوار لاتنطرين عليه فيه ادويه خاصه للحوامل
وفي بنج للحوامل ومضاد الهيموكس خاص للحوامل
عسى الله يخفف عنج العوار ان شاء الله

 

[أميرة طفولتي]

رد : بنات ساعدوني مو قادرة انام من عوار ضروسي

بنات انا في وحده سولفتلي بس للاسف مااااااني ذاكره منو كانت نفسكم شب عليها ضرسها عوااااااار مو طبيعي راحت الطبيب
عطاها جل تحطه على اسنانها والحمدلله ارتاحت وماقام يعورها وماعالجته الا عقب الولاده كان مسوس
سالوا عن الجل انشالله تحصلونه

 

[دمثة]

اخذذي مسمار الاكل حب وحطي عليه يتخدر

 

[عبير الكويت%%]

مشكوره بنات على الردود بس انا جربت المسمار وزيت المسمار من الصيدليه احسه زاده على ذبحني الحين تغرغرت بمره والحمدالله صار زين اتوقع من العطور والبخور لانه امس بخرت وعطرت بزياده

 

[miss-winter]

الله يعينج لازم تروحين الطبيب انا اعرف وايد سوو اسنانهم واهما حوامل سوس اظاهر ماشربتي حليب وايد اول حمالج الله يعينج يارب

 

[تالا_الحلوة]

شكرا بنات على الردود والله تعبت ضروسي وايد تعورني المشكلة مو بس ضرس واحد تعبت مو قادره انام

 

[تكانه ومصرقعه]

حبيبتي ان تعذبت من اسنانني بحمالي ورحت لعيادة خاصة سوتلي الدكتورة تنظيف للاسنان وعطتني جل وغسول خاص للحوامل مع بندول الازرق... والحمدالله حيييييل خف العوار وبعدين راح ..

 

[مي الحلوة]

رد : بنات ساعدوني مو قادرة انام من عوار ضروسي

عادي حبيبتى روحي عيادة خاصة ويعالجون اسنانج ويعطونج بنج مخفف للحوامل..
انا بحمالي شبت على اسناني كلهاااا وكان اول الحمل والحمد الله عالجتنى الدكتورة وقالت لي لما تولدين
راجعينى..لاتقعدين على العوار ترى مايحتمل..والله يتمم عليج ان شاء الله..

 

[زينة الزين]

منو اللي قال لج أنه مايصير تعالجين أسنانج أثناء الحمل؟؟؟؟؟

عادي حبيبتي روحي طبيب الأسنان عالجيهم مافيه شي يخوف أصلا إذا أهملتيهم وما عالجتي ممكن التسوس يأثر على الجنين

عيادات الأسنان تارسة البلد وأنصحج إذا حالتج المادية تسمح تروحين حق طبيب خاص واااااااايد أحسن عندح عيادة شمس بحولي على الدائري الرابع مقابل رويال حياة ممتاز وأسعارهم معقولة

عسى الله يشافيج ويعافيج

 

[_Pure_]

عادي روحي طبيب الاسنان

انا توني من اسبوع رايحة و سوولي عمليه بلثتي و عطوني بنج خاص للحامل

من قال مو زين تروحين شخباري هالحجي

 

[*Sparkle*]

رد : بنات ساعدوني مو قادرة انام من عوار ضروسي

من الشهر الخامس عادي تعالجين اسنانج

انا حاشني عوار والله قمت اناقز من العوار

اخر شي رحت عيادة

نظفولي الضرس وبعد الحمل كملوه لي

 

[دآنة آلرشآيده]

في بالصيدليه غسول للاسنان
تتمضمضين في غسول المسمار انا نفع معاي
...مآتشوفين شر