بنات ساعدوني مادري شسوي مع أم ريلي ؟؟

[موتو قهر مني]

بنات أنا ساكنه مع الحموله وريلي معتمدين عليه بكل شي بطلعات والسفرات وتقريبا بأمور البيت كلها ، وعنده خوات متزوجات بس اذا تجمعو قالو له طلعنا ومايراعون ظروفه والضغط النفسي عليه كل هم نفسهم ، وأنا مشكلتي أم ريلي كل مابغيت أطلع ترتز وتطلع معانا وأنا ما أخذ راحتي بالطلعه وخصوصا السوق ،، ولله انا تعبت حيييل منهم واذا سافرت مع ريلي لا تشوفون أشكالهم اذا رديت من السفر مالهم خلق لي ،، بس اهي خالتي ماترضا على بناتها:ch12: انه يصير فيهم جذي وأنا لحد ألحين صابره والله يعين


بس أبي أعرف في أحد نفسي ولا بس أنا ?

بليز أبي رددودكم

 

[ناتشوو]

الله ييسر اموركم
اتوقع تختارين وقت للطلعه مايقدرون يروحون معاكم
تطلعون تتغدون مثلا
واذا تجمعو بيتمشون روحي معاهم وفرفشي
دايما الزوج اللي علاقته باهله وخواته قوية
من مفاتيحه تقوية العلاقة فيهم وعدم ذمهم

 

[فوفو22]

المفروض الخاله تفج شوي عن ولجها خاصه بوقت طلعاته مع زوجته وعياله

تقديرا لوقتهم الخاص

ولكن اذا خالتج تردز بروحها ....مالها حل الا الصبر

وقصه السفر ....وزعل وغيره البعض .....هذا موجوده ببيوت كثيره ...بس الحلو فيها ما تطوّل تخلص بسرعه

فوفو

 

[قَلبڪْ صًخرْ]

لزقه هذيلا
اوفر
اذا بعض طلعات اوكيك
بس مو عظم بالحلج
بكل طلعاتي
والمتزوجان شكو فريلج ماعندهم رياييل ويعع
الله يعين زوجج تلاقينه منغث
لاتزيدينه

 

[!الجادل الصعب!]

شوفي الجانب الايجابي .. م ناشبوج بالسفر ✌

 

[جذابه بنت ذيابه]

حبوبه

لا تضغطين على زوجج اكثر خليه على راحته
اذا شكيتي له من اهله قال هذي شبي فيها ما تحب اهلها ما ابيها


نصيحه كبري عقلج و خلج اعقل منهم و استانسي بالطلعه .. حتى لو خالتج معاكم ابتسمي .. و لا تحترين التعب مو عليج عليه هو لان هو يبي جذي
لو ما يبي جان رفض !

 

[al-musk]

الله يسخرهم لج بعد أمه ماتقدرين تقولين شي .. انتو طلعوها معاكم بس زرقولكم بين فترة وفترة ان عندج موعد او طبيب او مشوار ضروري وشتسوين بعد مابيدج حل

 

[((غلاي))]

الله يعينج
امه ماتقدرين تقولين لها شي

لكن ممكن لمن تزورين اهلج تتفقين مع زوجج يمرج و تطلعون

الله يهديهم

 

[نشيج الروح]

الصراحة عندي كذا حل لكن أخاف ما يناسب طبيعتهم وتصير مشاكل عشان جذي عليج بالصبر وكلمي ريلج انج تحتاجين طلعات خاصة بأسلوب ذرب بعد مدح امه

 

[ديانا سبنسر]

السوق اخذي فلوس من زوجج وقولي مااعرف اشتري الا مع اهلي.
الطلعات خليها الصبح خصوصا الجو حلو الحين او متاخر بالليل كروحة للمطار او تمشي
واذا طلعو مع زوجج اطلعي معاهم واعتبريها روحة عائلية

لكل مشكلة حل بس نصيحة لاتشكين جدامه رياييلنا ماينصفون الزوجة

 

[أم عزيـز]

اذا بتطلعون لا تقولون لبسواىطلعوا من غير محط يدري لان مولازم تعلنون انكم طالعين تتمشون والا سوق !

لان في امهات الله يهدتهم ما يحسون انهم قاعدين يضيفون على غيرهم ويناشبونهم
عشان حذي لا تسوين مشاكل ، شغلي مخج من غير ماتقولين حق زوجج انج ماتبين تطلعين مع امه ولا متضايقه منها
حاولي تختارين وقت ما يناسبها او ريوق او غدا وبعدها روحي السوق مره وحده
ومني تكونين ماجرحتي لا امه ولا زوجج

 

[Janna-q8]

الصراحة عندي كذا حل لكن أخاف ما يناسب طبيعتهم وتصير مشاكل عشان جذي عليج بالصبر وكلمي ريلج انج تحتاجين طلعات خاصة بأسلوب ذرب بعد مدح امه

اي حيييل عجبني هالرد

ما احب الاستسلام و بنفس الوقت ما احب اطلع بالشينه

يابنات احنا الحريم نعرف نوصل للي نبي بالحجي و الله ما ننصاد

 

[بنت الرحاب]

اووووووه لاتحاااتين ناس وااايد نفسج بس شنسوي ولاتعتبرين نفسج الوحيده في مجتمعنااا اهو جذي مجتمعنا ماايقدر الخصوصيه فعيشي حياتج وطنشي عشاان مايجيج السكر والضغط واصبري وفيه مثل يقووووووول كلما هممت ببوح خزني تذكرت قوله تعالي وبشر الصااابرين

 

[nutella22]

مع بنت الرحاب فيه كثير بمجتمعنا مايقدرون الخصوصيات

 

[ماريا 2006]

زين انج تسافرين اكو ناس كل ماوده ولدهم يسافر مع مرته طلعوله مليون احتياج ومليون مراجعه ماتتاجل ولو تقوله لاتعلم عن السفره مايقدر الا يشاورهم عشان لا يزعلون عليه ونتي خالتج تروح معاكم في خالات والله تسوي مليون عذر عشان مايطلع مع زوجته حتي غرفه النوم تتحكم فيها
بس بالنهايه هذي ام مافي زوجه محترمه تقدر تقول شي
اما الخوات لا عادي طاف تقدرين عليهم بس المشكله لو رضا الام متعلق برضا الخوات شرباكه
تدرين بهالامور يبيلها صبر بعد جم سنه بيصير في عيال واهو من نفسه بيخفف شوي عنهم وغريزه الابوه بتخليه يلتفت لج ولعياله اكثر

 

[رنيم الروح]

هذي امه تحمليها ترا الام اتغار من زوجة الولد انه كل شي لها وماقصروا البنات بس انتي هاديها وحاولي اتكونين لها احسن من بناتها بالاسلوب والكلام الحلو وفي الطلعه والدخله حسسيها انها اهي المهمه راح تتغيروبروحها

 

[popa]

اذا بتطلعون طلعو بدون ماتقولون لهم وين يعني لبسو خل يطلع قبلج وانتي اذا مريتي عليهم واسالوج وين رايحه قولي عندي شغل واذا حنجو وين الشغل قولي ماراح اطول ان شالله يالله مع السلامه
وخلج كله جذي لان اذا حددتي المكان بيقولون بنيي معاكم وهكذا

 

[Um Tuki]

لا تقولين بروح السوق او بنطلع
قولي بنمر بيت امي او بنزور عمتي او خالتي

مره اخذوها و مره لكم

يا حلات الحرية

اذا تطلعين مع ريلج تاخذين راحتج بالسوالف حتى هو

بس عاد لاتنسونها