بنات ساعدوني لاني بجد متضايقه من هالشي

[StyliShPrinceS]

السلام عليكم ورحمة الله وبركاته

انا ماقررت اكتب هالموضوع الا لما شفت ردودكم ومساعدتكم لباقي البنات

قلت اكيد لما اكتب موضوعي بلاقي احد يساعدني

انا مشكلتي مشكلة .. عندي قطوه شيرازيه

بس ابوي دايما يضايقها لما يلعب معاها ..

لانه للاسف اللعب عنده يا انه يخنقها باصابعه او انه يدوسها بريله

وبصراحه تعبت من قد ما اقوله انه يضايقها بلي يسويه لها

بس مافي فايه يغالفني ويأذيها والمشكله انها ماتصيح لما احد يسوي فيها شي !!

المهم هذا شي

والشي الثاني الحين هي صار لها 3 شهور تقريبا عندي وتعرف اني راعيتها

يعني لما تبي تاكل او تروح الحمام وانتو بكرامه اتيي عندي

لكن ماتحب اني امسح عليها وماتحب ابدا اني ارقدها في حضني

انا خاطري في هالشي يصير

لما تاكل امسح على راسها واناديها باسمها واشيلها واحضنها

واتم اسولف معاها والعب معاها

بس ماتحب تقعد في حضني

يعني عمرها ما نامت في حضني ولا تنام يمي اتم شوي وتشرد

واغلب الوقت هي في غرفتي لان ماحب اطلعها برى الغرفه عندي عيال اختي وابوي يأذونها

يعني هي تعرف اسمها واظن تعرف اني وايد احبها بس ماعرف ليش جذي

بنات شنو اسوي بليييييز بلييييييز ساعدوني :eh_s(1):

لان انا ماعندي غير هالقطوه واحبها نفس ما تكون بنتي واكثر

وطول يومي معاها ومرات اذا اطلع من قد ما احبها اخذها معاي

واذا ماخذتها ماقدر اطول اكثر منن ساعتين برا البيت وطول الوقت احاتيها عن لاتزعل علي (( بليز يعني لاتعلقون والله احبها هههههه ))


احس موضوعي مخربط فوق تحت بس من القهر مب عارفه ارتب كلامي :cxxxp:

 

[a7la-86wa]

اذا عندج ابوج يسوي جذي اسمحيلي طلعيها بره البيت وديها مكان ثاني
لان اكيد ابوج بيقولج طلعيها من الغرفه وهاتيها بلعب معاها..
وانتي ماتقدرين تقولين لا
وترا القطو يتعلم انه ينام بالحضن وهوصغير يعني صعبه الحين
وكل القطاوه تقريبا لما تكبر ماتقعد بالحضن لان المكان صغر عليها
انتي مثل قطوتي تطنش فيني
اذا تبينها تنام على فراشج شليلي كل سجاده اومخده او اي شي تحب تنام عليه
وخلي فراشج بس
اهي القطوه ماتحب تنام على الارض او الخشب او الاشياء الصلبه حيل تحب البطانيه والمخده اكثر بوايد
بمجرد انج تشيلين الاغراض من الغرفه
تلقينها بروحها تيي وتنام على فراشج...
واذا في اي سؤال انا موجوده^_^

 

[StyliShPrinceS]

لا ابوي مايقولي اطلعها من الغرفه عشان يلعب معاها واصلا هو مو موجود فالبيت على طول

بس لما يرد بالليل يلاقيها نايمه على الارض وعاد هي تنام على ظهرها فمايقصر فيها

او تكون نايمه على الكنبه ويستلمها

وعن المخدات والسجاد فعلا انا لاحظت عليها هالشي

المخدات الي على الارض والسجاد شلته

وهي تحب تكون موجوده قريب من المكان الي انا فيه

يعني الحين هي نايمه على شال من صوف انا حاطته لها لان شفتها تحبه بس نايمه على الارض

لكن لما اقوم من على السرير واطول تروح فوقه وتنام

بس حرام عاد مالحقت عليها وهي صغيره وصلتني وهي كبيره عمرها سنه و4 شهور

وماعتقد كانوا يدلعونها حياتها كانت تعيسه فديتها

تسلمين اختي والله ماقصرتي

وعندي سؤال

انا اذا امسح عليها شوي واتم تلحس في عمرها

واعرف ليش لان ريحتي تصير فيها والقطاوه مايحبون هالشي يحبون ريحتهم بس

يعني مافي حل حق هالسالفه هههههههه مافي عطر بريحتهم اتعطر به ؟؟ او اي شي بس ماتنفر مني

 

[توتو شان]

حبيبتي لازم بتتعبين معاها وعلى تعويدها
وفي انواع من القطط منهم مايحب يجلس كثير مع الانسان يعني يعتمد على نفسة في احيان
وبالنسبة لابوك (قهرني) سوري بس شوفيلة حل
ذكرية بايات واحاديث عن الرفق قداكم احد اتوقع بيفتشل وبيهون لووووول

 

[sweet cake]

لا تطلعينها من غرفتج .. واذا طلعتي اقفلي الباب.. يعني صعبه تعصبين على ابوج ولا شي بس حدج تذكرين بالاحاديث..
لكن اذا ما قدرتي وابوج للحين يأذيها انصحج تطلعينها.. يضيق خلقج ولا انج تاخذين اثمها وهذي روح

 

[$$كويتية$$]

الله يعييينج
قطوتج مو متعودة علييج نطري عليها تتعووود شوووي

 

[3w!Shni]

واذا ماخذتها ماقدر اطول اكثر منن ساعتين برا البيت وطول الوقت احاتيها عن لاتزعل علي

لووول انا من ارجع البيت على طول اخليه يفتح الجياس ويلعب فيهم عشان اراضيه ان في شي له لان هم اخاف يزعل مني

بس والله ابوج حركاته غريبة :s:s:

سوري .. بس مادري شقولج

انا اخوي لعبه دفش مع الكل .. فمن اشوفه يم قطيوي على طول اقوله شوي شوي ووخر و من هالكلام ..

و هم كان يقعد بحضني يوم صغير وينام فيه .. الحين يندعس يمي و يلزق فيني بس مو بحضني لانه كبر ما شاء الله

وو بالنسبة للريحه ماعتقد .. لان قطاوة البيت عادي.. انا جم مرة طلعت وخليته .. و كل مرة احط هدومي مكان غير لما ابدل

ارد القاه قاعد مكان هدومي ..

فمووودري

 

[StyliShPrinceS]

انا الحين الي قاعده اسويه اني طوول ما انا بالصاله كل شوي اقوم اشيك عليها وين راحت اخاف ابوي يحبسها في زاويه هههههههههه

والدرس القيته عليهم اليوم فالبيت وطرشت على ايميلاتهم بعد عشان الي مايدري يدري

بخصوص الطلعه صح انا لما ارد البيت هي على طول اتم ادور بين الاكياس

واكيد لها نصيب الاسد الي تعرفه كيس الرمل على طول اتم تبطل فالكيس لين اطلعه

ههههههه الحمدلله ان في احد مثلي

امي تقول ان فيني مرض ومو طبيعيه من قد ما احب القطوه هههههههه

وان شاء الله المحاولات تنفع ماعليه بطول بالي عليها وبدلعها واليوم شبعت من الدلع فديتها

 

[Aboosah]

حررررررررررررررررررررررررررام لاتطلعينهاا كلش عند ابوووج حرام مسكينه كسررت خااطري

 

[الكرزي]

انا ابوي كان جذيه من اشوف قطوتي يقعد اصارخ وسبحان الله كانت اتخاف منه وماتروح صوبة كلش وقعدت فترة احاول اخلي قطوة عندي بالبيت بس ماكو فايدة كل قطوة تقعد عندي شهر وتمشي هذا اذا كملت شهر بس الحين الحمدالله حاطتهم ابغرفه ابروحهم فمحد ااذيهم ... عموما خلي القطوة ابغرفتج على طول عشان مايأذونها حرام الله احاسبكم عليها ​

 

[سكارف.فوشي]

خليها بغرفتج وبعيد عنهم ولهيها بألعاب ولا شغلي التلفزيون عشان لا تستاحش وبس